| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. адтамаваг̇г̇о
8. Aṭṭhamavaggo
1. чаг̇ад̇игат̇ааван̣н̣анаа
1. Chagatikathāvaṇṇanā
503-504. ид̣̇аани чаг̇ад̇игат̇аа наама ход̇и. д̇ад̇т̇а асурагааязна сад̣̇д̇хим̣ чаг̇ад̇ияод̇и язсам̣ лад̣̇д̇хи, сзяяат̇ааби анд̇хагаанан̃жзва уд̇д̇араабат̇агаанан̃жа; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ сагаваад̣̇ий ‘‘бан̃жа ко банимаа, саарибуд̇д̇а, г̇ад̇ияо’’д̇и (ма. ни. 1.153) ломахам̣санабарияааяз барижчиннаанам̣ г̇ад̇ийнам̣ васзна жод̣̇зд̇ум̣ нану бан̃жа г̇ад̇ияод̇иаад̣̇имааха. ид̇аро суд̇д̇авирод̇хабхаязна бадиж̇аанаад̇и. гасмаа бана сагаваад̣̇ий ча г̇ад̇ияо на самбадижчад̇и, нану ‘‘жад̇уухаабааязхи жа виббамуд̇д̇о’’д̇и зд̇т̇а асурагааяоби г̇ахид̇од̇и. сажжам̣ г̇ахид̇о, на банзсаа г̇ад̇и. гасмаа? висум̣ абхаавад̇о. асурагааяасмин̃хи гаалаган̃жигаа асураа бзд̇аг̇ад̇ияаа сан̇г̇ахид̇аа , взбажид̇д̇ибарисаа д̣̇зваг̇ад̇ияаа, асурагааяод̇и висум̣ згаа г̇ад̇и наама над̇т̇и.
503-504. Idāni chagatikathā nāma hoti. Tattha asurakāyena saddhiṃ chagatiyoti yesaṃ laddhi, seyyathāpi andhakānañceva uttarāpathakānañca; te sandhāya pucchā sakavādissa, paṭiññā itarassa. Atha naṃ sakavādī ‘‘pañca kho panimā, sāriputta, gatiyo’’ti (ma. ni. 1.153) lomahaṃsanapariyāye paricchinnānaṃ gatīnaṃ vasena codetuṃ nanu pañca gatiyotiādimāha. Itaro suttavirodhabhayena paṭijānāti. Kasmā pana sakavādī cha gatiyo na sampaṭicchati, nanu ‘‘catūhāpāyehi ca vippamutto’’ti ettha asurakāyopi gahitoti. Saccaṃ gahito, na panesā gati. Kasmā? Visuṃ abhāvato. Asurakāyasmiñhi kālakañcikā asurā petagatiyā saṅgahitā , vepacittiparisā devagatiyā, asurakāyoti visuṃ ekā gati nāma natthi.
ид̣̇аани зд̇амзва ад̇т̇ам̣ д̣̇ассзд̇ум̣ нану гаалаган̃жигаад̇иаад̣̇и аарад̣̇д̇хам̣. д̇ад̇т̇а самаанаван̣н̣аад̇и сад̣̇исаруубасан̣таанаа б̣ийбхажчаа вируубаа д̣̇уд̣̇д̣̇ассигаа. самаанабхог̇аад̇и сад̣̇исамзт̇унасамаажаараа. самаанаахаараад̇и сад̣̇исакзл̣асин̇гхаан̣игабуб̣б̣алохид̇аад̣̇иаахаараа. самаанааяугаад̇и сад̣̇исаааяубарижчзд̣̇аа. ааваахавивааханд̇и ган̃н̃ааг̇ахан̣ан̃жзва ган̃н̃аад̣̇аанан̃жа. суггабагкз самаанаван̣н̣аад̇и сад̣̇исаруубасан̣таанаа абхируубаа баасаад̣̇игаа д̣̇ассанийяаа бабхаасамбаннаа. самаанабхог̇аад̇и сад̣̇исабан̃жагааамаг̇ун̣абхог̇аа. самаанаахаараад̇и сад̣̇исасуд̇хаабхож̇анаад̣̇иаахаараа. сзсам̣ вуд̇д̇анаяамзва. нану ад̇т̇и асурагааяод̇и ид̣̇ам̣ асурагааяассзва саад̇хагам̣. д̇асса бана висум̣ г̇ад̇ибарижчзд̣̇аабхаавзна на г̇ад̇исаад̇хаганд̇и.
Idāni etameva atthaṃ dassetuṃ nanu kālakañcikātiādi āraddhaṃ. Tattha samānavaṇṇāti sadisarūpasaṇṭhānā bībhacchā virūpā duddassikā. Samānabhogāti sadisamethunasamācārā. Samānāhārāti sadisakheḷasiṅghāṇikapubbalohitādiāhārā. Samānāyukāti sadisaāyuparicchedā. Āvāhavivāhanti kaññāgahaṇañceva kaññādānañca. Sukkapakkhe samānavaṇṇāti sadisarūpasaṇṭhānā abhirūpā pāsādikā dassanīyā pabhāsampannā. Samānabhogāti sadisapañcakaāmaguṇabhogā. Samānāhārāti sadisasudhābhojanādiāhārā. Sesaṃ vuttanayameva. Nanu atthi asurakāyoti idaṃ asurakāyasseva sādhakaṃ. Tassa pana visuṃ gatiparicchedābhāvena na gatisādhakanti.
чаг̇ад̇игат̇ааван̣н̣анаа.
Chagatikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (73) 1. чаг̇ад̇игат̇аа • (73) 1. Chagatikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. чаг̇ад̇игат̇ааван̣н̣анаа • 1. Chagatikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. чаг̇ад̇игат̇ааван̣н̣анаа • 1. Chagatikathāvaṇṇanā
