| Library / Tipiṭaka / திபிடக • Tipiṭaka / ஸம்மோஹவினோத³னீ-அட்ட²கதா² • Sammohavinodanī-aṭṭhakathā |
(6.) ச²க்கனித்³தே³ஸவண்ணனா
(6.) Chakkaniddesavaṇṇanā
805. ச²ப்³பி³தே⁴ன ஞாணவத்து²னித்³தே³ஸே இத்³தி⁴விதே⁴ ஞாணந்தி ‘‘ஏகோபி ஹுத்வா ப³ஹுதா⁴ ஹோதீ’’திஆதி³னயப்பவத்தே (தீ³॰ நி॰ 1.484; படி॰ ம॰ 1.102) இத்³தி⁴விதே⁴ ஞாணங். இமினா அவிதக்காவிசாரா உபெக்கா²ஸஹக³தா ரூபாவசரா ப³ஹுதா⁴பா⁴வாதி³ஸாதி⁴கா ஏகசித்தக்க²ணிகா அப்பனாபஞ்ஞாவ கதி²தா. ஸோததா⁴துவிஸுத்³தி⁴யா ஞாணந்தி தூ³ரஸந்திகாதி³பே⁴த³ஸத்³தா³ரம்மணாய தி³ப்³ப³ஸோததா⁴துயா ஞாணங். இமினாபி அவிதக்காவிசாரா உபெக்கா²ஸஹக³தா ரூபாவசரா பகதிஸோதவிஸயாதீதஸத்³தா³ரம்மணா ஏகசித்தக்க²ணிகா அப்பனாபஞ்ஞாவ கதி²தா. பரசித்தே ஞாணந்தி பரஸத்தானங் சித்தபரிச்சே²தே³ ஞாணங். இமினாபி யதா²வுத்தப்பகாரா பரேஸங் ஸராகா³தி³சித்தாரம்மணா ஏகசித்தக்க²ணிகா அப்பனாபஞ்ஞாவ கதி²தா. புப்³பே³னிவாஸானுஸ்ஸதியா ஞாணந்தி புப்³பே³னிவாஸானுஸ்ஸதிஸம்பயுத்தங் ஞாணங். இமினாபி யதா²வுத்தப்பகாரா புப்³பே³ நிவுத்த²க்க²ந்தா⁴னுஸ்ஸரணஸதிஸம்பயுத்தா ஏகசித்தக்க²ணிகா அப்பனாபஞ்ஞாவ கதி²தா. ஸத்தானங் சுதூபபாதே ஞாணந்தி ஸத்தானங் சுதியஞ்ச உபபாதே ச ஞாணங். இமினாபி யதா²வுத்தப்பகாரா சவனகஉபபஜ்ஜனகானங் ஸத்தானங் வண்ணதா⁴துஆரம்மணா ஏகசித்தக்க²ணிகா அப்பனாபஞ்ஞாவ கதி²தா. ஆஸவானங் க²யே ஞாணந்தி ஸச்சபரிச்சே²த³ஜானநஞாணங். இத³ங் லோகுத்தரமேவ. ஸேஸானி லோகியானீதி.
805. Chabbidhena ñāṇavatthuniddese iddhividhe ñāṇanti ‘‘ekopi hutvā bahudhā hotī’’tiādinayappavatte (dī. ni. 1.484; paṭi. ma. 1.102) iddhividhe ñāṇaṃ. Iminā avitakkāvicārā upekkhāsahagatā rūpāvacarā bahudhābhāvādisādhikā ekacittakkhaṇikā appanāpaññāva kathitā. Sotadhātuvisuddhiyā ñāṇanti dūrasantikādibhedasaddārammaṇāya dibbasotadhātuyā ñāṇaṃ. Imināpi avitakkāvicārā upekkhāsahagatā rūpāvacarā pakatisotavisayātītasaddārammaṇā ekacittakkhaṇikā appanāpaññāva kathitā. Paracitteñāṇanti parasattānaṃ cittaparicchede ñāṇaṃ. Imināpi yathāvuttappakārā paresaṃ sarāgādicittārammaṇā ekacittakkhaṇikā appanāpaññāva kathitā. Pubbenivāsānussatiyā ñāṇanti pubbenivāsānussatisampayuttaṃ ñāṇaṃ. Imināpi yathāvuttappakārā pubbe nivutthakkhandhānussaraṇasatisampayuttā ekacittakkhaṇikā appanāpaññāva kathitā. Sattānaṃ cutūpapāte ñāṇanti sattānaṃ cutiyañca upapāte ca ñāṇaṃ. Imināpi yathāvuttappakārā cavanakaupapajjanakānaṃ sattānaṃ vaṇṇadhātuārammaṇā ekacittakkhaṇikā appanāpaññāva kathitā. Āsavānaṃ khaye ñāṇanti saccaparicchedajānanañāṇaṃ. Idaṃ lokuttarameva. Sesāni lokiyānīti.
ச²க்கனித்³தே³ஸவண்ணனா.
Chakkaniddesavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / விப⁴ங்க³பாளி • Vibhaṅgapāḷi / 16. ஞாணவிப⁴ங்கோ³ • 16. Ñāṇavibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-மூலடீகா • Vibhaṅga-mūlaṭīkā / 16. ஞாணவிப⁴ங்கோ³ • 16. Ñāṇavibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-அனுடீகா • Vibhaṅga-anuṭīkā / 16. ஞாணவிப⁴ங்கோ³ • 16. Ñāṇavibhaṅgo
