| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
ဆက္ကဝာရဝဏ္ဏနာ
Chakkavāravaṇṇanā
၃၂၆. ‘‘ဆဗ္ဗသ္သပရမတာ ဓာရေတဗ္ဗ’’န္တိ ဝိဘင္ဂေ ပာဌတ္တာ ဧဝံ ဝုတ္တံ။ စုဒ္ဒသပရမာနိ နဝ ဆက္ကာနိ ဟောန္တိ။ ကထံ? ပဌမံ ဧကံ ဆက္ကံ, သေသေသု အဋ္ဌသု ဧကေကေန သဒ္ဓိံ ဧကေကန္တိ ဧဝံ တီဏိ ဆက္ကာနိ အန္တရပေယ္ယာလေ ဝုတ္တာနိ။ ကထံ? ‘‘စတုတ္ထေန အာပတ္တိသမုဋ္ဌာနေန ဆ အာပတ္တိယော အာပဇ္ဇတီ’’တိအာဒိနာ နယေန ပဉ္စမေန, ဆဋ္ဌေန စ တီဏိ ဆက္ကာနိ။ လောဘာဒယော ဆ ဝိဝာဒမူလာနိ, တထာ အနုဝာဒသ္သ။ ဒီဃသော ဆ ဝိဒတ္ထိယော ဝသ္သိကသာဋိကာယ။ တိရိယံ ဆ ဝိဒတ္ထိယော သုဂတစီဝရသ္သ။ ဝိပ္ပကတစီဝရံ အာဒာယ ပက္ကမနေ နိဋ္ဌာနန္တိကော, သန္နိဋ္ဌာနနာသန သဝန သီမာတိက္ကန္တိကသဟုဗ္ဘာရာတိ ဆ, သမာဒာယ ဝာရေပိ ဆာတိ ဆက္ကဒ္ဝယံ။ သတ္တကေ ပက္ကမနန္တိကေန သဟ သတ္တ။
326.‘‘Chabbassaparamatā dhāretabba’’nti vibhaṅge pāṭhattā evaṃ vuttaṃ. Cuddasaparamāni nava chakkāni honti. Kathaṃ? Paṭhamaṃ ekaṃ chakkaṃ, sesesu aṭṭhasu ekekena saddhiṃ ekekanti evaṃ tīṇi chakkāni antarapeyyāle vuttāni. Kathaṃ? ‘‘Catutthena āpattisamuṭṭhānena cha āpattiyo āpajjatī’’tiādinā nayena pañcamena, chaṭṭhena ca tīṇi chakkāni. Lobhādayo cha vivādamūlāni, tathā anuvādassa. Dīghaso cha vidatthiyo vassikasāṭikāya. Tiriyaṃ cha vidatthiyo sugatacīvarassa. Vippakatacīvaraṃ ādāya pakkamane niṭṭhānantiko, sanniṭṭhānanāsana savana sīmātikkantikasahubbhārāti cha, samādāya vārepi chāti chakkadvayaṃ. Sattake pakkamanantikena saha satta.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၆. ဆက္ကဝာရော • 6. Chakkavāro
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဆက္ကဝာရဝဏ္ဏနာ • Chakkavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဆက္ကဝာရဝဏ္ဏနာ • Chakkavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဆက္ကဝာရာဒိဝဏ္ဏနာ • Chakkavārādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ဧကုတ္တရိကနယော ဆက္ကဝာရဝဏ္ဏနာ • Ekuttarikanayo chakkavāravaṇṇanā
