| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
88. чанд̣̇ад̣̇аанагат̇аа
88. Chandadānakathā
165. ат̇а ко бхаг̇аваа бхигкуу ааманд̇зси – ‘‘саннибад̇ат̇а, бхигкавз, сан̇гхо гаммам̣ гариссад̇ий’’д̇и . звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘ад̇т̇и, бханд̇з, бхигку г̇илаано, со анааг̇ад̇о’’д̇и. ануж̇аанаами, бхигкавз, г̇илаанзна бхигкунаа чанд̣̇ам̣ д̣̇аад̇ум̣. зван̃жа бана, бхигкавз, д̣̇аад̇аб̣б̣о. д̇зна г̇илаанзна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘чанд̣̇ам̣ д̣̇амми, чанд̣̇ам̣ мз хара, чанд̣̇ам̣ мз аарожзхий’’д̇и. гааязна вин̃н̃аабзд̇и, ваажааяа вин̃н̃аабзд̇и, гааязна ваажааяа вин̃н̃аабзд̇и, д̣̇инно ход̇и чанд̣̇о. на гааязна вин̃н̃аабзд̇и, на ваажааяа вин̃н̃аабзд̇и, на гааязна ваажааяа вин̃н̃аабзд̇и, на д̣̇инно ход̇и чанд̣̇о. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, со, бхигкавз , г̇илаано бхигку ман̃жзна ваа бийтзна ваа сан̇гхамаж̇жхз аанзд̇ваа гаммам̣ гаад̇аб̣б̣ам̣. сажз, бхигкавз, г̇илаанубадтаагаанам̣ бхигкуунам̣ звам̣ ход̇и – ‘‘сажз ко маяам̣ г̇илаанам̣ таанаа жаавзссаама, ааб̣аад̇хо ваа абхивад̣дхиссад̇и гаалам̣гирияаа ваа бхависсад̇ий’’д̇и, на, бхигкавз, г̇илаано бхигку таанаа жаавзд̇аб̣б̣о. сан̇гхзна д̇ад̇т̇а г̇анд̇ваа гаммам̣ гаад̇аб̣б̣ам̣. на д̇взва ваг̇г̇зна сан̇гхзна гаммам̣ гаад̇аб̣б̣ам̣. гарзяяа жз, аабад̇д̇и д̣̇уггадасса.
165. Atha kho bhagavā bhikkhū āmantesi – ‘‘sannipatatha, bhikkhave, saṅgho kammaṃ karissatī’’ti . Evaṃ vutte aññataro bhikkhu bhagavantaṃ etadavoca – ‘‘atthi, bhante, bhikkhu gilāno, so anāgato’’ti. Anujānāmi, bhikkhave, gilānena bhikkhunā chandaṃ dātuṃ. Evañca pana, bhikkhave, dātabbo. Tena gilānena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘chandaṃ dammi, chandaṃ me hara, chandaṃ me ārocehī’’ti. Kāyena viññāpeti, vācāya viññāpeti, kāyena vācāya viññāpeti, dinno hoti chando. Na kāyena viññāpeti, na vācāya viññāpeti, na kāyena vācāya viññāpeti, na dinno hoti chando. Evañcetaṃ labhetha, iccetaṃ kusalaṃ. No ce labhetha, so, bhikkhave , gilāno bhikkhu mañcena vā pīṭhena vā saṅghamajjhe ānetvā kammaṃ kātabbaṃ. Sace, bhikkhave, gilānupaṭṭhākānaṃ bhikkhūnaṃ evaṃ hoti – ‘‘sace kho mayaṃ gilānaṃ ṭhānā cāvessāma, ābādho vā abhivaḍḍhissati kālaṃkiriyā vā bhavissatī’’ti, na, bhikkhave, gilāno bhikkhu ṭhānā cāvetabbo. Saṅghena tattha gantvā kammaṃ kātabbaṃ. Na tveva vaggena saṅghena kammaṃ kātabbaṃ. Kareyya ce, āpatti dukkaṭassa.
чанд̣̇ахаараго жз, бхигкавз, д̣̇иннз чанд̣̇з д̇ад̇т̇зва баггамад̇и, ан̃н̃асса д̣̇аад̇аб̣б̣о чанд̣̇о. чанд̣̇ахаараго жз, бхигкавз, д̣̇иннз чанд̣̇з д̇ад̇т̇зва виб̣бхамад̇и…бз… гаалам̣гарод̇и – сааман̣зро бадиж̇аанаад̇и – сигкам̣ бажжагкаад̇аго бадиж̇аанаад̇и – анд̇имавад̇т̇ум̣ аж̇жхаабаннаго бадиж̇аанаад̇и – уммад̇д̇аго бадиж̇аанаад̇и – кид̇д̇ажид̇д̇о бадиж̇аанаад̇и – взд̣̇анааддо бадиж̇аанаад̇и – аабад̇д̇ияаа ад̣̇ассанз угкид̇д̇аго бадиж̇аанаад̇и – аабад̇д̇ияаа аббадигаммз угкид̇д̇аго бадиж̇аанаад̇и – баабигааяа д̣̇идтияаа аббадиниссаг̇г̇з угкид̇д̇аго бадиж̇аанаад̇и – бан̣д̣аго бадиж̇аанаад̇и – т̇зяяасам̣ваасаго бадиж̇аанаад̇и – д̇ид̇т̇ияабагганд̇аго бадиж̇аанаад̇и – д̇иражчаанаг̇ад̇о бадиж̇аанаад̇и – маад̇угхаад̇аго бадиж̇аанаад̇и – бид̇угхаад̇аго бадиж̇аанаад̇и – араханд̇агхаад̇аго бадиж̇аанаад̇и – бхигкунид̣̇уусаго бадиж̇аанаад̇и – сан̇гхабхзд̣̇аго бадиж̇аанаад̇и – лохид̇уббаад̣̇аго бадиж̇аанаад̇и – убхад̇об̣яан̃ж̇анаго бадиж̇аанаад̇и, ан̃н̃асса д̣̇аад̇аб̣б̣о чанд̣̇о.
Chandahārako ce, bhikkhave, dinne chande tattheva pakkamati, aññassa dātabbo chando. Chandahārako ce, bhikkhave, dinne chande tattheva vibbhamati…pe… kālaṃkaroti – sāmaṇero paṭijānāti – sikkhaṃ paccakkhātako paṭijānāti – antimavatthuṃ ajjhāpannako paṭijānāti – ummattako paṭijānāti – khittacitto paṭijānāti – vedanāṭṭo paṭijānāti – āpattiyā adassane ukkhittako paṭijānāti – āpattiyā appaṭikamme ukkhittako paṭijānāti – pāpikāya diṭṭhiyā appaṭinissagge ukkhittako paṭijānāti – paṇḍako paṭijānāti – theyyasaṃvāsako paṭijānāti – titthiyapakkantako paṭijānāti – tiracchānagato paṭijānāti – mātughātako paṭijānāti – pitughātako paṭijānāti – arahantaghātako paṭijānāti – bhikkhunidūsako paṭijānāti – saṅghabhedako paṭijānāti – lohituppādako paṭijānāti – ubhatobyañjanako paṭijānāti, aññassa dātabbo chando.
чанд̣̇ахаараго жз, бхигкавз, д̣̇иннз чанд̣̇з анд̇араамаг̇г̇з баггамад̇и, анаахадо ход̇и чанд̣̇о. чанд̣̇ахаараго жз, бхигкавз, д̣̇иннз чанд̣̇з анд̇араамаг̇г̇з виб̣бхамад̇и…бз… убхад̇об̣яан̃ж̇анаго бадиж̇аанаад̇и, анаахадо ход̇и чанд̣̇о.
Chandahārako ce, bhikkhave, dinne chande antarāmagge pakkamati, anāhaṭo hoti chando. Chandahārako ce, bhikkhave, dinne chande antarāmagge vibbhamati…pe… ubhatobyañjanako paṭijānāti, anāhaṭo hoti chando.
чанд̣̇ахаараго жз, бхигкавз, д̣̇иннз чанд̣̇з сан̇гхаббад̇д̇о баггамад̇и, аахадо ход̇и чанд̣̇о. чанд̣̇ахаараго жз, бхигкавз, д̣̇иннз чанд̣̇з сан̇гхаббад̇д̇о виб̣бхамад̇и…бз… убхад̇об̣яан̃ж̇анаго бадиж̇аанаад̇и, аахадо ход̇и чанд̣̇о.
Chandahārako ce, bhikkhave, dinne chande saṅghappatto pakkamati, āhaṭo hoti chando. Chandahārako ce, bhikkhave, dinne chande saṅghappatto vibbhamati…pe… ubhatobyañjanako paṭijānāti, āhaṭo hoti chando.
чанд̣̇ахаараго жз, бхигкавз, д̣̇иннз чанд̣̇з сан̇гхаббад̇д̇о суд̇д̇о на аарожзд̇и, бамад̇д̇о на аарожзд̇и, самаабанно на аарожзд̇и, аахадо ход̇и чанд̣̇о. чанд̣̇ахаарагасса анаабад̇д̇и.
Chandahārako ce, bhikkhave, dinne chande saṅghappatto sutto na āroceti, pamatto na āroceti, samāpanno na āroceti, āhaṭo hoti chando. Chandahārakassa anāpatti.
чанд̣̇ахаараго жз, бхигкавз, д̣̇иннз чанд̣̇з сан̇гхаббад̇д̇о сан̃жижжа на аарожзд̇и, аахадо ход̇и чанд̣̇о. чанд̣̇ахаарагасса аабад̇д̇и д̣̇уггадасса. ануж̇аанаами, бхигкавз, д̇ад̣̇ахубосат̇з баарисуд̣̇д̇хим̣ д̣̇знд̇зна чанд̣̇амби д̣̇аад̇ум̣, санд̇и сан̇гхасса гаран̣ийяанд̇и.
Chandahārako ce, bhikkhave, dinne chande saṅghappatto sañcicca na āroceti, āhaṭo hoti chando. Chandahārakassa āpatti dukkaṭassa. Anujānāmi, bhikkhave, tadahuposathe pārisuddhiṃ dentena chandampi dātuṃ, santi saṅghassa karaṇīyanti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / чанд̣̇ад̣̇аанагат̇аа • Chandadānakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / чанд̣̇ад̣̇аанагат̇ааван̣н̣анаа • Chandadānakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / чанд̣̇ад̣̇аанаад̣̇игат̇ааван̣н̣анаа • Chandadānādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 88. чанд̣̇ад̣̇аанагат̇аа • 88. Chandadānakathā
