| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. ச²ளபி⁴ஜாதிஸுத்தவண்ணனா
3. Chaḷabhijātisuttavaṇṇanā
57. ததியே ச²ளபி⁴ஜாதியோதி ச² ஜாதியோ. தத்ரித³ந்தி தத்ராயங். லுத்³தா³தி தா³ருணா. பி⁴க்கூ² கண்டகவுத்திகாதி ஸமணா நாமேதே. ஏகஸாடகாதி ஏகேனேவ பிலோதிகக²ண்டே³ன புரதோ படிச்சா²த³னகா. அகாமகஸ்ஸ பி³லங் ஓலக்³கெ³ய்யுந்தி ஸத்தே² க³ச்ச²மானே கோ³ணம்ஹி மதே கோ³மங்ஸமூலங் உப்பாத³னத்தா²ய விப⁴ஜித்வா கா²த³மானா ஏகஸ்ஸ கோ³மங்ஸங் அனிச்ச²ந்தஸ்ஸேவ கொட்டா²ஸங் கத்வா ‘‘அயஞ்ச தே கா²தி³தப்³போ³, மூலஞ்ச தா³தப்³ப³’’ந்தி தங் கொட்டா²ஸஸங்கா²தங் பி³லங் ஓலக்³கெ³ய்யுங், ப³லக்காரேன ஹத்தே² ட²பெய்யுந்தி அத்தோ². அகெ²த்தஞ்ஞுனாதி அபி⁴ஜாதிபஞ்ஞத்தியா கெ²த்தங் அஜானந்தேன. தங் ஸுணாஹீதி தங் மம பஞ்ஞத்திங் ஸுணாஹி. கண்ஹாபி⁴ஜாதிகோதி காளகஜாதிகோ. கண்ஹங் த⁴ம்மங் அபி⁴ஜாயதீதி கண்ஹஸபா⁴வோ ஹுத்வா ஜாயதி நிப்³ப³த்ததி, கண்ஹாபி⁴ஜாதியங் வா ஜாயதி. நிப்³பா³னங் அபி⁴ஜாயதீதி நிப்³பா³னங் பாபுணாதி, அரியபூ⁴மிஸங்கா²தாய வா நிப்³பா³னஜாதியா ஜாயதி.
57. Tatiye chaḷabhijātiyoti cha jātiyo. Tatridanti tatrāyaṃ. Luddāti dāruṇā. Bhikkhūkaṇṭakavuttikāti samaṇā nāmete. Ekasāṭakāti ekeneva pilotikakhaṇḍena purato paṭicchādanakā. Akāmakassa bilaṃ olaggeyyunti satthe gacchamāne goṇamhi mate gomaṃsamūlaṃ uppādanatthāya vibhajitvā khādamānā ekassa gomaṃsaṃ anicchantasseva koṭṭhāsaṃ katvā ‘‘ayañca te khāditabbo, mūlañca dātabba’’nti taṃ koṭṭhāsasaṅkhātaṃ bilaṃ olaggeyyuṃ, balakkārena hatthe ṭhapeyyunti attho. Akhettaññunāti abhijātipaññattiyā khettaṃ ajānantena. Taṃ suṇāhīti taṃ mama paññattiṃ suṇāhi. Kaṇhābhijātikoti kāḷakajātiko. Kaṇhaṃ dhammaṃ abhijāyatīti kaṇhasabhāvo hutvā jāyati nibbattati, kaṇhābhijātiyaṃ vā jāyati. Nibbānaṃabhijāyatīti nibbānaṃ pāpuṇāti, ariyabhūmisaṅkhātāya vā nibbānajātiyā jāyati.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. ச²ளபி⁴ஜாதிஸுத்தங் • 3. Chaḷabhijātisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2. ச²ளபி⁴ஜாதிஸுத்தவண்ணனா • 2. Chaḷabhijātisuttavaṇṇanā
