| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
(੬.) ਛਕ੍ਕਨਿਦ੍ਦੇਸવਣ੍ਣਨਾ
(6.) Chakkaniddesavaṇṇanā
੮੦੫. ਛਬ੍ਬਿਧੇਨ ਞਾਣવਤ੍ਥੁਨਿਦ੍ਦੇਸੇ ਇਦ੍ਧਿવਿਧੇ ਞਾਣਨ੍ਤਿ ‘‘ਏਕੋਪਿ ਹੁਤ੍વਾ ਬਹੁਧਾ ਹੋਤੀ’’ਤਿਆਦਿਨਯਪ੍ਪવਤ੍ਤੇ (ਦੀ॰ ਨਿ॰ ੧.੪੮੪; ਪਟਿ॰ ਮ॰ ੧.੧੦੨) ਇਦ੍ਧਿવਿਧੇ ਞਾਣਂ। ਇਮਿਨਾ ਅવਿਤਕ੍ਕਾવਿਚਾਰਾ ਉਪੇਕ੍ਖਾਸਹਗਤਾ ਰੂਪਾવਚਰਾ ਬਹੁਧਾਭਾવਾਦਿਸਾਧਿਕਾ ਏਕਚਿਤ੍ਤਕ੍ਖਣਿਕਾ ਅਪ੍ਪਨਾਪਞ੍ਞਾવ ਕਥਿਤਾ। ਸੋਤਧਾਤੁવਿਸੁਦ੍ਧਿਯਾ ਞਾਣਨ੍ਤਿ ਦੂਰਸਨ੍ਤਿਕਾਦਿਭੇਦਸਦ੍ਦਾਰਮ੍ਮਣਾਯ ਦਿਬ੍ਬਸੋਤਧਾਤੁਯਾ ਞਾਣਂ। ਇਮਿਨਾਪਿ ਅવਿਤਕ੍ਕਾવਿਚਾਰਾ ਉਪੇਕ੍ਖਾਸਹਗਤਾ ਰੂਪਾવਚਰਾ ਪਕਤਿਸੋਤવਿਸਯਾਤੀਤਸਦ੍ਦਾਰਮ੍ਮਣਾ ਏਕਚਿਤ੍ਤਕ੍ਖਣਿਕਾ ਅਪ੍ਪਨਾਪਞ੍ਞਾવ ਕਥਿਤਾ। ਪਰਚਿਤ੍ਤੇ ਞਾਣਨ੍ਤਿ ਪਰਸਤ੍ਤਾਨਂ ਚਿਤ੍ਤਪਰਿਚ੍ਛੇਦੇ ਞਾਣਂ। ਇਮਿਨਾਪਿ ਯਥਾવੁਤ੍ਤਪ੍ਪਕਾਰਾ ਪਰੇਸਂ ਸਰਾਗਾਦਿਚਿਤ੍ਤਾਰਮ੍ਮਣਾ ਏਕਚਿਤ੍ਤਕ੍ਖਣਿਕਾ ਅਪ੍ਪਨਾਪਞ੍ਞਾવ ਕਥਿਤਾ। ਪੁਬ੍ਬੇਨਿવਾਸਾਨੁਸ੍ਸਤਿਯਾ ਞਾਣਨ੍ਤਿ ਪੁਬ੍ਬੇਨਿવਾਸਾਨੁਸ੍ਸਤਿਸਮ੍ਪਯੁਤ੍ਤਂ ਞਾਣਂ। ਇਮਿਨਾਪਿ ਯਥਾવੁਤ੍ਤਪ੍ਪਕਾਰਾ ਪੁਬ੍ਬੇ ਨਿવੁਤ੍ਥਕ੍ਖਨ੍ਧਾਨੁਸ੍ਸਰਣਸਤਿਸਮ੍ਪਯੁਤ੍ਤਾ ਏਕਚਿਤ੍ਤਕ੍ਖਣਿਕਾ ਅਪ੍ਪਨਾਪਞ੍ਞਾવ ਕਥਿਤਾ। ਸਤ੍ਤਾਨਂ ਚੁਤੂਪਪਾਤੇ ਞਾਣਨ੍ਤਿ ਸਤ੍ਤਾਨਂ ਚੁਤਿਯਞ੍ਚ ਉਪਪਾਤੇ ਚ ਞਾਣਂ। ਇਮਿਨਾਪਿ ਯਥਾવੁਤ੍ਤਪ੍ਪਕਾਰਾ ਚવਨਕਉਪਪਜ੍ਜਨਕਾਨਂ ਸਤ੍ਤਾਨਂ વਣ੍ਣਧਾਤੁਆਰਮ੍ਮਣਾ ਏਕਚਿਤ੍ਤਕ੍ਖਣਿਕਾ ਅਪ੍ਪਨਾਪਞ੍ਞਾવ ਕਥਿਤਾ। ਆਸવਾਨਂ ਖਯੇ ਞਾਣਨ੍ਤਿ ਸਚ੍ਚਪਰਿਚ੍ਛੇਦਜਾਨਨਞਾਣਂ। ਇਦਂ ਲੋਕੁਤ੍ਤਰਮੇવ। ਸੇਸਾਨਿ ਲੋਕਿਯਾਨੀਤਿ।
805. Chabbidhena ñāṇavatthuniddese iddhividhe ñāṇanti ‘‘ekopi hutvā bahudhā hotī’’tiādinayappavatte (dī. ni. 1.484; paṭi. ma. 1.102) iddhividhe ñāṇaṃ. Iminā avitakkāvicārā upekkhāsahagatā rūpāvacarā bahudhābhāvādisādhikā ekacittakkhaṇikā appanāpaññāva kathitā. Sotadhātuvisuddhiyā ñāṇanti dūrasantikādibhedasaddārammaṇāya dibbasotadhātuyā ñāṇaṃ. Imināpi avitakkāvicārā upekkhāsahagatā rūpāvacarā pakatisotavisayātītasaddārammaṇā ekacittakkhaṇikā appanāpaññāva kathitā. Paracitteñāṇanti parasattānaṃ cittaparicchede ñāṇaṃ. Imināpi yathāvuttappakārā paresaṃ sarāgādicittārammaṇā ekacittakkhaṇikā appanāpaññāva kathitā. Pubbenivāsānussatiyā ñāṇanti pubbenivāsānussatisampayuttaṃ ñāṇaṃ. Imināpi yathāvuttappakārā pubbe nivutthakkhandhānussaraṇasatisampayuttā ekacittakkhaṇikā appanāpaññāva kathitā. Sattānaṃ cutūpapāte ñāṇanti sattānaṃ cutiyañca upapāte ca ñāṇaṃ. Imināpi yathāvuttappakārā cavanakaupapajjanakānaṃ sattānaṃ vaṇṇadhātuārammaṇā ekacittakkhaṇikā appanāpaññāva kathitā. Āsavānaṃ khaye ñāṇanti saccaparicchedajānanañāṇaṃ. Idaṃ lokuttarameva. Sesāni lokiyānīti.
ਛਕ੍ਕਨਿਦ੍ਦੇਸવਣ੍ਣਨਾ।
Chakkaniddesavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / વਿਭਙ੍ਗਪਾਲ਼ਿ • Vibhaṅgapāḷi / ੧੬. ਞਾਣવਿਭਙ੍ਗੋ • 16. Ñāṇavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਮੂਲਟੀਕਾ • Vibhaṅga-mūlaṭīkā / ੧੬. ਞਾਣવਿਭਙ੍ਗੋ • 16. Ñāṇavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਅਨੁਟੀਕਾ • Vibhaṅga-anuṭīkā / ੧੬. ਞਾਣવਿਭਙ੍ਗੋ • 16. Ñāṇavibhaṅgo
