| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೬. ಛಕ್ಕನಿದ್ದೇಸವಣ್ಣನಾ
6. Chakkaniddesavaṇṇanā
೨೦೨. ಛಕ್ಕೇ ಏಕನ್ತತೋ ಪಾಕಟಾ ಸಮ್ಮಾಸಮ್ಬುದ್ಧಾದಯೋ ತೇ ಯಥಾವುತ್ತಗುಣಾ ಪುಗ್ಗಲಾತಿ ದಸ್ಸೇನ್ತೋ ‘‘ಸಮ್ಮಾಸಮ್ಬುದ್ಧೋ ತೇನ ದಟ್ಠಬ್ಬೋ’’ತಿಆದಿಮಾಹ। ತತ್ಥ ತೇನಾತಿ ಸಾಮಂ ಸಚ್ಚಾಭಿಸಮಯೋ ತತ್ಥ ಚ ಸಬ್ಬಞ್ಞುತಪ್ಪತ್ತಿಬಲೇಸು ಚ ವಸಿಭಾವಪ್ಪತ್ತೀತಿ ಏತೇನ ಸಬ್ಬೇನ ಸಮುದಿತೇನ। ‘‘ಸಬ್ಬಞ್ಞುತಞ್ಞಾಣೇನಾ’’ತಿ ಪನ ವುತ್ತೇ ಸಬ್ಬಮಿದಂ ಸಙ್ಗಹಿತಂ ಹೋತಿ ಸಾಮಂ ಸಚ್ಚಾಭಿಸಮಯೇನ ಬಲೇಸು ಚ ವಸಿಭಾವಪ್ಪತ್ತಿಯಾ ಚ ವಿನಾ ಸಬ್ಬಞ್ಞುತಞ್ಞಾಣಸ್ಸ ಅಭಾವಾ, ತಸ್ಮಾ ಅಟ್ಠಕಥಾಯಂ ‘‘ಸಬ್ಬಞ್ಞುತಞ್ಞಾಣೇನಾ’’ತಿ ಏತ್ತಕಮೇವ ವುತ್ತಂ। ತತ್ಥ ಅನಾಚರಿಯಕೇನ ಅತ್ತನಾ ಉಪ್ಪಾದಿತೇನಾತಿ ವಚನೇನ ಸಬ್ಬಞ್ಞುತಞ್ಞಾಣಸ್ಸ ಸಾಚರಿಯಕತ್ತಂ ಪರತೋ ಉಪ್ಪತ್ತಿಞ್ಚ ಪಟಿಸೇಧೇತಿ, ನ ಸಾಚರಿಯಕಂ ಪರೇಹಿ ಉಪ್ಪಾದಿತಞ್ಚ ಸಬ್ಬಞ್ಞುತಞ್ಞಾಣಂ। ನ ಹಿ ತಂ ತಾದಿಸಂ ನಿವಾರೇತಬ್ಬಂ ಅತ್ಥೀತಿ।
202. Chakke ekantato pākaṭā sammāsambuddhādayo te yathāvuttaguṇā puggalāti dassento ‘‘sammāsambuddho tena daṭṭhabbo’’tiādimāha. Tattha tenāti sāmaṃ saccābhisamayo tattha ca sabbaññutappattibalesu ca vasibhāvappattīti etena sabbena samuditena. ‘‘Sabbaññutaññāṇenā’’ti pana vutte sabbamidaṃ saṅgahitaṃ hoti sāmaṃ saccābhisamayena balesu ca vasibhāvappattiyā ca vinā sabbaññutaññāṇassa abhāvā, tasmā aṭṭhakathāyaṃ ‘‘sabbaññutaññāṇenā’’ti ettakameva vuttaṃ. Tattha anācariyakena attanā uppāditenāti vacanena sabbaññutaññāṇassa sācariyakattaṃ parato uppattiñca paṭisedheti, na sācariyakaṃ parehi uppāditañca sabbaññutaññāṇaṃ. Na hi taṃ tādisaṃ nivāretabbaṃ atthīti.
ಛಕ್ಕನಿದ್ದೇಸವಣ್ಣನಾ ನಿಟ್ಠಿತಾ।
Chakkaniddesavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಪುಗ್ಗಲಪಞ್ಞತ್ತಿಪಾಳಿ • Puggalapaññattipāḷi / ೬. ಛಕ್ಕಪುಗ್ಗಲಪಞ್ಞತ್ತಿ • 6. Chakkapuggalapaññatti
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೬. ಛಕ್ಕನಿದ್ದೇಸವಣ್ಣನಾ • 6. Chakkaniddesavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೬. ಛಕ್ಕನಿದ್ದೇಸವಣ್ಣನಾ • 6. Chakkaniddesavaṇṇanā
