| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮੮. ਛਨ੍ਦਦਾਨਕਥਾ
88. Chandadānakathā
੧੬੫. ਛਨ੍ਦਦਾਨੇਪਿ વਿਨਿਚ੍ਛਯੋ વੇਦਿਤਬ੍ਬੋਤਿ ਯੋਜਨਾ। ਉਪੋਸਥੋ ਕਤੋ ਹੋਤੀਤਿ ਪਾਰਿਸੁਦ੍ਧਿਦਾਯਕਸ੍ਸ ਚ ਸਙ੍ਘਸ੍ਸ ਚ ਉਪੋਸਥੋ ਕਤੋ ਹੋਤਿ। ਅਞ੍ਞਨ੍ਤਿ ਉਪੋਸਥਕਮ੍ਮਤੋ ਅਞ੍ਞਂ। ਯਂ ਪਨ ਕਮ੍ਮਨ੍ਤਿ ਸਮ੍ਬਨ੍ਧੋ। ਕਮ੍ਮਮ੍ਪੀਤਿ ਉਪੋਸਥਕਮ੍ਮਤੋ ਅਞ੍ਞਂ ਕਮ੍ਮਮ੍ਪਿ। ਏਤ੍ਥ ਚ ਤਦਹੁਪੋਸਥੇ ਅਤ੍ਤਨੋ ਚ ਸਙ੍ਘਸ੍ਸ ਚ ਸਚੇ ਉਪੋਸਥਕਮ੍ਮਂ ਹੋਤਿ, ਪਾਰਿਸੁਦ੍ਧਿਯੇવ ਦਾਤਬ੍ਬਾ। ਅਥ ਅਞ੍ਞਂ ਕਮ੍ਮਂ ਹੋਤਿ, ਛਨ੍ਦੋਯੇવ ਦਾਤਬ੍ਬੋ। ਯਦਿ ਉਪੋਸਥਕਮ੍ਮਞ੍ਚ ਅਞ੍ਞਕਮ੍ਮਞ੍ਚ ਹੋਤਿ, ਪਾਰਿਸੁਦ੍ਧਿ ਚ ਛਨ੍ਦੋ ਚ ਦਾਤਬ੍ਬੋ। ਤਂ ਸਨ੍ਧਾਯ વੁਤ੍ਤਂ ‘‘ਤਦਹੁਪੋਸਥੇ ਪਾਰਿਸੁਦ੍ਧਿਂ ਦੇਨ੍ਤੇਨ ਛਨ੍ਦਮ੍ਪਿ ਦਾਤੁ’’ਨ੍ਤਿ। ਸੀਮਾਯ વਾਤਿ ਬਦ੍ਧਸੀਮਾਯ વਾ। ਅਚ੍ਛਿਤੁਨ੍ਤਿ ਉਪવੇਸਿਤੁਂ। ‘‘ਆਸ ਉਪવੇਸਨੇ’’ਤਿ ਹਿ ਧਾਤੁਪਾਠੇਸੁ (ਸਦ੍ਦਨੀਤਿਧਾਤੁਮਾਲਾਯਂ ੧੬ ਸਕਾਰਨ੍ਤਧਾਤੁ) વੁਤ੍ਤਂ। ਸਾਮਗ੍ਗੀ વਾਤਿ ਕਾਯਸਾਮਗ੍ਗੀ વਾ।
165. Chandadānepi vinicchayo veditabboti yojanā. Uposatho kato hotīti pārisuddhidāyakassa ca saṅghassa ca uposatho kato hoti. Aññanti uposathakammato aññaṃ. Yaṃ pana kammanti sambandho. Kammampīti uposathakammato aññaṃ kammampi. Ettha ca tadahuposathe attano ca saṅghassa ca sace uposathakammaṃ hoti, pārisuddhiyeva dātabbā. Atha aññaṃ kammaṃ hoti, chandoyeva dātabbo. Yadi uposathakammañca aññakammañca hoti, pārisuddhi ca chando ca dātabbo. Taṃ sandhāya vuttaṃ ‘‘tadahuposathe pārisuddhiṃ dentena chandampi dātu’’nti. Sīmāya vāti baddhasīmāya vā. Acchitunti upavesituṃ. ‘‘Āsa upavesane’’ti hi dhātupāṭhesu (saddanītidhātumālāyaṃ 16 sakārantadhātu) vuttaṃ. Sāmaggī vāti kāyasāmaggī vā.
੧੬੭. ਸਰਤਿਪਿ ਉਪੋਸਥਂ, ਨਪਿ ਸਰਤੀਤਿ ਏਤ੍ਥ ਪਿਸਦ੍ਦਸ੍ਸ ਅਨਿਯਮવਿਕਪ੍ਪਤ੍ਥਂ ਦਸ੍ਸੇਤੁਂ વੁਤ੍ਤਂ ‘‘ਏਕਦਾ ਸਰਤਿ, ਏਕਦਾ ਨ ਸਰਤੀ’’ਤਿ। ‘‘ਏਕਨ੍ਤ’’ਨ੍ਤਿ ਇਮਿਨਾ ਨੇવ ਸਰਤੀਤਿ ਏਤ੍ਥ ਏવਸਦ੍ਦਸ੍ਸ ਸਨ੍ਨਿਟ੍ਠਾਨਤ੍ਥਂ ਦਸ੍ਸੇਤਿ। ਕਮ੍ਮਂ ਨ ਕੋਪੇਤੀਤਿ ਸਮ੍ਮੁਤਿਲਦ੍ਧੋਪਿ ਅਲਦ੍ਧੋਪਿ ਉਮ੍ਮਤ੍ਤਕੋ ਕਮ੍ਮਂ ਨ ਕੋਪੇਤਿ।
167.Saratipi uposathaṃ, napi saratīti ettha pisaddassa aniyamavikappatthaṃ dassetuṃ vuttaṃ ‘‘ekadā sarati, ekadā na saratī’’ti. ‘‘Ekanta’’nti iminā neva saratīti ettha evasaddassa sanniṭṭhānatthaṃ dasseti. Kammaṃ na kopetīti sammutiladdhopi aladdhopi ummattako kammaṃ na kopeti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੮੮. ਛਨ੍ਦਦਾਨਕਥਾ • 88. Chandadānakathā
੯੦. ਉਮ੍ਮਤ੍ਤਕਸਮ੍ਮੁਤਿ • 90. Ummattakasammuti
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਛਨ੍ਦਦਾਨਕਥਾ • Chandadānakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਛਨ੍ਦਦਾਨਕਥਾવਣ੍ਣਨਾ • Chandadānakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਛਨ੍ਦਦਾਨਾਦਿਕਥਾવਣ੍ਣਨਾ • Chandadānādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਛਨ੍ਦਦਾਨਕਥਾਦਿવਣ੍ਣਨਾ • Chandadānakathādivaṇṇanā
