| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
ச²ந்த³தா³னகதா²
Chandadānakathā
165. ச²ந்த³தா³னேபி பாரிஸுத்³தி⁴தா³னே வுத்தஸதி³ஸோயேவ வினிச்ச²யோ. பாரிஸுத்³தி⁴ங் தெ³ந்தேன ச²ந்த³ம்பி தா³துந்தி எத்த² ஸசே பாரிஸுத்³தி⁴மேவ தே³தி ந ச²ந்த³ங், உபோஸதோ² கதோ ஹோதி. யங் பன ஸங்கோ⁴ அஞ்ஞங் கம்மங் கரோதி, தங் அகதங் ஹோதி. ச²ந்த³மேவ தே³தி ந பாரிஸுத்³தி⁴ங், பி⁴க்கு²ஸங்க⁴ஸ்ஸ உபோஸதோ²பி கம்மம்பி கதமேவ ஹோதி, ச²ந்த³தா³யகஸ்ஸ பன உபோஸதோ² அகதோ ஹோதி. ஸசேபி கோசி பி⁴க்கு² நதி³யா வா ஸீமாய வா உபோஸத²ங் அதி⁴ட்ட²ஹித்வா ஆக³ச்ச²தி, ‘‘கதோ மயா உபோஸதோ²’’தி அச்சி²துங் ந லப⁴தி, ஸாமக்³கீ³ வா ச²ந்தோ³ வா தா³தப்³போ³.
165. Chandadānepi pārisuddhidāne vuttasadisoyeva vinicchayo. Pārisuddhiṃ dentena chandampidātunti ettha sace pārisuddhimeva deti na chandaṃ, uposatho kato hoti. Yaṃ pana saṅgho aññaṃ kammaṃ karoti, taṃ akataṃ hoti. Chandameva deti na pārisuddhiṃ, bhikkhusaṅghassa uposathopi kammampi katameva hoti, chandadāyakassa pana uposatho akato hoti. Sacepi koci bhikkhu nadiyā vā sīmāya vā uposathaṃ adhiṭṭhahitvā āgacchati, ‘‘kato mayā uposatho’’ti acchituṃ na labhati, sāmaggī vā chando vā dātabbo.
167. ஸரதிபி உபோஸத²ங் நபி ஸரதீதி ஏகதா³ ஸரதி, ஏகதா³ ந ஸரதி. அத்தி² நேவ ஸரதீதி யோ ஏகந்தங் நேவ ஸரதி, தஸ்ஸ ஸம்முதிதா³னகிச்சங் நத்தி². அனாக³ச்ச²ந்தோபி கம்மங் ந கோபேதி.
167.Saratipi uposathaṃ napi saratīti ekadā sarati, ekadā na sarati. Atthi neva saratīti yo ekantaṃ neva sarati, tassa sammutidānakiccaṃ natthi. Anāgacchantopi kammaṃ na kopeti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
88. ச²ந்த³தா³னகதா² • 88. Chandadānakathā
90. உம்மத்தகஸம்முதி • 90. Ummattakasammuti
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ச²ந்த³தா³னகதா²வண்ணனா • Chandadānakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ச²ந்த³தா³னாதி³கதா²வண்ணனா • Chandadānādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ச²ந்த³தா³னகதா²தி³வண்ணனா • Chandadānakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 88. ச²ந்த³தா³னகதா² • 88. Chandadānakathā
