| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
6. чаггавааро
6. Chakkavāro
326. 1 ча аг̇аараваа. ча г̇аараваа. ча винийд̇авад̇т̇ууни. ча саамийжияо. ча аабад̇д̇исамудтаанаа. чажчзд̣̇анагаа аабад̇д̇ияо. чахаагаарзхи аабад̇д̇им̣ аабаж̇ж̇ад̇и. чаанисам̣саа винаяад̇харз. ча барамаани. чаарад̇д̇ам̣ д̇ижийварзна виббавасид̇аб̣б̣ам̣. ча жийвараани . ча раж̇анаани. ча аабад̇д̇ияо гааяад̇о жа жид̇д̇ад̇о жа самудтанд̇и на ваажад̇о. ча аабад̇д̇ияо ваажад̇о жа жид̇д̇ад̇о жа самудтанд̇и на гааяад̇о. ча аабад̇д̇ияо гааяад̇о жа ваажад̇о жа жид̇д̇ад̇о жа самудтанд̇и. ча гаммаани. ча виваад̣̇амуулаани. ча ануваад̣̇амуулаани. ча сааран̣ийяаа д̇хаммаа д̣̇ийгхасо. ча вид̣̇ад̇т̇ияо, суг̇ад̇авид̣̇ад̇т̇ияаа, д̇ирияам̣ ча вид̣̇ад̇т̇ияо. ча ниссаяабадиббассад̣̇д̇хияо аажарияамхаа. ча нахаанз анубан̃н̃ад̇д̇ияо – виббагад̇ажийварам̣ аад̣̇ааяа баггамад̇и, виббагад̇ажийварам̣ самаад̣̇ааяа баггамад̇и.
326.2 Cha agāravā. Cha gāravā. Cha vinītavatthūni. Cha sāmīciyo. Cha āpattisamuṭṭhānā. Chacchedanakā āpattiyo. Chahākārehi āpattiṃ āpajjati. Chānisaṃsā vinayadhare. Cha paramāni. Chārattaṃ ticīvarena vippavasitabbaṃ. Cha cīvarāni . Cha rajanāni. Cha āpattiyo kāyato ca cittato ca samuṭṭhanti na vācato. Cha āpattiyo vācato ca cittato ca samuṭṭhanti na kāyato. Cha āpattiyo kāyato ca vācato ca cittato ca samuṭṭhanti. Cha kammāni. Cha vivādamūlāni. Cha anuvādamūlāni. Cha sāraṇīyā dhammā dīghaso. Cha vidatthiyo, sugatavidatthiyā, tiriyaṃ cha vidatthiyo. Cha nissayapaṭippassaddhiyo ācariyamhā. Cha nahāne anupaññattiyo – vippakatacīvaraṃ ādāya pakkamati, vippakatacīvaraṃ samādāya pakkamati.
3 чахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зро убадтаабзд̇аб̣б̣о – асзгкзна сийлагканд̇хзна саманнааг̇ад̇о ход̇и, асзгкзна самаад̇хигканд̇хзна саманнааг̇ад̇о ход̇и, асзгкзна бан̃н̃агканд̇хзна саманнааг̇ад̇о ход̇и, асзгкзна вимуд̇д̇игканд̇хзна саманнааг̇ад̇о ход̇и, асзгкзна вимуд̇д̇ин̃аан̣ад̣̇ассанагканд̇хзна саманнааг̇ад̇о ход̇и, д̣̇асавассо ваа ход̇и ад̇ирзгад̣̇асавассо ваа.
4 Chahaṅgehi samannāgatena bhikkhunā upasampādetabbaṃ nissayo dātabbo sāmaṇero upaṭṭhāpetabbo – asekkhena sīlakkhandhena samannāgato hoti, asekkhena samādhikkhandhena samannāgato hoti, asekkhena paññakkhandhena samannāgato hoti, asekkhena vimuttikkhandhena samannāgato hoti, asekkhena vimuttiñāṇadassanakkhandhena samannāgato hoti, dasavasso vā hoti atirekadasavasso vā.
абарзхиби чахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зро убадтаабзд̇аб̣б̣о – ад̇д̇анаа асзгкзна сийлагканд̇хз саманнааг̇ад̇о ход̇и, барам̣ асзгкз сийлагканд̇хз самаад̣̇абзд̇аа; ад̇д̇анаа асзгкзна самаад̇хигканд̇хзна саманнааг̇ад̇о ход̇и, барам̣ асзгкз самаад̇хигканд̇хз самаад̣̇абзд̇аа; ад̇д̇анаа асзгкзна бан̃н̃агканд̇хзна саманнааг̇ад̇о ход̇и, барам̣ асзгкз бан̃н̃агканд̇хз самаад̣̇абзд̇аа; ад̇д̇анаа асзгкзна вимуд̇д̇игканд̇хзна саманнааг̇ад̇о ход̇и, барам̣ асзгкз вимуд̇д̇игканд̇хз самаад̣̇абзд̇аа; ад̇д̇анаа асзгкзна вимуд̇д̇ин̃аан̣ад̣̇ассанагканд̇хзна саманнааг̇ад̇о ход̇и, барам̣ асзгкз вимуд̇д̇ин̃аан̣ад̣̇ассанагканд̇хз самаад̣̇абзд̇аа; д̣̇асавассо ваа ход̇и ад̇ирзгад̣̇асавассо ваа.
Aparehipi chahaṅgehi samannāgatena bhikkhunā upasampādetabbaṃ nissayo dātabbo sāmaṇero upaṭṭhāpetabbo – attanā asekkhena sīlakkhandhe samannāgato hoti, paraṃ asekkhe sīlakkhandhe samādapetā; attanā asekkhena samādhikkhandhena samannāgato hoti, paraṃ asekkhe samādhikkhandhe samādapetā; attanā asekkhena paññakkhandhena samannāgato hoti, paraṃ asekkhe paññakkhandhe samādapetā; attanā asekkhena vimuttikkhandhena samannāgato hoti, paraṃ asekkhe vimuttikkhandhe samādapetā; attanā asekkhena vimuttiñāṇadassanakkhandhena samannāgato hoti, paraṃ asekkhe vimuttiñāṇadassanakkhandhe samādapetā; dasavasso vā hoti atirekadasavasso vā.
абарзхиби чахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зро убадтаабзд̇аб̣б̣о – сад̣̇д̇хо ход̇и, хиримаа ход̇и, од̇д̇аббий ход̇и, аарад̣̇д̇хавийрияо ход̇и , убадтид̇ассад̇и ход̇и, д̣̇асавассо ваа ход̇и ад̇ирзгад̣̇асавассо ваа.
Aparehipi chahaṅgehi samannāgatena bhikkhunā upasampādetabbaṃ nissayo dātabbo sāmaṇero upaṭṭhāpetabbo – saddho hoti, hirimā hoti, ottappī hoti, āraddhavīriyo hoti , upaṭṭhitassati hoti, dasavasso vā hoti atirekadasavasso vā.
абарзхиби чахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зро убадтаабзд̇аб̣б̣о – на ад̇хисийлз сийлавибанно ход̇и, на аж̇жхаажаарз аажааравибанно ход̇и, на ад̇ид̣̇идтияаа д̣̇идтивибанно ход̇и, б̣ахуссуд̇о ход̇и, бан̃н̃аваа ход̇и, д̣̇асавассо ваа ход̇и ад̇ирзгад̣̇асавассо ваа.
Aparehipi chahaṅgehi samannāgatena bhikkhunā upasampādetabbaṃ nissayo dātabbo sāmaṇero upaṭṭhāpetabbo – na adhisīle sīlavipanno hoti, na ajjhācāre ācāravipanno hoti, na atidiṭṭhiyā diṭṭhivipanno hoti, bahussuto hoti, paññavā hoti, dasavasso vā hoti atirekadasavasso vā.
абарзхиби чахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зро убадтаабзд̇аб̣б̣о – бадиб̣ало ход̇и анд̇зваасим̣ ваа сад̣̇д̇хивихаарим̣ ваа г̇илаанам̣ убадтаад̇ум̣ ваа убадтаабзд̇ум̣ ваа, анабхирад̇ам̣ вуубагаасзд̇ум̣ ваа вуубагаасаабзд̇ум̣ ваа 5, уббаннам̣ гуггужжам̣ д̇хаммад̇о винод̣̇зд̇ум̣ 6, аабад̇д̇им̣ ж̇аанаад̇и, аабад̇д̇ивудтаанам̣ ж̇аанаад̇и, д̣̇асавассо ваа ход̇и ад̇ирзгад̣̇асавассо ваа.
Aparehipi chahaṅgehi samannāgatena bhikkhunā upasampādetabbaṃ nissayo dātabbo sāmaṇero upaṭṭhāpetabbo – paṭibalo hoti antevāsiṃ vā saddhivihāriṃ vā gilānaṃ upaṭṭhātuṃ vā upaṭṭhāpetuṃ vā, anabhirataṃ vūpakāsetuṃ vā vūpakāsāpetuṃ vā 7, uppannaṃ kukkuccaṃ dhammato vinodetuṃ 8, āpattiṃ jānāti, āpattivuṭṭhānaṃ jānāti, dasavasso vā hoti atirekadasavasso vā.
абарзхиби чахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зро убадтаабзд̇аб̣б̣о – бадиб̣ало ход̇и анд̇зваасим̣ ваа сад̣̇д̇хивихаарим̣ ваа аабхисамаажааригааяа сигкааяа сигкаабзд̇ум̣, аад̣̇иб̣рахмажаарияагааяа сигкааяа винзд̇ум̣, абхид̇хаммз винзд̇ум̣, абхивинаяз винзд̇ум̣, уббаннам̣ д̣̇идтиг̇ад̇ам̣ д̇хаммад̇о вивзжзд̇ум̣, д̣̇асавассо ваа ход̇и ад̇ирзгад̣̇асавассо ваа.
Aparehipi chahaṅgehi samannāgatena bhikkhunā upasampādetabbaṃ nissayo dātabbo sāmaṇero upaṭṭhāpetabbo – paṭibalo hoti antevāsiṃ vā saddhivihāriṃ vā ābhisamācārikāya sikkhāya sikkhāpetuṃ, ādibrahmacāriyakāya sikkhāya vinetuṃ, abhidhamme vinetuṃ, abhivinaye vinetuṃ, uppannaṃ diṭṭhigataṃ dhammato vivecetuṃ, dasavasso vā hoti atirekadasavasso vā.
абарзхиби чахан̇г̇зхи саманнааг̇ад̇зна бхигкунаа убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зро убадтаабзд̇аб̣б̣о – аабад̇д̇им̣ ж̇аанаад̇и, анаабад̇д̇им̣ ж̇аанаад̇и, лахугам̣ аабад̇д̇им̣ ж̇аанаад̇и, г̇аругам̣ аабад̇д̇им̣ ж̇аанаад̇и, убхаяаани ко банасса баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо, д̣̇асавассо ваа ход̇и ад̇ирзгад̣̇асавассо ваа.
Aparehipi chahaṅgehi samannāgatena bhikkhunā upasampādetabbaṃ nissayo dātabbo sāmaṇero upaṭṭhāpetabbo – āpattiṃ jānāti, anāpattiṃ jānāti, lahukaṃ āpattiṃ jānāti, garukaṃ āpattiṃ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, dasavasso vā hoti atirekadasavasso vā.
ча ад̇хаммигаани баад̇имогкадтабанаани, ча д̇хаммигаани баад̇имогкадтабанаанийд̇и.
Cha adhammikāni pātimokkhaṭṭhapanāni, cha dhammikāni pātimokkhaṭṭhapanānīti.
чаггам̣ нидтид̇ам̣.
Chakkaṃ niṭṭhitaṃ.
д̇ассуд̣̇д̣̇аанам̣ –
Tassuddānaṃ –
аг̇аараваа г̇аараваа жа, винийд̇аа саамийжиби жа;
Agāravā gāravā ca, vinītā sāmīcipi ca;
самудтаанаа чзд̣̇анаа жзва, аагаараанисам̣сзна жа.
Samuṭṭhānā chedanā ceva, ākārānisaṃsena ca.
барамаани жа чаарад̇д̇ам̣, жийварам̣ раж̇анаани жа;
Paramāni ca chārattaṃ, cīvaraṃ rajanāni ca;
гааяад̇о жид̇д̇ад̇о жааби, ваажад̇о жид̇д̇ад̇оби жа.
Kāyato cittato cāpi, vācato cittatopi ca.
гааяаваажаажид̇д̇ад̇о жа, гаммавиваад̣̇амзва жа;
Kāyavācācittato ca, kammavivādameva ca;
ануваад̣̇аа д̣̇ийгхасо жа, д̇ирияам̣ ниссаязна жа.
Anuvādā dīghaso ca, tiriyaṃ nissayena ca.
анубан̃н̃ад̇д̇и аад̣̇ааяа, самаад̣̇ааяа д̇ат̇зва жа;
Anupaññatti ādāya, samādāya tatheva ca;
асзгкз самаад̣̇абзд̇аа, сад̣̇д̇хо ад̇хисийлзна жа;
Asekkhe samādapetā, saddho adhisīlena ca;
г̇илаанаабхисамаажаарий, аабад̇д̇аад̇хаммад̇хаммигаад̇и.
Gilānābhisamācārī, āpattādhammadhammikāti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / чаггаваараван̣н̣анаа • Chakkavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / чаггаваараван̣н̣анаа • Chakkavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / чаггаваараван̣н̣анаа • Chakkavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо чаггаваараван̣н̣анаа • Ekuttarikanayo chakkavāravaṇṇanā
