| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၈၈. ဆန္ဒဒာနကထာ
88. Chandadānakathā
၁၆၅. ဆန္ဒဒာနေပိ ဝိနိစ္ဆယော ဝေဒိတဗ္ဗောတိ ယောဇနာ။ ဥပောသထော ကတော ဟောတီတိ ပာရိသုဒ္ဓိဒာယကသ္သ စ သင္ဃသ္သ စ ဥပောသထော ကတော ဟောတိ။ အညန္တိ ဥပောသထကမ္မတော အညံ။ ယံ ပန ကမ္မန္တိ သမ္ဗန္ဓော။ ကမ္မမ္ပီတိ ဥပောသထကမ္မတော အညံ ကမ္မမ္ပိ။ ဧတ္ထ စ တဒဟုပောသထေ အတ္တနော စ သင္ဃသ္သ စ သစေ ဥပောသထကမ္မံ ဟောတိ, ပာရိသုဒ္ဓိယေဝ ဒာတဗ္ဗာ။ အထ အညံ ကမ္မံ ဟောတိ, ဆန္ဒောယေဝ ဒာတဗ္ဗော။ ယဒိ ဥပောသထကမ္မဉ္စ အညကမ္မဉ္စ ဟောတိ, ပာရိသုဒ္ဓိ စ ဆန္ဒော စ ဒာတဗ္ဗော။ တံ သန္ဓာယ ဝုတ္တံ ‘‘တဒဟုပောသထေ ပာရိသုဒ္ဓိံ ဒေန္တေန ဆန္ဒမ္ပိ ဒာတု’’န္တိ။ သီမာယ ဝာတိ ဗဒ္ဓသီမာယ ဝာ။ အစ္ဆိတုန္တိ ဥပဝေသိတုံ။ ‘‘အာသ ဥပဝေသနေ’’တိ ဟိ ဓာတုပာဌေသု (သဒ္ဒနီတိဓာတုမာလာယံ ၁၆ သကာရန္တဓာတု) ဝုတ္တံ။ သာမဂ္ဂီ ဝာတိ ကာယသာမဂ္ဂီ ဝာ။
165. Chandadānepi vinicchayo veditabboti yojanā. Uposatho kato hotīti pārisuddhidāyakassa ca saṅghassa ca uposatho kato hoti. Aññanti uposathakammato aññaṃ. Yaṃ pana kammanti sambandho. Kammampīti uposathakammato aññaṃ kammampi. Ettha ca tadahuposathe attano ca saṅghassa ca sace uposathakammaṃ hoti, pārisuddhiyeva dātabbā. Atha aññaṃ kammaṃ hoti, chandoyeva dātabbo. Yadi uposathakammañca aññakammañca hoti, pārisuddhi ca chando ca dātabbo. Taṃ sandhāya vuttaṃ ‘‘tadahuposathe pārisuddhiṃ dentena chandampi dātu’’nti. Sīmāya vāti baddhasīmāya vā. Acchitunti upavesituṃ. ‘‘Āsa upavesane’’ti hi dhātupāṭhesu (saddanītidhātumālāyaṃ 16 sakārantadhātu) vuttaṃ. Sāmaggī vāti kāyasāmaggī vā.
၁၆၇. သရတိပိ ဥပောသထံ, နပိ သရတီတိ ဧတ္ထ ပိသဒ္ဒသ္သ အနိယမဝိကပ္ပတ္ထံ ဒသ္သေတုံ ဝုတ္တံ ‘‘ဧကဒာ သရတိ, ဧကဒာ န သရတီ’’တိ။ ‘‘ဧကန္တ’’န္တိ ဣမိနာ နေဝ သရတီတိ ဧတ္ထ ဧဝသဒ္ဒသ္သ သန္နိဋ္ဌာနတ္ထံ ဒသ္သေတိ။ ကမ္မံ န ကောပေတီတိ သမ္မုတိလဒ္ဓောပိ အလဒ္ဓောပိ ဥမ္မတ္တကော ကမ္မံ န ကောပေတိ။
167.Saratipi uposathaṃ, napi saratīti ettha pisaddassa aniyamavikappatthaṃ dassetuṃ vuttaṃ ‘‘ekadā sarati, ekadā na saratī’’ti. ‘‘Ekanta’’nti iminā neva saratīti ettha evasaddassa sanniṭṭhānatthaṃ dasseti. Kammaṃ na kopetīti sammutiladdhopi aladdhopi ummattako kammaṃ na kopeti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၈၈. ဆန္ဒဒာနကထာ • 88. Chandadānakathā
၉၀. ဥမ္မတ္တကသမ္မုတိ • 90. Ummattakasammuti
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဆန္ဒဒာနကထာ • Chandadānakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဆန္ဒဒာနကထာဝဏ္ဏနာ • Chandadānakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဆန္ဒဒာနာဒိကထာဝဏ္ဏနာ • Chandadānādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဆန္ဒဒာနကထာဒိဝဏ္ဏနာ • Chandadānakathādivaṇṇanā
