| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. чал̣абхиж̇аад̇исуд̇д̇аван̣н̣анаа
2. Chaḷabhijātisuttavaṇṇanā
57. д̇ад̇ияз абхиж̇аад̇ияод̇и зд̇т̇а абхи-сад̣̇д̣̇о убасаг̇г̇амад̇д̇ам̣, на ад̇т̇ависзсаж̇од̇агод̇и ааха ‘‘ча ж̇аад̇ияо’’д̇и. абхиж̇ааяад̇ийд̇и зд̇т̇ааби зсзва наяо.
57. Tatiye abhijātiyoti ettha abhi-saddo upasaggamattaṃ, na atthavisesajotakoti āha ‘‘cha jātiyo’’ti. Abhijāyatīti etthāpi eseva nayo.
ураб̣бхз хананд̇ийд̇и ораб̣бхигаа. звам̣ суугаригаад̣̇аяо взд̣̇ид̇аб̣б̣аа. род̣̇знд̇и гурурагамманд̇ад̇ааяа саббадиб̣ад̣̇д̇хз сад̇д̇з ассууни можзнд̇ийд̇и руд̣̇д̣̇аа, д̇з зва луд̣̇д̣̇аа ра-гаарасса ла-гаарам̣ гад̇ваа. иминаа ан̃н̃зби яз гзжи мааг̇авигаа нзсаад̣̇аа вуд̇д̇аа, д̇з баабагаммаббасуд̇ад̇ааяа ‘‘ган̣хаабхиж̇аад̇ий’’д̇и вад̣̇ад̇и.
Urabbhe hanantīti orabbhikā. Evaṃ sūkarikādayo veditabbā. Rodenti kururakammantatāya sappaṭibaddhe satte assūni mocentīti ruddā, te eva luddā ra-kārassa la-kāraṃ katvā. Iminā aññepi ye keci māgavikā nesādā vuttā, te pāpakammappasutatāya ‘‘kaṇhābhijātī’’ti vadati.
бхигкууд̇и жа б̣уд̣̇д̇хасаасанз бхигкуу. д̇з гира сажчанд̣̇арааг̇зна барибхун̃ж̇анд̇ийд̇и ад̇хиббааязна жад̇уусу бажжаязсу ган̣дагз багкибид̇ваа каад̣̇анд̇ийд̇и ‘‘ган̣дагавуд̇д̇игаа’’д̇и вад̣̇ад̇и. гасмаад̇и жз? яасмаа д̇з бан̣ийд̇з бажжаяз бадисзванд̇ийд̇и д̇асса мижчааг̇аахо. н̃ааяалад̣̇д̇хзби бажжаяз бхун̃ж̇амаанаа ааж̇ийвагасамаяасса виломаг̇г̇аахид̇ааяа бажжаязсу ган̣дагз багкибид̇ваа каад̣̇анд̇и наамаад̇и вад̣̇ад̇ийд̇и. ат̇а ваа ган̣дагавуд̇д̇игаа звам̣наамагаа згз баб̣б̣аж̇ид̇аа, яз сависзсам̣ ад̇д̇агиламат̇аануяог̇ам̣ ануяуд̇д̇аа. д̇ат̇аа хи д̇з ган̣дагз вад̇д̇анд̇аа вияа хонд̇ийд̇и ‘‘ган̣дагавуд̇д̇игаа’’д̇и вуд̇д̇аа. имамзва жа ад̇т̇авигаббам̣ санд̇хааяааха ‘‘ган̣дагавуд̇д̇игаад̇и саман̣аа наамзд̇з’’д̇и.
Bhikkhūti ca buddhasāsane bhikkhū. Te kira sacchandarāgena paribhuñjantīti adhippāyena catūsu paccayesu kaṇṭake pakkhipitvā khādantīti ‘‘kaṇṭakavuttikā’’ti vadati. Kasmāti ce? Yasmā te paṇīte paccaye paṭisevantīti tassa micchāgāho. Ñāyaladdhepi paccaye bhuñjamānā ājīvakasamayassa vilomaggāhitāya paccayesu kaṇṭake pakkhipitvā khādanti nāmāti vadatīti. Atha vā kaṇṭakavuttikā evaṃnāmakā eke pabbajitā, ye savisesaṃ attakilamathānuyogaṃ anuyuttā. Tathā hi te kaṇṭake vattantā viya hontīti ‘‘kaṇṭakavuttikā’’ti vuttā. Imameva ca atthavikappaṃ sandhāyāha ‘‘kaṇṭakavuttikāti samaṇā nāmete’’ti.
лохид̇аабхиж̇аад̇и наама ниг̇ан̣таа згасаадагаад̇и вуд̇д̇аа. д̇з гира тад̇ваа бхун̃ж̇ананахаанаббадигкзбаад̣̇ивад̇асамааяог̇зна буримзхи д̣̇вийхи бан̣д̣арад̇араа.
Lohitābhijāti nāma nigaṇṭhā ekasāṭakāti vuttā. Te kira ṭhatvā bhuñjananahānappaṭikkhepādivatasamāyogena purimehi dvīhi paṇḍaratarā.
ажзлагасаавагаад̇и ааж̇ийвагасаавагз вад̣̇ад̇и. д̇з гира ааж̇ийвагалад̣̇д̇хияаа сувисуд̣̇д̇хажид̇д̇ад̇ааяа ниг̇ан̣тзхиби бан̣д̣арад̇араа. зван̃жа гад̇ваа ад̇д̇ано бажжаяад̣̇ааяагз ниг̇ан̣тзхиби ж̇здтагад̇арз гарод̇и.
Acelakasāvakāti ājīvakasāvake vadati. Te kira ājīvakaladdhiyā suvisuddhacittatāya nigaṇṭhehipi paṇḍaratarā. Evañca katvā attano paccayadāyake nigaṇṭhehipi jeṭṭhakatare karoti.
ааж̇ийвагаа ааж̇ийвагинияо ‘‘суггаабхиж̇аад̇ий’’д̇и вуд̇д̇аа. д̇з гира буримзхи жад̇уухи бан̣д̣арад̇араа. нанд̣̇аад̣̇аяо хи д̇ат̇ааруубам̣ ааж̇ийвагаббадибад̇д̇им̣ уггам̣сам̣ баабзд̇ваа тид̇аа, д̇асмаа ниг̇ан̣тзхи ааж̇ийвагасаавагзхи жа бан̣д̣арад̇араад̇и ‘‘барамасуггаабхиж̇аад̇ий’’д̇и вуд̇д̇аа.
Ājīvakā ājīvakiniyo ‘‘sukkābhijātī’’ti vuttā. Te kira purimehi catūhi paṇḍaratarā. Nandādayo hi tathārūpaṃ ājīvakappaṭipattiṃ ukkaṃsaṃ pāpetvā ṭhitā, tasmā nigaṇṭhehi ājīvakasāvakehi ca paṇḍaratarāti ‘‘paramasukkābhijātī’’ti vuttā.
б̣илам̣ олаг̇г̇зяяунд̇и мам̣сабхааг̇ам̣ нхаарунаа ваа гзнажи ваа г̇ант̇ид̇ваа бурисасса хад̇т̇з ваа гзсз ваа оламб̣анавасзна б̣анд̇хзяяум̣. иминаа сад̇т̇ад̇хаммам̣ наама д̣̇ассзд̇и. сад̇т̇аваахо гира махааганд̇аарам̣ бадибанно анд̇араамаг̇г̇з г̇он̣з мад̇з мам̣сам̣ г̇ахзд̇ваа саб̣б̣зсам̣ сад̇т̇игаанам̣ ‘‘ид̣̇ам̣ каад̣̇ид̇ваа зд̇д̇агам̣ муулам̣ д̣̇аад̇аб̣б̣а’’нд̇и годтаасам̣ оламб̣ад̇и. г̇он̣амам̣сам̣ наама каад̣̇анд̇ааби ад̇т̇и, акаад̣̇анд̇ааби ад̇т̇и, каад̣̇анд̇ааби муулам̣ д̣̇аад̇ум̣ саггонд̇ааби асаггонд̇ааби. сад̇т̇аваахо язна муулзна г̇он̣о г̇ахид̇о, д̇ам̣ муулам̣ сад̇т̇игзхи д̇хааран̣ад̇т̇ам̣ саб̣б̣зсам̣ б̣алаггаарзна годтаасам̣ д̣̇ад̇ваа муулам̣ г̇ан̣хаад̇и. аяам̣ сад̇т̇ад̇хаммо.
Bilaṃ olaggeyyunti maṃsabhāgaṃ nhārunā vā kenaci vā ganthitvā purisassa hatthe vā kese vā olambanavasena bandheyyuṃ. Iminā satthadhammaṃ nāma dasseti. Satthavāho kira mahākantāraṃ paṭipanno antarāmagge goṇe mate maṃsaṃ gahetvā sabbesaṃ satthikānaṃ ‘‘idaṃ khāditvā ettakaṃ mūlaṃ dātabba’’nti koṭṭhāsaṃ olambati. Goṇamaṃsaṃ nāma khādantāpi atthi, akhādantāpi atthi, khādantāpi mūlaṃ dātuṃ sakkontāpi asakkontāpi. Satthavāho yena mūlena goṇo gahito, taṃ mūlaṃ satthikehi dhāraṇatthaṃ sabbesaṃ balakkārena koṭṭhāsaṃ datvā mūlaṃ gaṇhāti. Ayaṃ satthadhammo.
ган̣хаабхиж̇аад̇ияо самаанод̇и ган̣хз нийжагулз ж̇аад̇о худ̇ваа. ган̣хад̇хамманд̇и бажжад̇д̇з убаяог̇аважананд̇и ааха ‘‘ган̣хасабхааво худ̇ваа абхиж̇ааяад̇ий’’д̇и, д̇ам̣ анд̇ог̇ад̇хахзд̇уад̇т̇ам̣ бад̣̇ам̣, уббаад̣̇зд̇ийд̇и ад̇т̇о. д̇асмаа ган̣хам̣ д̇хаммам̣ абхиж̇ааяад̇ийд̇и гаал̣агам̣ д̣̇асад̣̇уссийляад̇хаммам̣ уббаад̣̇зд̇и. суггам̣ д̇хаммам̣ абхиж̇ааяад̇ийд̇и зд̇т̇ааби иминаа наязна ад̇т̇о взд̣̇ид̇аб̣б̣о. со хи ‘‘ахам̣ буб̣б̣зби бун̃н̃аанам̣ агад̇ад̇д̇аа нийжагулз ниб̣б̣ад̇д̇о, ид̣̇аани бун̃н̃ам̣ гариссаамий’’д̇и бун̃н̃асан̇каад̇ам̣ бан̣д̣арад̇хаммам̣ гарод̇и.
Kaṇhābhijātiyo samānoti kaṇhe nīcakule jāto hutvā. Kaṇhadhammanti paccatte upayogavacananti āha ‘‘kaṇhasabhāvo hutvā abhijāyatī’’ti, taṃ antogadhahetuatthaṃ padaṃ, uppādetīti attho. Tasmā kaṇhaṃ dhammaṃ abhijāyatīti kāḷakaṃ dasadussīlyadhammaṃ uppādeti. Sukkaṃ dhammaṃ abhijāyatīti etthāpi iminā nayena attho veditabbo. So hi ‘‘ahaṃ pubbepi puññānaṃ akatattā nīcakule nibbatto, idāni puññaṃ karissāmī’’ti puññasaṅkhātaṃ paṇḍaradhammaṃ karoti.
аган̣хам̣ асуггам̣ ниб̣б̣аананд̇и сажз ган̣хам̣ бхавзяяа, ган̣хавибаагам̣ д̣̇ад̣̇зяяа яат̇аа д̣̇асавид̇хам̣ д̣̇уссийляад̇хаммам̣. сажз суггам̣, суггавибаагам̣ д̣̇ад̣̇зяяа яат̇аа д̣̇аанасийлаад̣̇игусалагаммам̣. д̣̇виннамби аббад̣̇аанад̇о ‘‘аган̣хам̣ асугга’’нд̇и вуд̇д̇ам̣. ниб̣б̣аанан̃жа наама имасмим̣ ад̇т̇з арахад̇д̇ам̣ ад̇хиббзд̇ам̣ ‘‘абхиж̇ааяад̇ий’’д̇и важанад̇о . д̇ан̃хи гилзсаниб̣б̣аананд̇з ж̇аад̇ад̇д̇аа ниб̣б̣аанам̣ наама яат̇аа ‘‘рааг̇аад̣̇ийнам̣ каяанд̇з ж̇аад̇ад̇д̇аа рааг̇агкаяо, д̣̇осагкаяо, мохагкаяо’’д̇и. бадиббассамбханавасзна ваа гилзсаанам̣ ниб̣б̣аабанад̇о ниб̣б̣аанам̣. д̇ам̣ зса абхиж̇ааяад̇и басавад̇и. ид̇хааби хи анд̇ог̇ад̇хахзд̇у ад̇т̇ам̣ ‘‘ж̇ааяад̇ий’’д̇и бад̣̇ам̣. адтагат̇ааяам̣ бана ‘‘ж̇ааяад̇ий’’д̇и имасса баабун̣аад̇ийхи ад̇т̇ам̣ г̇ахзд̇ваава ‘‘ниб̣б̣аанам̣ баабун̣аад̇ий’’д̇и вуд̇д̇ам̣. суггаабхиж̇аад̇ияо самаанод̇и суггз ужжагулз ж̇аад̇о худ̇ваа. сзсамзд̇т̇а сувин̃н̃зяяамзва.
Akaṇhaṃ asukkaṃ nibbānanti sace kaṇhaṃ bhaveyya, kaṇhavipākaṃ dadeyya yathā dasavidhaṃ dussīlyadhammaṃ. Sace sukkaṃ, sukkavipākaṃ dadeyya yathā dānasīlādikusalakammaṃ. Dvinnampi appadānato ‘‘akaṇhaṃ asukka’’nti vuttaṃ. Nibbānañca nāma imasmiṃ atthe arahattaṃ adhippetaṃ ‘‘abhijāyatī’’ti vacanato . Tañhi kilesanibbānante jātattā nibbānaṃ nāma yathā ‘‘rāgādīnaṃ khayante jātattā rāgakkhayo, dosakkhayo, mohakkhayo’’ti. Paṭippassambhanavasena vā kilesānaṃ nibbāpanato nibbānaṃ. Taṃ esa abhijāyati pasavati. Idhāpi hi antogadhahetu atthaṃ ‘‘jāyatī’’ti padaṃ. Aṭṭhakathāyaṃ pana ‘‘jāyatī’’ti imassa pāpuṇātīhi atthaṃ gahetvāva ‘‘nibbānaṃ pāpuṇātī’’ti vuttaṃ. Sukkābhijātiyo samānoti sukke uccakule jāto hutvā. Sesamettha suviññeyyameva.
чал̣абхиж̇аад̇исуд̇д̇аван̣н̣анаа нидтид̇аа.
Chaḷabhijātisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. чал̣абхиж̇аад̇исуд̇д̇ам̣ • 3. Chaḷabhijātisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. чал̣абхиж̇аад̇исуд̇д̇аван̣н̣анаа • 3. Chaḷabhijātisuttavaṇṇanā
