| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. чал̣абхиж̇аад̇исуд̇д̇аван̣н̣анаа
3. Chaḷabhijātisuttavaṇṇanā
57. д̇ад̇ияз чал̣абхиж̇аад̇ияод̇и ча ж̇аад̇ияо. д̇ад̇рид̣̇анд̇и д̇ад̇рааяам̣. луд̣̇д̣̇аад̇и д̣̇аарун̣аа. бхигкуу ган̣дагавуд̇д̇игаад̇и саман̣аа наамзд̇з. згасаадагаад̇и згзнзва билод̇игакан̣д̣зна бурад̇о бадижчаад̣̇анагаа. агаамагасса б̣илам̣ олаг̇г̇зяяунд̇и сад̇т̇з г̇ажчамаанз г̇он̣амхи мад̇з г̇омам̣самуулам̣ уббаад̣̇анад̇т̇ааяа вибхаж̇ид̇ваа каад̣̇амаанаа згасса г̇омам̣сам̣ анижчанд̇ассзва годтаасам̣ гад̇ваа ‘‘аяан̃жа д̇з каад̣̇ид̇аб̣б̣о, муулан̃жа д̣̇аад̇аб̣б̣а’’нд̇и д̇ам̣ годтаасасан̇каад̇ам̣ б̣илам̣ олаг̇г̇зяяум̣, б̣алаггаарзна хад̇т̇з табзяяунд̇и ад̇т̇о. акзд̇д̇ан̃н̃унаад̇и абхиж̇аад̇ибан̃н̃ад̇д̇ияаа кзд̇д̇ам̣ аж̇аананд̇зна. д̇ам̣ сун̣аахийд̇и д̇ам̣ мама бан̃н̃ад̇д̇им̣ сун̣аахи. ган̣хаабхиж̇аад̇игод̇и гаал̣агаж̇аад̇иго. ган̣хам̣ д̇хаммам̣ абхиж̇ааяад̇ийд̇и ган̣хасабхааво худ̇ваа ж̇ааяад̇и ниб̣б̣ад̇д̇ад̇и, ган̣хаабхиж̇аад̇ияам̣ ваа ж̇ааяад̇и. ниб̣б̣аанам̣ абхиж̇ааяад̇ийд̇и ниб̣б̣аанам̣ баабун̣аад̇и, арияабхуумисан̇каад̇ааяа ваа ниб̣б̣аанаж̇аад̇ияаа ж̇ааяад̇и.
57. Tatiye chaḷabhijātiyoti cha jātiyo. Tatridanti tatrāyaṃ. Luddāti dāruṇā. Bhikkhūkaṇṭakavuttikāti samaṇā nāmete. Ekasāṭakāti ekeneva pilotikakhaṇḍena purato paṭicchādanakā. Akāmakassa bilaṃ olaggeyyunti satthe gacchamāne goṇamhi mate gomaṃsamūlaṃ uppādanatthāya vibhajitvā khādamānā ekassa gomaṃsaṃ anicchantasseva koṭṭhāsaṃ katvā ‘‘ayañca te khāditabbo, mūlañca dātabba’’nti taṃ koṭṭhāsasaṅkhātaṃ bilaṃ olaggeyyuṃ, balakkārena hatthe ṭhapeyyunti attho. Akhettaññunāti abhijātipaññattiyā khettaṃ ajānantena. Taṃ suṇāhīti taṃ mama paññattiṃ suṇāhi. Kaṇhābhijātikoti kāḷakajātiko. Kaṇhaṃ dhammaṃ abhijāyatīti kaṇhasabhāvo hutvā jāyati nibbattati, kaṇhābhijātiyaṃ vā jāyati. Nibbānaṃabhijāyatīti nibbānaṃ pāpuṇāti, ariyabhūmisaṅkhātāya vā nibbānajātiyā jāyati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. чал̣абхиж̇аад̇исуд̇д̇ам̣ • 3. Chaḷabhijātisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. чал̣абхиж̇аад̇исуд̇д̇аван̣н̣анаа • 2. Chaḷabhijātisuttavaṇṇanā
