| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
៦. ឆក្កនិទ្ទេសវណ្ណនា
6. Chakkaniddesavaṇṇanā
២០២. ឆក្កេ ឯកន្តតោ បាកដា សម្មាសម្ពុទ្ធាទយោ តេ យថាវុត្តគុណា បុគ្គលាតិ ទស្សេន្តោ ‘‘សម្មាសម្ពុទ្ធោ តេន ទដ្ឋព្ពោ’’តិអាទិមាហ។ តត្ថ តេនាតិ សាមំ សច្ចាភិសមយោ តត្ថ ច សព្ពញ្ញុតប្បត្តិពលេសុ ច វសិភាវប្បត្តីតិ ឯតេន សព្ពេន សមុទិតេន។ ‘‘សព្ពញ្ញុតញ្ញាណេនា’’តិ បន វុត្តេ សព្ពមិទំ សង្គហិតំ ហោតិ សាមំ សច្ចាភិសមយេន ពលេសុ ច វសិភាវប្បត្តិយា ច វិនា សព្ពញ្ញុតញ្ញាណស្ស អភាវា, តស្មា អដ្ឋកថាយំ ‘‘សព្ពញ្ញុតញ្ញាណេនា’’តិ ឯត្តកមេវ វុត្តំ។ តត្ថ អនាចរិយកេន អត្តនា ឧប្បាទិតេនាតិ វចនេន សព្ពញ្ញុតញ្ញាណស្ស សាចរិយកត្តំ បរតោ ឧប្បត្តិញ្ច បដិសេធេតិ, ន សាចរិយកំ បរេហិ ឧប្បាទិតញ្ច សព្ពញ្ញុតញ្ញាណំ។ ន ហិ តំ តាទិសំ និវារេតព្ពំ អត្ថីតិ។
202. Chakke ekantato pākaṭā sammāsambuddhādayo te yathāvuttaguṇā puggalāti dassento ‘‘sammāsambuddho tena daṭṭhabbo’’tiādimāha. Tattha tenāti sāmaṃ saccābhisamayo tattha ca sabbaññutappattibalesu ca vasibhāvappattīti etena sabbena samuditena. ‘‘Sabbaññutaññāṇenā’’ti pana vutte sabbamidaṃ saṅgahitaṃ hoti sāmaṃ saccābhisamayena balesu ca vasibhāvappattiyā ca vinā sabbaññutaññāṇassa abhāvā, tasmā aṭṭhakathāyaṃ ‘‘sabbaññutaññāṇenā’’ti ettakameva vuttaṃ. Tattha anācariyakena attanā uppāditenāti vacanena sabbaññutaññāṇassa sācariyakattaṃ parato uppattiñca paṭisedheti, na sācariyakaṃ parehi uppāditañca sabbaññutaññāṇaṃ. Na hi taṃ tādisaṃ nivāretabbaṃ atthīti.
ឆក្កនិទ្ទេសវណ្ណនា និដ្ឋិតា។
Chakkaniddesavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / បុគ្គលបញ្ញត្តិបាឡិ • Puggalapaññattipāḷi / ៦. ឆក្កបុគ្គលបញ្ញត្តិ • 6. Chakkapuggalapaññatti
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៦. ឆក្កនិទ្ទេសវណ្ណនា • 6. Chakkaniddesavaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៦. ឆក្កនិទ្ទេសវណ្ណនា • 6. Chakkaniddesavaṇṇanā
