| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੮. ਅਟ੍ਠਮવਗ੍ਗੋ
8. Aṭṭhamavaggo
੧. ਛਗਤਿਕਥਾવਣ੍ਣਨਾ
1. Chagatikathāvaṇṇanā
੫੦੩-੫੦੪. ਇਦਾਨਿ ਛਗਤਿਕਥਾ ਨਾਮ ਹੋਤਿ। ਤਤ੍ਥ ਅਸੁਰਕਾਯੇਨ ਸਦ੍ਧਿਂ ਛਗਤਿਯੋਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਞ੍ਚੇવ ਉਤ੍ਤਰਾਪਥਕਾਨਞ੍ਚ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ਸਕવਾਦੀ ‘‘ਪਞ੍ਚ ਖੋ ਪਨਿਮਾ, ਸਾਰਿਪੁਤ੍ਤ, ਗਤਿਯੋ’’ਤਿ (ਮ॰ ਨਿ॰ ੧.੧੫੩) ਲੋਮਹਂਸਨਪਰਿਯਾਯੇ ਪਰਿਚ੍ਛਿਨ੍ਨਾਨਂ ਗਤੀਨਂ વਸੇਨ ਚੋਦੇਤੁਂ ਨਨੁ ਪਞ੍ਚ ਗਤਿਯੋਤਿਆਦਿਮਾਹ। ਇਤਰੋ ਸੁਤ੍ਤવਿਰੋਧਭਯੇਨ ਪਟਿਜਾਨਾਤਿ। ਕਸ੍ਮਾ ਪਨ ਸਕવਾਦੀ ਛ ਗਤਿਯੋ ਨ ਸਮ੍ਪਟਿਚ੍ਛਤਿ, ਨਨੁ ‘‘ਚਤੂਹਾਪਾਯੇਹਿ ਚ વਿਪ੍ਪਮੁਤ੍ਤੋ’’ਤਿ ਏਤ੍ਥ ਅਸੁਰਕਾਯੋਪਿ ਗਹਿਤੋਤਿ। ਸਚ੍ਚਂ ਗਹਿਤੋ, ਨ ਪਨੇਸਾ ਗਤਿ। ਕਸ੍ਮਾ? વਿਸੁਂ ਅਭਾવਤੋ। ਅਸੁਰਕਾਯਸ੍ਮਿਞ੍ਹਿ ਕਾਲਕਞ੍ਚਿਕਾ ਅਸੁਰਾ ਪੇਤਗਤਿਯਾ ਸਙ੍ਗਹਿਤਾ , વੇਪਚਿਤ੍ਤਿਪਰਿਸਾ ਦੇવਗਤਿਯਾ, ਅਸੁਰਕਾਯੋਤਿ વਿਸੁਂ ਏਕਾ ਗਤਿ ਨਾਮ ਨਤ੍ਥਿ।
503-504. Idāni chagatikathā nāma hoti. Tattha asurakāyena saddhiṃ chagatiyoti yesaṃ laddhi, seyyathāpi andhakānañceva uttarāpathakānañca; te sandhāya pucchā sakavādissa, paṭiññā itarassa. Atha naṃ sakavādī ‘‘pañca kho panimā, sāriputta, gatiyo’’ti (ma. ni. 1.153) lomahaṃsanapariyāye paricchinnānaṃ gatīnaṃ vasena codetuṃ nanu pañca gatiyotiādimāha. Itaro suttavirodhabhayena paṭijānāti. Kasmā pana sakavādī cha gatiyo na sampaṭicchati, nanu ‘‘catūhāpāyehi ca vippamutto’’ti ettha asurakāyopi gahitoti. Saccaṃ gahito, na panesā gati. Kasmā? Visuṃ abhāvato. Asurakāyasmiñhi kālakañcikā asurā petagatiyā saṅgahitā , vepacittiparisā devagatiyā, asurakāyoti visuṃ ekā gati nāma natthi.
ਇਦਾਨਿ ਏਤਮੇવ ਅਤ੍ਥਂ ਦਸ੍ਸੇਤੁਂ ਨਨੁ ਕਾਲਕਞ੍ਚਿਕਾਤਿਆਦਿ ਆਰਦ੍ਧਂ। ਤਤ੍ਥ ਸਮਾਨવਣ੍ਣਾਤਿ ਸਦਿਸਰੂਪਸਣ੍ਠਾਨਾ ਬੀਭਚ੍ਛਾ વਿਰੂਪਾ ਦੁਦ੍ਦਸ੍ਸਿਕਾ। ਸਮਾਨਭੋਗਾਤਿ ਸਦਿਸਮੇਥੁਨਸਮਾਚਾਰਾ। ਸਮਾਨਾਹਾਰਾਤਿ ਸਦਿਸਖੇਲ਼ਸਿਙ੍ਘਾਣਿਕਪੁਬ੍ਬਲੋਹਿਤਾਦਿਆਹਾਰਾ। ਸਮਾਨਾਯੁਕਾਤਿ ਸਦਿਸਆਯੁਪਰਿਚ੍ਛੇਦਾ। ਆવਾਹવਿવਾਹਨ੍ਤਿ ਕਞ੍ਞਾਗਹਣਞ੍ਚੇવ ਕਞ੍ਞਾਦਾਨਞ੍ਚ। ਸੁਕ੍ਕਪਕ੍ਖੇ ਸਮਾਨવਣ੍ਣਾਤਿ ਸਦਿਸਰੂਪਸਣ੍ਠਾਨਾ ਅਭਿਰੂਪਾ ਪਾਸਾਦਿਕਾ ਦਸ੍ਸਨੀਯਾ ਪਭਾਸਮ੍ਪਨ੍ਨਾ। ਸਮਾਨਭੋਗਾਤਿ ਸਦਿਸਪਞ੍ਚਕਆਮਗੁਣਭੋਗਾ। ਸਮਾਨਾਹਾਰਾਤਿ ਸਦਿਸਸੁਧਾਭੋਜਨਾਦਿਆਹਾਰਾ। ਸੇਸਂ વੁਤ੍ਤਨਯਮੇવ। ਨਨੁ ਅਤ੍ਥਿ ਅਸੁਰਕਾਯੋਤਿ ਇਦਂ ਅਸੁਰਕਾਯਸ੍ਸੇવ ਸਾਧਕਂ। ਤਸ੍ਸ ਪਨ વਿਸੁਂ ਗਤਿਪਰਿਚ੍ਛੇਦਾਭਾવੇਨ ਨ ਗਤਿਸਾਧਕਨ੍ਤਿ।
Idāni etameva atthaṃ dassetuṃ nanu kālakañcikātiādi āraddhaṃ. Tattha samānavaṇṇāti sadisarūpasaṇṭhānā bībhacchā virūpā duddassikā. Samānabhogāti sadisamethunasamācārā. Samānāhārāti sadisakheḷasiṅghāṇikapubbalohitādiāhārā. Samānāyukāti sadisaāyuparicchedā. Āvāhavivāhanti kaññāgahaṇañceva kaññādānañca. Sukkapakkhe samānavaṇṇāti sadisarūpasaṇṭhānā abhirūpā pāsādikā dassanīyā pabhāsampannā. Samānabhogāti sadisapañcakaāmaguṇabhogā. Samānāhārāti sadisasudhābhojanādiāhārā. Sesaṃ vuttanayameva. Nanu atthi asurakāyoti idaṃ asurakāyasseva sādhakaṃ. Tassa pana visuṃ gatiparicchedābhāvena na gatisādhakanti.
ਛਗਤਿਕਥਾવਣ੍ਣਨਾ।
Chagatikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੭੩) ੧. ਛਗਤਿਕਥਾ • (73) 1. Chagatikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਛਗਤਿਕਥਾવਣ੍ਣਨਾ • 1. Chagatikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਛਗਤਿਕਥਾવਣ੍ਣਨਾ • 1. Chagatikathāvaṇṇanā
