| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. ฉฬภิชาติสุตฺตวณฺณนา
3. Chaḷabhijātisuttavaṇṇanā
๕๗. ตติเย ฉฬภิชาติโยติ ฉ ชาติโยฯ ตตฺริทนฺติ ตตฺรายํฯ ลุทฺทาติ ทารุณาฯ ภิกฺขู กณฺฎกวุตฺติกาติ สมณา นาเมเตฯ เอกสาฎกาติ เอเกเนว ปิโลติกขเณฺฑน ปุรโต ปฎิจฺฉาทนกาฯ อกามกสฺส พิลํ โอลเคฺคยฺยุนฺติ สเตฺถ คจฺฉมาเน โคณมฺหิ มเต โคมํสมูลํ อุปฺปาทนตฺถาย วิภชิตฺวา ขาทมานา เอกสฺส โคมํสํ อนิจฺฉนฺตเสฺสว โกฎฺฐาสํ กตฺวา ‘‘อยญฺจ เต ขาทิตโพฺพ, มูลญฺจ ทาตพฺพ’’นฺติ ตํ โกฎฺฐาสสงฺขาตํ พิลํ โอลเคฺคยฺยุํ, พลกฺกาเรน หเตฺถ ฐเปยฺยุนฺติ อโตฺถฯ อเขตฺตญฺญุนาติ อภิชาติปญฺญตฺติยา เขตฺตํ อชานเนฺตนฯ ตํ สุณาหีติ ตํ มม ปญฺญตฺติํ สุณาหิฯ กณฺหาภิชาติโกติ กาฬกชาติโกฯ กณฺหํ ธมฺมํ อภิชายตีติ กณฺหสภาโว หุตฺวา ชายติ นิพฺพตฺตติ, กณฺหาภิชาติยํ วา ชายติฯ นิพฺพานํ อภิชายตีติ นิพฺพานํ ปาปุณาติ, อริยภูมิสงฺขาตาย วา นิพฺพานชาติยา ชายติฯ
57. Tatiye chaḷabhijātiyoti cha jātiyo. Tatridanti tatrāyaṃ. Luddāti dāruṇā. Bhikkhūkaṇṭakavuttikāti samaṇā nāmete. Ekasāṭakāti ekeneva pilotikakhaṇḍena purato paṭicchādanakā. Akāmakassa bilaṃ olaggeyyunti satthe gacchamāne goṇamhi mate gomaṃsamūlaṃ uppādanatthāya vibhajitvā khādamānā ekassa gomaṃsaṃ anicchantasseva koṭṭhāsaṃ katvā ‘‘ayañca te khāditabbo, mūlañca dātabba’’nti taṃ koṭṭhāsasaṅkhātaṃ bilaṃ olaggeyyuṃ, balakkārena hatthe ṭhapeyyunti attho. Akhettaññunāti abhijātipaññattiyā khettaṃ ajānantena. Taṃ suṇāhīti taṃ mama paññattiṃ suṇāhi. Kaṇhābhijātikoti kāḷakajātiko. Kaṇhaṃ dhammaṃ abhijāyatīti kaṇhasabhāvo hutvā jāyati nibbattati, kaṇhābhijātiyaṃ vā jāyati. Nibbānaṃabhijāyatīti nibbānaṃ pāpuṇāti, ariyabhūmisaṅkhātāya vā nibbānajātiyā jāyati.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. ฉฬภิชาติสุตฺตํ • 3. Chaḷabhijātisuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒. ฉฬภิชาติสุตฺตวณฺณนา • 2. Chaḷabhijātisuttavaṇṇanā
