| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. чал̣ан̇г̇ад̣̇аанасуд̇д̇аван̣н̣анаа
7. Chaḷaṅgadānasuttavaṇṇanā
37. сад̇д̇амз д̣̇агканд̇и вад̣дханд̇и зд̇ааяаад̇и д̣̇агкин̣аа, барижжааг̇амаяам̣ бун̃н̃ам̣, д̇ассуубагаран̣абхууд̇о д̣̇зяяад̇хаммо жа. ид̇ха бана д̣̇зяяад̇хаммо ад̇хиббзд̇о. д̇знзвааха ‘‘д̣̇агкин̣ам̣ бад̇идтаабзд̇ий’’д̇и. ид̇о удтид̇знаад̇и ид̇о кзд̇д̇ад̇о уббаннзна. рааг̇о винаяад̇и зд̇знаад̇и рааг̇авинаяо, рааг̇асса самужчзд̣̇игаа бадибад̣̇аа. д̇знааха ‘‘рааг̇авинаяабадибад̣̇ам̣ бадибаннаа’’д̇и.
37. Sattame dakkhanti vaḍḍhanti etāyāti dakkhiṇā, pariccāgamayaṃ puññaṃ, tassūpakaraṇabhūto deyyadhammo ca. Idha pana deyyadhammo adhippeto. Tenevāha ‘‘dakkhiṇaṃ patiṭṭhāpetī’’ti. Ito uṭṭhitenāti ito khettato uppannena. Rāgo vinayati etenāti rāgavinayo, rāgassa samucchedikā paṭipadā. Tenāha ‘‘rāgavinayapaṭipadaṃ paṭipannā’’ti.
‘‘буб̣б̣зва д̣̇аанаа сумано’’д̇иаад̣̇иг̇аат̇ааяа буб̣б̣зва д̣̇аанаа мун̃жажзд̇анааяа буб̣б̣з д̣̇аануубагаран̣асамбхаран̣ад̇о бадтааяа сумано ‘‘самбад̇д̇ийнам̣ нид̣̇аанам̣ ануг̇аамигад̣̇аанам̣ д̣̇ассаамий’’д̇и соманассид̇о бхавзяяа. д̣̇ад̣̇ам̣ жид̇д̇ам̣ басаад̣̇аязд̇и д̣̇ад̣̇анд̇о д̣̇зяяад̇хаммам̣ д̣̇агкин̣зяяахад̇т̇з бад̇идтаабзнд̇о ‘‘асаарад̇о д̇ханад̇о саараад̣̇аанам̣ гаромий’’д̇и ад̇д̇ано жид̇д̇ам̣ басаад̣̇зяяа. д̣̇ад̇ваа ад̇д̇амано ход̇ийд̇и д̣̇агкин̣зяяаанам̣ д̣̇зяяад̇хаммам̣ барижжаж̇ид̇ваа ‘‘бан̣д̣ид̇абан̃н̃ад̇д̇ам̣ наама маяаа анудтид̇ам̣, ахо саад̇ху судтуу’’д̇и ад̇д̇амано бамуд̣̇ид̇о бийд̇исоманассаж̇аад̇о ход̇и. зсаад̇и яаа аяам̣ буб̣б̣ажзд̇анаа мун̃жажзд̇анаа абаражзд̇анаад̇и имаасам̣ гаммапалаанам̣ сад̣̇д̇хаануг̇ад̇аанам̣ соманассабариг̇г̇ахид̇аанам̣ д̇ивид̇хаанам̣ жзд̇анаанам̣ баарибуурий, зсаа.
‘‘Pubbeva dānā sumano’’tiādigāthāya pubbeva dānā muñcacetanāya pubbe dānūpakaraṇasambharaṇato paṭṭhāya sumano ‘‘sampattīnaṃ nidānaṃ anugāmikadānaṃ dassāmī’’ti somanassito bhaveyya. Dadaṃ cittaṃ pasādayeti dadanto deyyadhammaṃ dakkhiṇeyyahatthe patiṭṭhāpento ‘‘asārato dhanato sārādānaṃ karomī’’ti attano cittaṃ pasādeyya. Datvā attamano hotīti dakkhiṇeyyānaṃ deyyadhammaṃ pariccajitvā ‘‘paṇḍitapaññattaṃ nāma mayā anuṭṭhitaṃ, aho sādhu suṭṭhū’’ti attamano pamudito pītisomanassajāto hoti. Esāti yā ayaṃ pubbacetanā muñcacetanā aparacetanāti imāsaṃ kammaphalānaṃ saddhānugatānaṃ somanassapariggahitānaṃ tividhānaṃ cetanānaṃ pāripūrī, esā.
сийласан̃н̃амзнаад̇и гааяигаваажасигасам̣варзна. хад̇т̇абаад̣̇зд̇и д̣̇агкин̣зяяаанам̣ хад̇т̇абаад̣̇з. мукам̣ вигкаалзд̇ваад̇и д̇зсам̣язва мукам̣ вигкаалзд̇ваа, ад̇д̇анаава мукод̣̇агам̣ д̣̇ад̇ваад̇и ад̇хиббааяо.
Sīlasaññamenāti kāyikavācasikasaṃvarena. Hatthapādeti dakkhiṇeyyānaṃ hatthapāde. Mukhaṃ vikkhāletvāti tesaṃyeva mukhaṃ vikkhāletvā, attanāva mukhodakaṃ datvāti adhippāyo.
чал̣ан̇г̇ад̣̇аанасуд̇д̇аван̣н̣анаа нидтид̇аа.
Chaḷaṅgadānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. чал̣ан̇г̇ад̣̇аанасуд̇д̇ам̣ • 7. Chaḷaṅgadānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. д̣̇аанасуд̇д̇аван̣н̣анаа • 7. Dānasuttavaṇṇanā
