| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
(6.) чагганид̣̇д̣̇зсаван̣н̣анаа
(6.) Chakkaniddesavaṇṇanā
944. чагганид̣̇д̣̇зсз яасмаа гуд̣̇д̇хо ваа год̇хавасзна, санд̣̇идтибараамаасий ваа санд̣̇идтибараамаасид̇ааяа галахам̣ виг̇г̇ахам̣ виваад̣̇ам̣ аабаж̇ж̇ад̇и, д̇асмаа год̇хаад̣̇аяо ‘виваад̣̇амуулааний’д̇и вуд̇д̇аа.
944. Chakkaniddese yasmā kuddho vā kodhavasena, sandiṭṭhiparāmāsī vā sandiṭṭhiparāmāsitāya kalahaṃ viggahaṃ vivādaṃ āpajjati, tasmā kodhādayo ‘vivādamūlānī’ti vuttā.
чанд̣̇арааг̇анид̣̇д̣̇зсз гаамаг̇зхасид̇ад̇д̇аа чанд̣̇арааг̇аа г̇зхассид̇аа д̇хаммаад̇и сан̇г̇ахад̇о вад̇ваа буна бабхзд̣̇ад̇о д̣̇ассзд̇ум̣ манаабиязсу руубзсууд̇иаад̣̇и вуд̇д̇ам̣. д̇ад̇т̇а манаабиязсууд̇и манавад̣дханагзсу идтзсу. вирод̇хаа зва вирод̇хавад̇т̇ууни. аманаабиязсууд̇и анидтзсу.
Chandarāganiddese kāmagehasitattā chandarāgā gehassitā dhammāti saṅgahato vatvā puna pabhedato dassetuṃ manāpiyesu rūpesūtiādi vuttaṃ. Tattha manāpiyesūti manavaḍḍhanakesu iṭṭhesu. Virodhā eva virodhavatthūni. Amanāpiyesūti aniṭṭhesu.
945. аг̇ааравзсу аг̇ааравод̇и г̇аарававирахид̇о. аббад̇иссод̇и аббад̇иссаяо анийжавуд̇д̇и. зд̇т̇а бана яо бхигку сад̇т̇ари д̇харамаанз д̇ийсу гаалзсу убадтаанам̣ на яаад̇и, сад̇т̇ари анубааханз жан̇гаманд̇з саубаахано жан̇гамад̇и , нийжз жан̇гамз жан̇гаманд̇з ужжз жан̇гамз жан̇гамад̇и, хздтаа васанд̇з убари васад̇и, сад̇т̇уд̣̇ассанадтаанз убхо ам̣сз баарубад̇и, чад̇д̇ам̣ д̇хаарзд̇и, убааханам̣ д̇хаарзд̇и, нхааяад̇и, ужжаарам̣ ваа бассаавам̣ ваа гарод̇и, бариниб̣б̣уд̇з ваа бана жзд̇ияам̣ ванд̣̇ид̇ум̣ на г̇ажчад̇и, жзд̇ияасса бан̃н̃ааяанадтаанз сад̇т̇уд̣̇ассанадтаанз вуд̇д̇ам̣ саб̣б̣ам̣ гарод̇и – аяам̣ сад̇т̇ари аг̇аараво наама. яо бана д̇хаммасаванз сан̇гхудтз саггажжам̣ на г̇ажчад̇и, саггажжам̣ д̇хаммам̣ на сун̣аад̇и, самуллабанд̇о нисийд̣̇ад̇и, на саггажжам̣ г̇ан̣хаад̇и, на саггажжам̣ ваажзд̇и – ‘аяам̣ д̇хаммз аг̇аараво наама. яо бана т̇зрзна бхигкунаа анаж̇жхидто д̇хаммам̣ д̣̇зсзд̇и, бан̃хам̣ гат̇зд̇и, вуд̣дхз бхигкуу гхаддзнд̇о г̇ажчад̇и, д̇идтад̇и, нисийд̣̇ад̇и, д̣̇уссабаллад̇т̇игам̣ ваа хад̇т̇абаллад̇т̇игам̣ ваа гарод̇и, сан̇гхамаж̇жхз убхо ам̣сз баарубад̇и, чад̇д̇убааханам̣ д̇хаарзд̇и – аяам̣ сан̇гхз аг̇аараво наама. згабхигкусмимби хи аг̇ааравз гад̇з сан̇гхз аг̇аараво гад̇ова ход̇и. д̇иссо сигкаа бана абуураяамаанова сигкааяа аг̇аараво наама. аббамаад̣̇алагкан̣ам̣ анануб̣руухаяамаано аббамаад̣̇з аг̇аараво наама. д̣̇увид̇хам̣ бадисант̇аарам̣ агаронд̇о бадисант̇аарз аг̇аараво наама.
945. Agāravesu agāravoti gāravavirahito. Appatissoti appatissayo anīcavutti. Ettha pana yo bhikkhu satthari dharamāne tīsu kālesu upaṭṭhānaṃ na yāti, satthari anupāhane caṅkamante saupāhano caṅkamati , nīce caṅkame caṅkamante ucce caṅkame caṅkamati, heṭṭhā vasante upari vasati, satthudassanaṭṭhāne ubho aṃse pārupati, chattaṃ dhāreti, upāhanaṃ dhāreti, nhāyati, uccāraṃ vā passāvaṃ vā karoti, parinibbute vā pana cetiyaṃ vandituṃ na gacchati, cetiyassa paññāyanaṭṭhāne satthudassanaṭṭhāne vuttaṃ sabbaṃ karoti – ayaṃ satthari agāravo nāma. Yo pana dhammasavane saṅghuṭṭhe sakkaccaṃ na gacchati, sakkaccaṃ dhammaṃ na suṇāti, samullapanto nisīdati, na sakkaccaṃ gaṇhāti, na sakkaccaṃ vāceti – ‘ayaṃ dhamme agāravo nāma. Yo pana therena bhikkhunā anajjhiṭṭho dhammaṃ deseti, pañhaṃ katheti, vuḍḍhe bhikkhū ghaṭṭento gacchati, tiṭṭhati, nisīdati, dussapallatthikaṃ vā hatthapallatthikaṃ vā karoti, saṅghamajjhe ubho aṃse pārupati, chattupāhanaṃ dhāreti – ayaṃ saṅghe agāravo nāma. Ekabhikkhusmimpi hi agārave kate saṅghe agāravo katova hoti. Tisso sikkhā pana apūrayamānova sikkhāya agāravo nāma. Appamādalakkhaṇaṃ ananubrūhayamāno appamāde agāravo nāma. Duvidhaṃ paṭisanthāraṃ akaronto paṭisanthāre agāravo nāma.
барихаанияаа д̇хаммаад̇и барихаанагараа д̇хаммаа. гаммаараамад̇аад̇и навагаммз ваа жийваравижааран̣аад̣̇ийсу ваа гаммзсу абхирад̇и яуд̇д̇абаяуд̇д̇ад̇аа. бхассаараамад̇аад̇и д̇иражчаанагат̇аавасзна бхассз яуд̇д̇абаяуд̇д̇ад̇аа. нид̣̇д̣̇аараамад̇аад̇и нид̣̇д̣̇ааяа яуд̇д̇абаяуд̇д̇ад̇аа. сан̇г̇ан̣игаараамад̇аад̇и сан̇г̇ан̣игааяа яуд̇д̇абаяуд̇д̇ад̇аа. сам̣саг̇г̇аараамад̇аад̇и саванасам̣саг̇г̇з, д̣̇ассанасам̣саг̇г̇з, самуллаабасам̣саг̇г̇з, барибхог̇асам̣саг̇г̇з, гааяасам̣саг̇г̇зд̇и бан̃жавид̇хз сам̣саг̇г̇з яуд̇д̇абаяуд̇д̇ад̇аа. бабан̃жаараамад̇аад̇и д̇ан̣хаамаанад̣̇идтибабан̃жзсу яуд̇д̇абаяуд̇д̇ад̇аа.
Parihāniyā dhammāti parihānakarā dhammā. Kammārāmatāti navakamme vā cīvaravicāraṇādīsu vā kammesu abhirati yuttapayuttatā. Bhassārāmatāti tiracchānakathāvasena bhasse yuttapayuttatā. Niddārāmatāti niddāya yuttapayuttatā. Saṅgaṇikārāmatāti saṅgaṇikāya yuttapayuttatā. Saṃsaggārāmatāti savanasaṃsagge, dassanasaṃsagge, samullāpasaṃsagge, paribhogasaṃsagge, kāyasaṃsaggeti pañcavidhe saṃsagge yuttapayuttatā. Papañcārāmatāti taṇhāmānadiṭṭhipapañcesu yuttapayuttatā.
946. соманассубавижаараад̣̇ийсу соманассзна сад̣̇д̇хим̣ убавижаранд̇ийд̇и соманассубавижаараа. жагкунаа руубам̣ д̣̇исваад̇и жагкувин̃н̃аан̣зна руубам̣ бассид̇ваа. соманассадтаанияанд̇и соманассасса аарамман̣авасзна гааран̣абхууд̇ам̣. убавижарад̇ийд̇и д̇ад̇т̇а вижаараббавад̇д̇анзна убавижарад̇и. вид̇агго бана д̇ам̣самбаяуд̇д̇о ваад̇и иминаа наязна д̇ийсуби чаггзсу ад̇т̇о взд̣̇ид̇аб̣б̣о.
946. Somanassupavicārādīsu somanassena saddhiṃ upavicarantīti somanassupavicārā. Cakkhunā rūpaṃ disvāti cakkhuviññāṇena rūpaṃ passitvā. Somanassaṭṭhāniyanti somanassassa ārammaṇavasena kāraṇabhūtaṃ. Upavicaratīti tattha vicārappavattanena upavicarati. Vitakko pana taṃsampayutto vāti iminā nayena tīsupi chakkesu attho veditabbo.
947. г̇зхасид̇аанийд̇и гаамаг̇ун̣аниссид̇аани. соманассаанийд̇и жзд̇асигасукаани. д̣̇оманассаанийд̇и жзд̇асигад̣̇угкаани. убзгкаад̇и ан̃н̃аан̣асамбаяуд̇д̇аа убзгкаа взд̣̇анаа, ан̃н̃аан̣убзгкаад̇иби зд̇аасам̣язва наамам̣.
947. Gehasitānīti kāmaguṇanissitāni. Somanassānīti cetasikasukhāni. Domanassānīti cetasikadukkhāni. Upekkhāti aññāṇasampayuttā upekkhā vedanā, aññāṇupekkhātipi etāsaṃyeva nāmaṃ.
948. ад̇т̇и мз ад̇д̇аад̇и ваад̇и саб̣б̣абад̣̇зсу ваа-сад̣̇д̣̇о вигаббад̇т̇о; звам̣ ваа д̣̇идти уббаж̇ж̇ад̇ийд̇и вуд̇д̇ам̣ ход̇и. ад̇т̇и мз ад̇д̇аад̇и жзд̇т̇а сассад̇ад̣̇идти саб̣б̣агаалзсу ад̇д̇ано ад̇т̇ид̇ам̣ г̇ан̣хаад̇и. сажжад̇о т̇зд̇ад̇од̇и бхууд̇ад̇о жа т̇ирад̇о жа; ид̣̇ам̣ сажжанд̇и судту д̣̇ал̣хабхаавзнаад̇и вуд̇д̇ам̣ ход̇и. над̇т̇и мз ад̇д̇аад̇и аяам̣ бана ужчзд̣̇ад̣̇идти, сад̇о сад̇д̇асса д̇ад̇т̇а д̇ад̇т̇а вибхаваг̇г̇ахан̣ад̇о. ат̇а ваа буримааби д̇ийсу гаалзсу ад̇т̇ийд̇и г̇ахан̣ад̇о сассад̇ад̣̇идти, бажжуббаннамзва ад̇т̇ийд̇и г̇ан̣ханд̇ий ужчзд̣̇ад̣̇идти. бажчимааби ад̇ийд̇аанааг̇ад̇зсу над̇т̇ийд̇и г̇ахан̣ад̇о ‘бхасманд̇аа аахуд̇ияо’д̇и г̇ахид̇ад̣̇идтигаанам̣ вияа ужчзд̣̇ад̣̇идти, ад̇ийд̇зязва над̇т̇ийд̇и г̇ан̣ханд̇ий ад̇хижжасамуббаннигассзва сассад̇ад̣̇идти. ад̇д̇анаа ваа ад̇д̇аанам̣ сан̃ж̇аанаамийд̇и сан̃н̃аагканд̇хасийсзна канд̇хз ад̇д̇аад̇и г̇ахзд̇ваа сан̃н̃ааяа авасзсагканд̇хз сан̃ж̇аананад̇о ‘иминаа ад̇д̇анаа имам̣ ад̇д̇аанам̣ сан̃ж̇аанаамий’д̇и звам̣ ход̇и. ад̇д̇анаа ваа анад̇д̇аананд̇и сан̃н̃аагканд̇хам̣язва ад̇д̇аад̇и г̇ахзд̇ваа ид̇арз жад̇д̇ааро канд̇хз анад̇д̇аад̇и г̇ахзд̇ваа сан̃н̃ааяа д̇зсам̣ ж̇аананад̇о звам̣ ход̇и. анад̇д̇анаа ваа ад̇д̇аананд̇и сан̃н̃аагканд̇хам̣ анад̇д̇аад̇и ид̇арз жа жад̇д̇ааро канд̇хз ад̇д̇аад̇и г̇ахзд̇ваа сан̃н̃ааяа д̇зсам̣ ж̇аананад̇о звам̣ ход̇и. саб̣б̣ааби сассад̇ужчзд̣̇ад̣̇идтияова.
948. Atthi me attāti vāti sabbapadesu vā-saddo vikappattho; evaṃ vā diṭṭhi uppajjatīti vuttaṃ hoti. Atthi me attāti cettha sassatadiṭṭhi sabbakālesu attano atthitaṃ gaṇhāti. Saccato thetatoti bhūtato ca thirato ca; idaṃ saccanti suṭṭhu daḷhabhāvenāti vuttaṃ hoti. Natthi me attāti ayaṃ pana ucchedadiṭṭhi, sato sattassa tattha tattha vibhavaggahaṇato. Atha vā purimāpi tīsu kālesu atthīti gahaṇato sassatadiṭṭhi, paccuppannameva atthīti gaṇhantī ucchedadiṭṭhi. Pacchimāpi atītānāgatesu natthīti gahaṇato ‘bhasmantā āhutiyo’ti gahitadiṭṭhikānaṃ viya ucchedadiṭṭhi, atīteyeva natthīti gaṇhantī adhiccasamuppannikasseva sassatadiṭṭhi. Attanā vā attānaṃ sañjānāmīti saññākkhandhasīsena khandhe attāti gahetvā saññāya avasesakkhandhe sañjānanato ‘iminā attanā imaṃ attānaṃ sañjānāmī’ti evaṃ hoti. Attanā vā anattānanti saññākkhandhaṃyeva attāti gahetvā itare cattāro khandhe anattāti gahetvā saññāya tesaṃ jānanato evaṃ hoti. Anattanā vā attānanti saññākkhandhaṃ anattāti itare ca cattāro khandhe attāti gahetvā saññāya tesaṃ jānanato evaṃ hoti. Sabbāpi sassatucchedadiṭṭhiyova.
вад̣̇о взд̣̇зяяод̇и аад̣̇аяо бана сассад̇ад̣̇идтияаа зва абхинивзсаагаараа. д̇ад̇т̇а вад̣̇ад̇ийд̇и вад̣̇о; важийгаммасса гаарагод̇и вуд̇д̇ам̣ ход̇и. взд̣̇аяад̇ийд̇и взд̣̇зяяо; ж̇аанаад̇и анубхавад̇и жаад̇и вуд̇д̇ам̣ ход̇и. ид̣̇аани яам̣ со взд̣̇зд̇и д̇ам̣ д̣̇ассзд̇ум̣ д̇ад̇ра д̇ад̇ра д̣̇ийгхарад̇д̇ам̣ галяаан̣абаабагаананд̇иаад̣̇и вуд̇д̇ам̣. д̇ад̇т̇а д̇ад̇ра д̇ад̇раад̇и д̇зсу д̇зсу яониг̇ад̇итид̇иниваасанигааязсу аарамман̣зсу ваа. д̣̇ийгхарад̇д̇анд̇и жирарад̇д̇ам̣. бажжанубход̇ийд̇и бадисам̣взд̣̇аяад̇и. на со ж̇аад̇о наахосийд̇и со ад̇д̇аа аж̇аад̇ид̇хаммад̇о на ж̇аад̇о наама; сад̣̇аа виж̇ж̇амаано язваад̇и ад̇т̇о. д̇знзва ад̇ийд̇з наахоси, анааг̇ад̇зби на бхависсад̇и. яо хи ж̇аад̇о со ахоси, яо жа ж̇ааяиссад̇и со бхависсад̇ийд̇и. ат̇аваа ‘на со ж̇аад̇о наахосий’д̇и со сад̣̇аа виж̇ж̇амаанад̇д̇аа ад̇ийд̇зби на ж̇аад̇у наахоси , анааг̇ад̇зби на ж̇аад̇у на бхависсад̇и. нижжод̇и уббаад̣̇аваяарахид̇о. д̇хувод̇и т̇иро саарабхууд̇о. сассад̇од̇и саб̣б̣агаалиго. авибарин̣аамад̇хаммод̇и ад̇д̇ано багад̇ибхаавам̣ авиж̇аханад̇хаммо гаган̣даго вияа наанаббагаарад̇д̇ам̣ наабаж̇ж̇ад̇и. звамаяам̣ саб̣б̣аасавад̣̇идти (ма. ни. 1.17 аад̣̇аяо) наама гат̇ид̇аа. сзсам̣ саб̣б̣ад̇т̇а уд̇д̇аанад̇т̇амзваад̇и.
Vado vedeyyoti ādayo pana sassatadiṭṭhiyā eva abhinivesākārā. Tattha vadatīti vado; vacīkammassa kārakoti vuttaṃ hoti. Vedayatīti vedeyyo; jānāti anubhavati cāti vuttaṃ hoti. Idāni yaṃ so vedeti taṃ dassetuṃ tatra tatra dīgharattaṃ kalyāṇapāpakānantiādi vuttaṃ. Tattha tatra tatrāti tesu tesu yonigatiṭhitinivāsanikāyesu ārammaṇesu vā. Dīgharattanti cirarattaṃ. Paccanubhotīti paṭisaṃvedayati. Na so jāto nāhosīti so attā ajātidhammato na jāto nāma; sadā vijjamāno yevāti attho. Teneva atīte nāhosi, anāgatepi na bhavissati. Yo hi jāto so ahosi, yo ca jāyissati so bhavissatīti. Athavā ‘na so jāto nāhosī’ti so sadā vijjamānattā atītepi na jātu nāhosi , anāgatepi na jātu na bhavissati. Niccoti uppādavayarahito. Dhuvoti thiro sārabhūto. Sassatoti sabbakāliko. Avipariṇāmadhammoti attano pakatibhāvaṃ avijahanadhammo kakaṇṭako viya nānappakārattaṃ nāpajjati. Evamayaṃ sabbāsavadiṭṭhi (ma. ni. 1.17 ādayo) nāma kathitā. Sesaṃ sabbattha uttānatthamevāti.
чагганид̣̇д̣̇зсаван̣н̣анаа.
Chakkaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 17. куд̣̇д̣̇агавад̇т̇увибхан̇г̇о • 17. Khuddakavatthuvibhaṅgo
