| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
88. ச²ந்த³தா³னகதா²
88. Chandadānakathā
165. ச²ந்த³தா³னேபி வினிச்ச²யோ வேதி³தப்³போ³தி யோஜனா. உபோஸதோ² கதோ ஹோதீதி பாரிஸுத்³தி⁴தா³யகஸ்ஸ ச ஸங்க⁴ஸ்ஸ ச உபோஸதோ² கதோ ஹோதி. அஞ்ஞந்தி உபோஸத²கம்மதோ அஞ்ஞங். யங் பன கம்மந்தி ஸம்ப³ந்தோ⁴. கம்மம்பீதி உபோஸத²கம்மதோ அஞ்ஞங் கம்மம்பி. எத்த² ச தத³ஹுபோஸதே² அத்தனோ ச ஸங்க⁴ஸ்ஸ ச ஸசே உபோஸத²கம்மங் ஹோதி, பாரிஸுத்³தி⁴யேவ தா³தப்³பா³. அத² அஞ்ஞங் கம்மங் ஹோதி, ச²ந்தோ³யேவ தா³தப்³போ³. யதி³ உபோஸத²கம்மஞ்ச அஞ்ஞகம்மஞ்ச ஹோதி, பாரிஸுத்³தி⁴ ச ச²ந்தோ³ ச தா³தப்³போ³. தங் ஸந்தா⁴ய வுத்தங் ‘‘தத³ஹுபோஸதே² பாரிஸுத்³தி⁴ங் தெ³ந்தேன ச²ந்த³ம்பி தா³து’’ந்தி. ஸீமாய வாதி ப³த்³த⁴ஸீமாய வா. அச்சி²துந்தி உபவேஸிதுங். ‘‘ஆஸ உபவேஸனே’’தி ஹி தா⁴துபாடே²ஸு (ஸத்³த³னீதிதா⁴துமாலாயங் 16 ஸகாரந்ததா⁴து) வுத்தங். ஸாமக்³கீ³ வாதி காயஸாமக்³கீ³ வா.
165. Chandadānepi vinicchayo veditabboti yojanā. Uposatho kato hotīti pārisuddhidāyakassa ca saṅghassa ca uposatho kato hoti. Aññanti uposathakammato aññaṃ. Yaṃ pana kammanti sambandho. Kammampīti uposathakammato aññaṃ kammampi. Ettha ca tadahuposathe attano ca saṅghassa ca sace uposathakammaṃ hoti, pārisuddhiyeva dātabbā. Atha aññaṃ kammaṃ hoti, chandoyeva dātabbo. Yadi uposathakammañca aññakammañca hoti, pārisuddhi ca chando ca dātabbo. Taṃ sandhāya vuttaṃ ‘‘tadahuposathe pārisuddhiṃ dentena chandampi dātu’’nti. Sīmāya vāti baddhasīmāya vā. Acchitunti upavesituṃ. ‘‘Āsa upavesane’’ti hi dhātupāṭhesu (saddanītidhātumālāyaṃ 16 sakārantadhātu) vuttaṃ. Sāmaggī vāti kāyasāmaggī vā.
167. ஸரதிபி உபோஸத²ங், நபி ஸரதீதி எத்த² பிஸத்³த³ஸ்ஸ அனியமவிகப்பத்த²ங் த³ஸ்ஸேதுங் வுத்தங் ‘‘ஏகதா³ ஸரதி, ஏகதா³ ந ஸரதீ’’தி. ‘‘ஏகந்த’’ந்தி இமினா நேவ ஸரதீதி எத்த² ஏவஸத்³த³ஸ்ஸ ஸன்னிட்டா²னத்த²ங் த³ஸ்ஸேதி. கம்மங் ந கோபேதீதி ஸம்முதிலத்³தோ⁴பி அலத்³தோ⁴பி உம்மத்தகோ கம்மங் ந கோபேதி.
167.Saratipi uposathaṃ, napi saratīti ettha pisaddassa aniyamavikappatthaṃ dassetuṃ vuttaṃ ‘‘ekadā sarati, ekadā na saratī’’ti. ‘‘Ekanta’’nti iminā neva saratīti ettha evasaddassa sanniṭṭhānatthaṃ dasseti. Kammaṃ na kopetīti sammutiladdhopi aladdhopi ummattako kammaṃ na kopeti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
88. ச²ந்த³தா³னகதா² • 88. Chandadānakathā
90. உம்மத்தகஸம்முதி • 90. Ummattakasammuti
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ச²ந்த³தா³னகதா² • Chandadānakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ச²ந்த³தா³னகதா²வண்ணனா • Chandadānakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / ச²ந்த³தா³னாதி³கதா²வண்ணனா • Chandadānādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ச²ந்த³தா³னகதா²தி³வண்ணனா • Chandadānakathādivaṇṇanā
