Library / Tipiṭaka / တိပိဋက • Tipiṭaka / ပုဂ္ဂလပညတ္တိပာဠိ • Puggalapaññattipāḷi

    ၆. ဆက္ကဥဒ္ဒေသော

    6. Chakkauddeso

    ၁၂. ဆ ပုဂ္ဂလာ –

    12. Chapuggalā –

    (၁) အတ္ထေကစ္စော ပုဂ္ဂလော ပုဗ္ဗေ အနနုသ္သုတေသု ဓမ္မေသု သာမံ သစ္စာနိ အဘိသမ္ဗုဇ္ဈတိ, တတ္ထ စ သဗ္ဗညုတံ ပာပုဏာတိ ဗလေသု 1 စ ဝသီဘာဝံ။ အတ္ထေကစ္စော ပုဂ္ဂလော ပုဗ္ဗေ အနနုသ္သုတေသု ဓမ္မေသု သာမံ သစ္စာနိ အဘိသမ္ဗုဇ္ဈတိ, န စ တတ္ထ သဗ္ဗညုတံ ပာပုဏာတိ န စ ဗလေသု ဝသီဘာဝံ။ အတ္ထေကစ္စော ပုဂ္ဂလော ပုဗ္ဗေ အနနုသ္သုတေသု ဓမ္မေသု သာမံ သစ္စာနိ အနဘိသမ္ဗုဇ္ဈတိ, ဒိဋ္ဌေ စေဝ ဓမ္မေ ဒုက္ခသ္သန္တကရော ဟောတိ သာဝကပာရမိဉ္စ ပာပုဏာတိ။ အတ္ထေကစ္စော ပုဂ္ဂလော ပုဗ္ဗေ အနနုသ္သုတေသု ဓမ္မေသု သာမံ သစ္စာနိ အနဘိသမ္ဗုဇ္ဈတိ , ဒိဋ္ဌေဝ ဓမ္မေ ဒုက္ခသ္သန္တကရော ဟောတိ, န စ သာဝကပာရမိံ ပာပုဏာတိ။ အတ္ထေကစ္စော ပုဂ္ဂလော ပုဗ္ဗေ အနနုသ္သုတေသု ဓမ္မေသု သာမံ သစ္စာနိ အနဘိသမ္ဗုဇ္ဈတိ, န စ ဒိဋ္ဌေဝ ဓမ္မေ ဒုက္ခသ္သန္တကရော ဟောတိ, အနာဂာမီ ဟောတိ အနာဂန္တာ 2 ဣတ္ထတ္တံ။ အတ္ထေကစ္စော ပုဂ္ဂလော ပုဗ္ဗေ အနနုသ္သုတေသု ဓမ္မေသု သာမံ သစ္စာနိ အနဘိသမ္ဗုဇ္ဈတိ, န စ ဒိဋ္ဌေဝ ဓမ္မေ ဒုက္ခသ္သန္တကရော ဟောတိ, အာဂာမီ 3 ဟောတိ အာဂန္တာ ဣတ္ထတ္တံ။

    (1) Atthekacco puggalo pubbe ananussutesu dhammesu sāmaṃ saccāni abhisambujjhati, tattha ca sabbaññutaṃ pāpuṇāti balesu 4 ca vasībhāvaṃ. Atthekacco puggalo pubbe ananussutesu dhammesu sāmaṃ saccāni abhisambujjhati, na ca tattha sabbaññutaṃ pāpuṇāti na ca balesu vasībhāvaṃ. Atthekacco puggalo pubbe ananussutesu dhammesu sāmaṃ saccāni anabhisambujjhati, diṭṭhe ceva dhamme dukkhassantakaro hoti sāvakapāramiñca pāpuṇāti. Atthekacco puggalo pubbe ananussutesu dhammesu sāmaṃ saccāni anabhisambujjhati , diṭṭheva dhamme dukkhassantakaro hoti, na ca sāvakapāramiṃ pāpuṇāti. Atthekacco puggalo pubbe ananussutesu dhammesu sāmaṃ saccāni anabhisambujjhati, na ca diṭṭheva dhamme dukkhassantakaro hoti, anāgāmī hoti anāgantā 5 itthattaṃ. Atthekacco puggalo pubbe ananussutesu dhammesu sāmaṃ saccāni anabhisambujjhati, na ca diṭṭheva dhamme dukkhassantakaro hoti, āgāmī 6 hoti āgantā itthattaṃ.

    ဆက္ကံ။

    Chakkaṃ.




    Next: ၇. သတ္တကဥဒ္ဒေသော • 7. Sattakauddeso




    Footnotes:
    1. ဖလေသု (ပီ.)
    2. အနာဂန္တ္ဝာ (သ္ယာ. က.) အ. နိ. ၄.၁၇၁
    3. သောတာပန္နသကဒာဂာမီ (သ္ယာ. က.)
    4. phalesu (pī.)
    5. anāgantvā (syā. ka.) a. ni. 4.171
    6. sotāpannasakadāgāmī (syā. ka.)



    Related texts:



    အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၁. မာတိကာဝဏ္ဏနာ • 1. Mātikāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact