| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
ဆန္ဒဒာနာဒိကထာဝဏ္ဏနာ
Chandadānādikathāvaṇṇanā
၁၆၅-၇. ‘‘ဆန္ဒံ ဒတ္ဝာ ခဏ္ဍသီမံ ဝာ သီမန္တရိကံ ဝာ ဗဟိသီမံ ဝာ ဂန္တ္ဝာ အာဂတော ဘိက္ခု ကမ္မံ န ကောပေတိ, တသ္မာ ဂမိကဘိက္ခူနံ ဆန္ဒံ ဂဏ္ဟိတ္ဝာ ခဏ္ဍသီမံ ဗန္ဓိတ္ဝာ ပုန ဝိဟာရသီမံ ဗန္ဓိတုံ တေသံ ဆန္ဒံ န ဂဏ္ဟန္တီ’’တိ ဝဒန္တိ။ ‘‘မုဟုတ္တံ ဧကမန္တံ ဟောထာ’’တိအာဒိဝစနတော ယံ ကိဉ္စိ ဘိက္ခုကမ္မံ ဂဟဋ္ဌာဒီသု ဟတ္ထပာသဂတေသု န ဝဋ္ဋတီတိ သိဒ္ဓံ။ နိသ္သီမန္တိ ဗဟိသီမံ။ တသ္သ သမ္မုတိဒာနကိစ္စံ နတ္ထီတိ တသ္မိံ သတိပိ ဝဋ္ဋတီတိ အတ္ထော။ အာသနေန သဟ ဥဒကန္တိ အတ္ထော။ ပန္နရသောပီတိ အပိ-သဒ္ဒော စာတုဒ္ဒသိံ သမ္ပိဏ္ဍေတိ, တေန ဝုတ္တံ မဟာအဋ္ဌကထာယံ ‘‘ယဒိ နော ဧတ’’န္တိ။ ‘‘အဇ္ဇ မေ ဥပောသထော ပန္နရသော’’တိ အဓိဋ္ဌာနံ သဒာ န ကိဉ္စိ, န အညထာတိ ဧကေ။
165-7. ‘‘Chandaṃ datvā khaṇḍasīmaṃ vā sīmantarikaṃ vā bahisīmaṃ vā gantvā āgato bhikkhu kammaṃ na kopeti, tasmā gamikabhikkhūnaṃ chandaṃ gaṇhitvā khaṇḍasīmaṃ bandhitvā puna vihārasīmaṃ bandhituṃ tesaṃ chandaṃ na gaṇhantī’’ti vadanti. ‘‘Muhuttaṃ ekamantaṃ hothā’’tiādivacanato yaṃ kiñci bhikkhukammaṃ gahaṭṭhādīsu hatthapāsagatesu na vaṭṭatīti siddhaṃ. Nissīmanti bahisīmaṃ. Tassa sammutidānakiccaṃ natthīti tasmiṃ satipi vaṭṭatīti attho. Āsanena saha udakanti attho. Pannarasopīti api-saddo cātuddasiṃ sampiṇḍeti, tena vuttaṃ mahāaṭṭhakathāyaṃ ‘‘yadi no eta’’nti. ‘‘Ajja me uposatho pannaraso’’ti adhiṭṭhānaṃ sadā na kiñci, na aññathāti eke.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၈၈. ဆန္ဒဒာနကထာ • 88. Chandadānakathā
၈၉. ဉာတကာဒိဂ္ဂဟဏကထာ • 89. Ñātakādiggahaṇakathā
၉၀. ဥမ္မတ္တကသမ္မုတိ • 90. Ummattakasammuti
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဆန္ဒဒာနကထာ • Chandadānakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဆန္ဒဒာနကထာဝဏ္ဏနာ • Chandadānakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဆန္ဒဒာနကထာဒိဝဏ္ဏနာ • Chandadānakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၈၈. ဆန္ဒဒာနကထာ • 88. Chandadānakathā
