| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
ឆក្កវារាទិវណ្ណនា
Chakkavārādivaṇṇanā
៣២៦. ឆក្កាទីសុ បាឡិយំ ឆ អគារវាតិ ពុទ្ធធម្មសង្ឃសិក្ខាសុ, អប្បមាទេ, បដិសន្ថារេ ច ឆ អគារវា, តេសុ ឯវ ច ឆ គារវា វេទិតព្ពា។ ‘‘ឆព្ពស្សបរមតា ធារេតព្ព’’ន្តិ ឥទំ វិភង្គេ អាគតស្ស បរមស្ស ទស្សនំ។
326. Chakkādīsu pāḷiyaṃ cha agāravāti buddhadhammasaṅghasikkhāsu, appamāde, paṭisanthāre ca cha agāravā, tesu eva ca cha gāravā veditabbā. ‘‘Chabbassaparamatā dhāretabba’’nti idaṃ vibhaṅge āgatassa paramassa dassanaṃ.
៣២៨. បាឡិយំ អាគតេហិ សត្តហីតិ ‘‘បុព្ពេវស្ស ហោតិ មុសា ភណិស្ស’’ន្តិអាទិនា មុសាវាទសិក្ខាបទេ (បាចិ. ៤) អាគតេហិ សត្តហិ។
328. Pāḷiyaṃ āgatehi sattahīti ‘‘pubbevassa hoti musā bhaṇissa’’ntiādinā musāvādasikkhāpade (pāci. 4) āgatehi sattahi.
៣២៩. តំ កុតេត្ថ លព្ភាតិ តំ អនត្ថស្ស អចរណំ ឯត្ថ ឯតស្មិំ បុគ្គលេ, លោកសន្និវាសេ វា កុតោ កេន ការណេន សក្កា លទ្ធុន្តិ អាឃាតំ បដិវិនេតិ។
329.Taṃkutettha labbhāti taṃ anatthassa acaraṇaṃ ettha etasmiṃ puggale, lokasannivāse vā kuto kena kāraṇena sakkā laddhunti āghātaṃ paṭivineti.
៣៣០. សស្សតោ លោកោតិអាទិនា វសេនាតិ ‘‘សស្សតោ លោកោ, អសស្សតោ លោកោ។ អន្តវា លោកោ, អនន្តវា លោកោ។ តំ ជីវំ តំ សរីរន្តិ វា, អញ្ញំ ជីវំ អញ្ញំ សរីរន្តិ វា។ ហោតិ តថាគតោ បរម្មរណា, ន ហោតិ តថាគតោ បរម្មរណា។ ហោតិ ច ន ហោតិ ច តថាគតោ បរម្មរណា, នេវ ហោតិ ន ន ហោតិ តថាគតោ បរម្មរណា’’តិ (ម. និ. ១.២៦៩) ឯវំ អាគតា ទស អន្តគ្គាហិកា ទិដ្ឋិយោ សន្ធាយ វុត្តំ។ មិច្ឆាទិដ្ឋិអាទយោតិ មិច្ឆាទិដ្ឋិមិច្ឆាសង្កប្បាទយោ អដ្ឋមិច្ឆាញាណមិច្ឆាវិមុត្តីហិ សទ្ធិំ ទស មិច្ឆត្តា។ តត្ថ មិច្ឆាញាណន្តិ មិច្ឆាទិដ្ឋិសម្បយុត្តោ មោហោ។ អវិមុត្តស្សេវ វិមុត្តសញ្ញិតា មិច្ឆាវិមុត្តិ នាម។
330.Sassato lokotiādinā vasenāti ‘‘sassato loko, asassato loko. Antavā loko, anantavā loko. Taṃ jīvaṃ taṃ sarīranti vā, aññaṃ jīvaṃ aññaṃ sarīranti vā. Hoti tathāgato parammaraṇā, na hoti tathāgato parammaraṇā. Hoti ca na hoti ca tathāgato parammaraṇā, neva hoti na na hoti tathāgato parammaraṇā’’ti (ma. ni. 1.269) evaṃ āgatā dasa antaggāhikā diṭṭhiyo sandhāya vuttaṃ. Micchādiṭṭhiādayoti micchādiṭṭhimicchāsaṅkappādayo aṭṭhamicchāñāṇamicchāvimuttīhi saddhiṃ dasa micchattā. Tattha micchāñāṇanti micchādiṭṭhisampayutto moho. Avimuttasseva vimuttasaññitā micchāvimutti nāma.
វិបរីតាតិ សម្មាទិដ្ឋិអាទយោ សម្មាញាណសម្មាវិមុត្តិបរិយោសានា ទស។ តត្ថ សម្មាវិមុត្តិ អរហត្តផលំ, តំសម្បយុត្តំ បន ញាណំ វា បច្ចវេក្ខណញាណំ វា សម្មាញាណន្តិ វេទិតព្ពំ។
Viparītāti sammādiṭṭhiādayo sammāñāṇasammāvimuttipariyosānā dasa. Tattha sammāvimutti arahattaphalaṃ, taṃsampayuttaṃ pana ñāṇaṃ vā paccavekkhaṇañāṇaṃ vā sammāñāṇanti veditabbaṃ.
ឯកុត្តរិកនយោ និដ្ឋិតោ។
Ekuttarikanayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
៦. ឆក្កវារោ • 6. Chakkavāro
៨. អដ្ឋកវារោ • 8. Aṭṭhakavāro
៩. នវកវារោ • 9. Navakavāro
១០. ទសកវារោ • 10. Dasakavāro
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā
ឆក្កវារវណ្ណនា • Chakkavāravaṇṇanā
អដ្ឋកវារវណ្ណនា • Aṭṭhakavāravaṇṇanā
នវកវារវណ្ណនា • Navakavāravaṇṇanā
ទសកវារវណ្ណនា • Dasakavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
ឆក្កវារវណ្ណនា • Chakkavāravaṇṇanā
អដ្ឋកវារវណ្ណនា • Aṭṭhakavāravaṇṇanā
នវកវារវណ្ណនា • Navakavāravaṇṇanā
ទសកវារវណ្ណនា • Dasakavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
ឆក្កវារវណ្ណនា • Chakkavāravaṇṇanā
អដ្ឋកវារវណ្ណនា • Aṭṭhakavāravaṇṇanā
នវកវារវណ្ណនា • Navakavāravaṇṇanā
ទសកវារវណ្ណនា • Dasakavāravaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi
ឯកុត្តរិកនយោ ឆក្កវារវណ្ណនា • Ekuttarikanayo chakkavāravaṇṇanā
ឯកុត្តរិកនយោ អដ្ឋកវារវណ្ណនា • Ekuttarikanayo aṭṭhakavāravaṇṇanā
ឯកុត្តរិកនយោ នវកវារវណ្ណនា • Ekuttarikanayo navakavāravaṇṇanā
ឯកុត្តរិកនយោ ទសកវារវណ្ណនា • Ekuttarikanayo dasakavāravaṇṇanā
