| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
6. ச²த்³த³ந்தஜோதிபாலாரப்³ப⁴பஞ்ஹோ
6. Chaddantajotipālārabbhapañho
6. ‘‘ப⁴ந்தே நாக³ஸேன, பா⁴ஸிதம்பேதங் ப⁴க³வதா ச²த்³த³ந்தோ நாக³ராஜா –
6. ‘‘Bhante nāgasena, bhāsitampetaṃ bhagavatā chaddanto nāgarājā –
‘‘‘வதி⁴ஸ்ஸமேதந்தி பராமஸந்தோ, காஸாவமத்³த³க்கி² த⁴ஜங் இஸீனங்;
‘‘‘Vadhissametanti parāmasanto, kāsāvamaddakkhi dhajaṃ isīnaṃ;
து³க்கே²ன பு²ட்ட²ஸ்ஸுத³பாதி³ ஸஞ்ஞா, அரஹத்³த⁴ஜோ ஸப்³பி⁴ அவஜ்ஜ²ரூபோ’தி.
Dukkhena phuṭṭhassudapādi saññā, arahaddhajo sabbhi avajjharūpo’ti.
‘‘புன ச ப⁴ணிதங் ‘ஜோதிபாலமாணவோ ஸமானோ கஸ்ஸபங் ப⁴க³வந்தங் அரஹந்தங் ஸம்மாஸம்பு³த்³த⁴ங் முண்ட³கவாதே³ன ஸமணகவாதே³ன அஸப்³பா⁴ஹி ப²ருஸாஹி வாசாஹி அக்கோஸி பரிபா⁴ஸீ’தி. யதி³, ப⁴ந்தே நாக³ஸேன, போ³தி⁴ஸத்தோ திரச்சா²னக³தோ ஸமானோ காஸாவங் அபி⁴பூஜயி, தேன ஹி ‘ஜோதிபாலேன மாணவேன கஸ்ஸபோ ப⁴க³வா அரஹங் ஸம்மாஸம்பு³த்³தோ⁴ முண்ட³கவாதே³ன ஸமணகவாதே³ன அஸப்³பா⁴ஹி ப²ருஸாஹி வாசாஹி அக்குட்டோ² பரிபா⁴ஸிதோ’தி யங் வசனங், தங் மிச்சா². யதி³ ஜோதிபாலேன மாணவேன கஸ்ஸபோ ப⁴க³வா அரஹங் ஸம்மாஸம்பு³த்³தோ⁴ முண்ட³கவாதே³ன ஸமணகவாதே³ன அஸப்³பா⁴ஹி ப²ருஸாஹி வாசாஹி அக்குட்டோ² பரிபா⁴ஸிதோ, தேன ஹி ‘ச²த்³த³ந்தேன நாக³ராஜேன காஸாவங் பூஜித’ந்தி தம்பி வசனங் மிச்சா². யதி³ திரச்சா²னக³தேன போ³தி⁴ஸத்தேன கக்க²ளக²ரகடுகவேத³னங் வேத³யமானேன லுத்³த³கேன நிவத்த²ங் காஸாவங் பூஜிதங், கிங் மனுஸ்ஸபூ⁴தோ ஸமானோ பரிபக்கஞாணோ பரிபக்காய போ³தி⁴யா கஸ்ஸபங் ப⁴க³வந்தங் அரஹந்தங் ஸம்மாஸம்பு³த்³த⁴ங் த³ஸப³லங் லோகனாயகங் உதி³தோதி³தங் ஜலிதப்³யாமோபா⁴ஸங் பவருத்தமங் பவரருசிரகாஸிககாஸாவமபி⁴பாருதங் தி³ஸ்வா ந பூஜயி? அயம்பி உப⁴தோ கோடிகோ பஞ்ஹோ தவானுப்பத்தோ, ஸோ தயா நிப்³பா³ஹிதப்³போ³தி.
‘‘Puna ca bhaṇitaṃ ‘jotipālamāṇavo samāno kassapaṃ bhagavantaṃ arahantaṃ sammāsambuddhaṃ muṇḍakavādena samaṇakavādena asabbhāhi pharusāhi vācāhi akkosi paribhāsī’ti. Yadi, bhante nāgasena, bodhisatto tiracchānagato samāno kāsāvaṃ abhipūjayi, tena hi ‘jotipālena māṇavena kassapo bhagavā arahaṃ sammāsambuddho muṇḍakavādena samaṇakavādena asabbhāhi pharusāhi vācāhi akkuṭṭho paribhāsito’ti yaṃ vacanaṃ, taṃ micchā. Yadi jotipālena māṇavena kassapo bhagavā arahaṃ sammāsambuddho muṇḍakavādena samaṇakavādena asabbhāhi pharusāhi vācāhi akkuṭṭho paribhāsito, tena hi ‘chaddantena nāgarājena kāsāvaṃ pūjita’nti tampi vacanaṃ micchā. Yadi tiracchānagatena bodhisattena kakkhaḷakharakaṭukavedanaṃ vedayamānena luddakena nivatthaṃ kāsāvaṃ pūjitaṃ, kiṃ manussabhūto samāno paripakkañāṇo paripakkāya bodhiyā kassapaṃ bhagavantaṃ arahantaṃ sammāsambuddhaṃ dasabalaṃ lokanāyakaṃ uditoditaṃ jalitabyāmobhāsaṃ pavaruttamaṃ pavararucirakāsikakāsāvamabhipārutaṃ disvā na pūjayi? Ayampi ubhato koṭiko pañho tavānuppatto, so tayā nibbāhitabboti.
‘‘பா⁴ஸிதம்பேதங், மஹாராஜ, ப⁴க³வதா ச²த்³த³ந்தோ நாக³ராஜா ‘வதி⁴ஸ்ஸமேதந்தி…பே॰… அவஜ்ஜ²ரூபோ’தி. ஜோதிபாலேன ச மாணவேன கஸ்ஸபோ ப⁴க³வா அரஹங் ஸம்மாஸம்பு³த்³தோ⁴ முண்ட³கவாதே³ன ஸமணகவாதே³ன அஸப்³பா⁴ஹி ப²ருஸாஹி வாசாஹி அக்குட்டோ² பரிபா⁴ஸிதோ, தஞ்ச பன ஜாதிவஸேன குலவஸேன. ஜோதிபாலோ, மஹாராஜ, மாணவோ அஸ்ஸத்³தே⁴ அப்பஸன்னே குலே பச்சாஜாதோ, தஸ்ஸ மாதாபிதரோ ப⁴கி³னிபா⁴தரோ தா³ஸிதா³ஸசேடகபரிவாரகமனுஸ்ஸா ப்³ரஹ்மதே³வதா ப்³ரஹ்மக³ருகா, தே ‘ப்³ராஹ்மணா ஏவ உத்தமா பவரா’தி அவஸேஸே பப்³ப³ஜிதே க³ரஹந்தி ஜிகு³ச்ச²ந்தி, தேஸங் தங் வசனங் ஸுத்வா ஜோதிபாலோ மாணவோ க⁴டிகாரேன கும்ப⁴காரேன ஸத்தா²ரங் த³ஸ்ஸனாய பக்கோஸிதோ ஏவமாஹ ‘கிங் பன தேன முண்ட³கேன ஸமணகேன தி³ட்டே²னா’தி.
‘‘Bhāsitampetaṃ, mahārāja, bhagavatā chaddanto nāgarājā ‘vadhissametanti…pe… avajjharūpo’ti. Jotipālena ca māṇavena kassapo bhagavā arahaṃ sammāsambuddho muṇḍakavādena samaṇakavādena asabbhāhi pharusāhi vācāhi akkuṭṭho paribhāsito, tañca pana jātivasena kulavasena. Jotipālo, mahārāja, māṇavo assaddhe appasanne kule paccājāto, tassa mātāpitaro bhaginibhātaro dāsidāsaceṭakaparivārakamanussā brahmadevatā brahmagarukā, te ‘brāhmaṇā eva uttamā pavarā’ti avasese pabbajite garahanti jigucchanti, tesaṃ taṃ vacanaṃ sutvā jotipālo māṇavo ghaṭikārena kumbhakārena satthāraṃ dassanāya pakkosito evamāha ‘kiṃ pana tena muṇḍakena samaṇakena diṭṭhenā’ti.
‘‘யதா² , மஹாராஜ , அமதங் விஸமாஸஜ்ஜ தித்தகங் ஹோதி, யதா² ச ஸீதோத³கங் அக்³கி³மாஸஜ்ஜ உண்ஹங் ஹோதி, ஏவமேவ கோ², மஹாராஜ, ஜோதிபாலோ மாணவோ அஸ்ஸத்³தே⁴ அப்பஸன்னே குலே பச்சாஜாதோ, ஸோ குலவஸேன அந்தோ⁴ ஹுத்வா 1 ததா²க³தங் அக்கோஸி பரிபா⁴ஸி.
‘‘Yathā , mahārāja , amataṃ visamāsajja tittakaṃ hoti, yathā ca sītodakaṃ aggimāsajja uṇhaṃ hoti, evameva kho, mahārāja, jotipālo māṇavo assaddhe appasanne kule paccājāto, so kulavasena andho hutvā 2 tathāgataṃ akkosi paribhāsi.
‘‘யதா², மஹாராஜ, ஜலிதபஜ்ஜலிதோ மஹாஅக்³கி³க்க²ந்தோ⁴ ஸப்பபா⁴ஸோ உத³கமாஸஜ்ஜ உபஹதப்பபா⁴தேஜோ ஸீதலோ காளகோ ப⁴வதி பரிபக்கனிக்³கு³ண்டி³ப²லஸதி³ஸோ, ஏவமேவ கோ², மஹாராஜ, ஜோதிபாலோ மாணவோ புஞ்ஞவா ஸத்³தோ⁴ ஞாணவிபுலஸப்பபா⁴ஸோ அஸ்ஸத்³தே⁴ அப்பஸன்னே குலே பச்சாஜாதோ, ஸோ குலவஸேன அந்தோ⁴ ஹுத்வா ததா²க³தங் அக்கோஸி பரிபா⁴ஸி, உபக³ந்த்வா ச பு³த்³த⁴கு³ணமஞ்ஞாய சேடகபூ⁴தோ விய அஹோஸி, ஜினஸாஸனே பப்³ப³ஜித்வா அபி⁴ஞ்ஞா ச ஸமாபத்தியோ ச நிப்³ப³த்தெத்வா ப்³ரஹ்மலோகூபகோ³ அஹோஸீ’’தி. ‘‘ஸாது⁴, ப⁴ந்தே நாக³ஸேன, ஏவமேதங் ததா² ஸம்படிச்சா²மீ’’தி.
‘‘Yathā, mahārāja, jalitapajjalito mahāaggikkhandho sappabhāso udakamāsajja upahatappabhātejo sītalo kāḷako bhavati paripakkanigguṇḍiphalasadiso, evameva kho, mahārāja, jotipālo māṇavo puññavā saddho ñāṇavipulasappabhāso assaddhe appasanne kule paccājāto, so kulavasena andho hutvā tathāgataṃ akkosi paribhāsi, upagantvā ca buddhaguṇamaññāya ceṭakabhūto viya ahosi, jinasāsane pabbajitvā abhiññā ca samāpattiyo ca nibbattetvā brahmalokūpago ahosī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ச²த்³த³ந்தஜோதிபாலாரப்³ப⁴பஞ்ஹோ ச²ட்டோ².
Chaddantajotipālārabbhapañho chaṭṭho.
Footnotes:
