| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਛਲ਼ਭਿਜਾਤਿਸੁਤ੍ਤવਣ੍ਣਨਾ
3. Chaḷabhijātisuttavaṇṇanā
੫੭. ਤਤਿਯੇ ਛਲ਼ਭਿਜਾਤਿਯੋਤਿ ਛ ਜਾਤਿਯੋ। ਤਤ੍ਰਿਦਨ੍ਤਿ ਤਤ੍ਰਾਯਂ। ਲੁਦ੍ਦਾਤਿ ਦਾਰੁਣਾ। ਭਿਕ੍ਖੂ ਕਣ੍ਟਕવੁਤ੍ਤਿਕਾਤਿ ਸਮਣਾ ਨਾਮੇਤੇ। ਏਕਸਾਟਕਾਤਿ ਏਕੇਨੇવ ਪਿਲੋਤਿਕਖਣ੍ਡੇਨ ਪੁਰਤੋ ਪਟਿਚ੍ਛਾਦਨਕਾ। ਅਕਾਮਕਸ੍ਸ ਬਿਲਂ ਓਲਗ੍ਗੇਯ੍ਯੁਨ੍ਤਿ ਸਤ੍ਥੇ ਗਚ੍ਛਮਾਨੇ ਗੋਣਮ੍ਹਿ ਮਤੇ ਗੋਮਂਸਮੂਲਂ ਉਪ੍ਪਾਦਨਤ੍ਥਾਯ વਿਭਜਿਤ੍વਾ ਖਾਦਮਾਨਾ ਏਕਸ੍ਸ ਗੋਮਂਸਂ ਅਨਿਚ੍ਛਨ੍ਤਸ੍ਸੇવ ਕੋਟ੍ਠਾਸਂ ਕਤ੍વਾ ‘‘ਅਯਞ੍ਚ ਤੇ ਖਾਦਿਤਬ੍ਬੋ, ਮੂਲਞ੍ਚ ਦਾਤਬ੍ਬ’’ਨ੍ਤਿ ਤਂ ਕੋਟ੍ਠਾਸਸਙ੍ਖਾਤਂ ਬਿਲਂ ਓਲਗ੍ਗੇਯ੍ਯੁਂ, ਬਲਕ੍ਕਾਰੇਨ ਹਤ੍ਥੇ ਠਪੇਯ੍ਯੁਨ੍ਤਿ ਅਤ੍ਥੋ। ਅਖੇਤ੍ਤਞ੍ਞੁਨਾਤਿ ਅਭਿਜਾਤਿਪਞ੍ਞਤ੍ਤਿਯਾ ਖੇਤ੍ਤਂ ਅਜਾਨਨ੍ਤੇਨ। ਤਂ ਸੁਣਾਹੀਤਿ ਤਂ ਮਮ ਪਞ੍ਞਤ੍ਤਿਂ ਸੁਣਾਹਿ। ਕਣ੍ਹਾਭਿਜਾਤਿਕੋਤਿ ਕਾਲ਼ਕਜਾਤਿਕੋ। ਕਣ੍ਹਂ ਧਮ੍ਮਂ ਅਭਿਜਾਯਤੀਤਿ ਕਣ੍ਹਸਭਾવੋ ਹੁਤ੍વਾ ਜਾਯਤਿ ਨਿਬ੍ਬਤ੍ਤਤਿ, ਕਣ੍ਹਾਭਿਜਾਤਿਯਂ વਾ ਜਾਯਤਿ। ਨਿਬ੍ਬਾਨਂ ਅਭਿਜਾਯਤੀਤਿ ਨਿਬ੍ਬਾਨਂ ਪਾਪੁਣਾਤਿ, ਅਰਿਯਭੂਮਿਸਙ੍ਖਾਤਾਯ વਾ ਨਿਬ੍ਬਾਨਜਾਤਿਯਾ ਜਾਯਤਿ।
57. Tatiye chaḷabhijātiyoti cha jātiyo. Tatridanti tatrāyaṃ. Luddāti dāruṇā. Bhikkhūkaṇṭakavuttikāti samaṇā nāmete. Ekasāṭakāti ekeneva pilotikakhaṇḍena purato paṭicchādanakā. Akāmakassa bilaṃ olaggeyyunti satthe gacchamāne goṇamhi mate gomaṃsamūlaṃ uppādanatthāya vibhajitvā khādamānā ekassa gomaṃsaṃ anicchantasseva koṭṭhāsaṃ katvā ‘‘ayañca te khāditabbo, mūlañca dātabba’’nti taṃ koṭṭhāsasaṅkhātaṃ bilaṃ olaggeyyuṃ, balakkārena hatthe ṭhapeyyunti attho. Akhettaññunāti abhijātipaññattiyā khettaṃ ajānantena. Taṃ suṇāhīti taṃ mama paññattiṃ suṇāhi. Kaṇhābhijātikoti kāḷakajātiko. Kaṇhaṃ dhammaṃ abhijāyatīti kaṇhasabhāvo hutvā jāyati nibbattati, kaṇhābhijātiyaṃ vā jāyati. Nibbānaṃabhijāyatīti nibbānaṃ pāpuṇāti, ariyabhūmisaṅkhātāya vā nibbānajātiyā jāyati.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਛਲ਼ਭਿਜਾਤਿਸੁਤ੍ਤਂ • 3. Chaḷabhijātisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਛਲ਼ਭਿਜਾਤਿਸੁਤ੍ਤવਣ੍ਣਨਾ • 2. Chaḷabhijātisuttavaṇṇanā
