| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੪੩. ਛਨ੍ਦਦਾਨਨਿਦ੍ਦੇਸવਣ੍ਣਨਾ
43. Chandadānaniddesavaṇṇanā
੩੯੯. ਕਮ੍ਮਪ੍ਪਤ੍ਤੇਤਿ ਉਪੋਸਥਾਦਿਨੋ ਕਮ੍ਮਸ੍ਸ ਪਤ੍ਤੇ ਯੁਤ੍ਤੇ ਅਨੁਰੂਪੇ। ਸਙ੍ਘੇ ਸਮਾਗਤੇਤਿ ਚਤੁવਗ੍ਗਾਦਿਕੇ ਸਙ੍ਘੇ ਏਕਤ੍ਥ ਸਨ੍ਨਿਪਤਿਤੇ। ਏਤ੍ਥ ਚ ਛਨ੍ਦਹਾਰਕੇਨਾਪਿ ਸਦ੍ਧਿਂ ਚਤੁવਗ੍ਗਾਦਿਕੋ વੇਦਿਤਬ੍ਬੋ।
399.Kammappatteti uposathādino kammassa patte yutte anurūpe. Saṅghe samāgateti catuvaggādike saṅghe ekattha sannipatite. Ettha ca chandahārakenāpi saddhiṃ catuvaggādiko veditabbo.
੪੦੦. ਛਨ੍ਦਦਾਨਾਦਿવਿਧਿਂ ਦਸ੍ਸੇਤੁਂ ‘‘ਏਕ’’ਨ੍ਤਿਆਦਿਮਾਹ। ਉਪਾਗਮ੍ਮਾਤਿ ਸਨ੍ਤਿਂ ਆਪਤ੍ਤਿਂ ਪਕਾਸੇਤ੍વਾ ਤਤੋ ਪਚ੍ਛਾ ਉਪਗਨ੍ਤ੍વਾ। ਛਨ੍ਦਂ ਦਦੇਤਿ વਕ੍ਖਮਾਨੇਸੁ ਤੀਸੁ ਏਕੇਨਪਿ ਬਹਿ ਉਪੋਸਥਂ ਕਤ੍વਾ ਆਗਤੋ ਛਨ੍ਦਂ ਦਦੇਯ੍ਯ, ਕੇਨਚਿ ਕਰਣੀਯੇਨ ਸਨ੍ਨਿਪਾਤਟ੍ਠਾਨਂ ਗਨ੍ਤ੍વਾ ਕਾਯਸਾਮਗ੍ਗਿਂ ਅਦੇਨ੍ਤੋ ਪਨ ਪਾਰਿਸੁਦ੍ਧਿਂ ਦੇਨ੍ਤੋ ਛਨ੍ਦਂ ਦਦੇਯ੍ਯ।
400. Chandadānādividhiṃ dassetuṃ ‘‘eka’’ntiādimāha. Upāgammāti santiṃ āpattiṃ pakāsetvā tato pacchā upagantvā. Chandaṃ dadeti vakkhamānesu tīsu ekenapi bahi uposathaṃ katvā āgato chandaṃ dadeyya, kenaci karaṇīyena sannipātaṭṭhānaṃ gantvā kāyasāmaggiṃ adento pana pārisuddhiṃ dento chandaṃ dadeyya.
੪੦੨. ਉਭਿਨ੍ਨਂ ਦਾਨੇ ਕਿਂਪਯੋਜਨਨ੍ਤਿ ਆਹ ‘‘ਪਾਰਿਸੁਦ੍ਧੀ’’ਤਿਆਦਿ। ਪਾਰਿਸੁਦ੍ਧਿਪ੍ਪਦਾਨੇਨ ਸਙ੍ਘਸ੍ਸ ਅਤ੍ਤਨੋ ਚਾਪਿ ਉਪੋਸਥਂ ਸਮ੍ਪਾਦੇਤੀਤਿ ਸਮ੍ਬਨ੍ਧੋ। ਪਰਿਸੁਦ੍ਧਿ ਏવ ਪਾਰਿਸੁਦ੍ਧਿ, ਤਸ੍ਸ ਪਦਾਨਂ, ਤੇਨ। ਨਨੁ ਚ ਪਾਰਿਸੁਦ੍ਧਿਤਾਪਦਾਨਮਤ੍ਤਮੇવ ਉਪੋਸਥਕਮ੍ਮਂ ਨਾਮਾਤਿ ਪਾਰਿਸੁਦ੍ਧਿਪ੍ਪਦਾਨਂ ਅਤ੍ਤਨੋ ਉਪੋਸਥਂ ਸਮ੍ਪਾਦੇਤੁ, ਕਥਂ ਸਙ੍ਘਸ੍ਸਾਤਿ? વੁਚ੍ਚਤੇ – ਪਾਰਿਸੁਦ੍ਧਿਦਾਨਸ੍ਸ ਧਮ੍ਮਕਮ੍ਮਤਾਸਮ੍ਪਾਦਨੇਨ ਸਙ੍ਘਸ੍ਸਾਪਿ ਉਪੋਸਥਂ ਸਮ੍ਪਾਦੇਤੀਤਿ।
402. Ubhinnaṃ dāne kiṃpayojananti āha ‘‘pārisuddhī’’tiādi. Pārisuddhippadānena saṅghassa attano cāpi uposathaṃ sampādetīti sambandho. Parisuddhi eva pārisuddhi, tassa padānaṃ, tena. Nanu ca pārisuddhitāpadānamattameva uposathakammaṃ nāmāti pārisuddhippadānaṃ attano uposathaṃ sampādetu, kathaṃ saṅghassāti? Vuccate – pārisuddhidānassa dhammakammatāsampādanena saṅghassāpi uposathaṃ sampādetīti.
ਏਤ੍ਥ ਪਨ ਚਤੂਸੁ ਏਕਸ੍ਸ ਛਨ੍ਦਪਾਰਿਸੁਦ੍ਧਿਂ ਆਹਰਿਤ੍વਾ ਤਯੋ ਪਾਰਿਸੁਦ੍ਧਿਉਪੋਸਥਂ ਕਰੋਨ੍ਤਿ, ਤੀਸੁ વਾ ਏਕਸ੍ਸ ਛਨ੍ਦਪਾਰਿਸੁਦ੍ਧਿਂ ਆਹਰਿਤ੍વਾ ਦ੍વੇ ਪਾਤਿਮੋਕ੍ਖਂ ਉਦ੍ਦਿਸਨ੍ਤਿ, ਅਧਮ੍ਮੇਨ વਗ੍ਗਂ ਉਪੋਸਥਕਮ੍ਮਂ। ਚਤ੍ਤਾਰੋ ਪਾਰਿਸੁਦ੍ਧਿਉਪੋਸਥਂ ਕਰੋਨ੍ਤਿ, ਤਯੋ વਾ ਦ੍વੇ વਾ ਪਾਤਿਮੋਕ੍ਖਂ ਉਦ੍ਦਿਸਨ੍ਤਿ, ਅਧਮ੍ਮੇਨ ਸਮਗ੍ਗਂ। ਚਤੂਸੁ ਏਕਸ੍ਸ ਆਹਰਿਤ੍વਾ ਤਯੋ ਪਾਤਿਮੋਕ੍ਖਂ ਉਦ੍ਦਿਸਨ੍ਤਿ, ਤੀਸੁ વਾ ਏਕਸ੍ਸ ਆਹਰਿਤ੍વਾ ਦ੍વੇ ਪਾਰਿਸੁਦ੍ਧਿਉਪੋਸਥਂ ਕਰੋਨ੍ਤਿ, ਧਮ੍ਮੇਨ વਗ੍ਗਂ। ਸਚੇ ਪਨ ਚਤ੍ਤਾਰੋ ਸਨ੍ਨਿਪਤਿਤ੍વਾ ਪਾਤਿਮੋਕ੍ਖਂ ਉਦ੍ਦਿਸਨ੍ਤਿ, ਤਯੋ ਪਾਰਿਸੁਦ੍ਧਿਉਪੋਸਥਂ, ਦ੍વੇ ਅਞ੍ਞਮਞ੍ਞਂ ਪਾਰਿਸੁਦ੍ਧਿਉਪੋਸਥਂ ਕਰੋਨ੍ਤਿ, ਧਮ੍ਮੇਨ ਸਮਗ੍ਗਂ। ਪવਾਰਣਕਮ੍ਮੇਸੁਪਿ ਪਞ੍ਚਸੁ ਏਕਸ੍ਸ ਪવਾਰਣਂ ਆਹਰਿਤ੍વਾ ਚਤ੍ਤਾਰੋ ਗਣਞਤ੍ਤਿਂ ਠਪੇਤ੍વਾ ਪવਾਰੇਨ੍ਤਿ, ਚਤੂਸੁ ਤੀਸੁ વਾ ਏਕਸ੍ਸ ਆਹਰਿਤ੍વਾ ਤਯੋ ਦ੍વੇ વਾ ਸਙ੍ਘਞਤ੍ਤਿਂ ਠਪੇਤ੍વਾ ਪવਾਰੇਨ੍ਤਿ, ਅਧਮ੍ਮੇਨ વਗ੍ਗਂ ਪવਾਰਣਕਮ੍ਮਨ੍ਤਿਆਦਿ વੁਤ੍ਤਨਯਮੇવ। ਸੇਸਕਮ੍ਮਂ વਿਬਾਧਤੀਤਿ ਅવਸੇਸਸਙ੍ਘਕਿਚ੍ਚਂ વਿਬਾਧੇਤਿ ਅਲਦ੍ਧਾਧਿਪ੍ਪਾਯਤ੍ਤਾਤਿ ਅਧਿਪ੍ਪਾਯੋ।
Ettha pana catūsu ekassa chandapārisuddhiṃ āharitvā tayo pārisuddhiuposathaṃ karonti, tīsu vā ekassa chandapārisuddhiṃ āharitvā dve pātimokkhaṃ uddisanti, adhammena vaggaṃ uposathakammaṃ. Cattāro pārisuddhiuposathaṃ karonti, tayo vā dve vā pātimokkhaṃ uddisanti, adhammena samaggaṃ. Catūsu ekassa āharitvā tayo pātimokkhaṃ uddisanti, tīsu vā ekassa āharitvā dve pārisuddhiuposathaṃ karonti, dhammena vaggaṃ. Sace pana cattāro sannipatitvā pātimokkhaṃ uddisanti, tayo pārisuddhiuposathaṃ, dve aññamaññaṃ pārisuddhiuposathaṃ karonti, dhammena samaggaṃ. Pavāraṇakammesupi pañcasu ekassa pavāraṇaṃ āharitvā cattāro gaṇañattiṃ ṭhapetvā pavārenti, catūsu tīsu vā ekassa āharitvā tayo dve vā saṅghañattiṃ ṭhapetvā pavārenti, adhammena vaggaṃ pavāraṇakammantiādi vuttanayameva. Sesakammaṃ vibādhatīti avasesasaṅghakiccaṃ vibādheti aladdhādhippāyattāti adhippāyo.
੪੦੩. ਦ੍વਯਨ੍ਤਿ ਉਪੋਸਥਕਰਣਞ੍ਚੇવ ਅવਸੇਸਕਿਚ੍ਚਞ੍ਚ। ਅਤ੍ਤਨੋ ਨ ਸਾਧੇਤੀਤਿ ਸਮ੍ਬਨ੍ਧਨੀਯਂ।
403.Dvayanti uposathakaraṇañceva avasesakiccañca. Attano na sādhetīti sambandhanīyaṃ.
੪੦੪. ਹਰੇਯ੍ਯਾਤਿ ਪੁਬ੍ਬੇ વੁਤ੍ਤਂ ਸੁਦ੍ਧਿਕਛਨ੍ਦਂ વਾ ਇਮਂ વਾ ਛਨ੍ਦਪਾਰਿਸੁਦ੍ਧਿਂ ਹਰੇਯ੍ਯ। ਪਰਮ੍ਪਰਾ ਨ ਹਾਰਯੇਤਿ ਪਰਮ੍ਪਰਾ ਨ ਆਹਰੇਯ੍ਯ। ਕਸ੍ਮਾਤਿ ਆਹ ‘‘ਪਰਮ੍ਪਰਾਹਟਾ’’ਤਿਆਦਿ। ਤੇਨਾਤਿ ਪਠਮਤੋ ਗਹਿਤਛਨ੍ਦਪਾਰਿਸੁਦ੍ਧਿਕੇਨ। ਪਰਮ੍ਪਰਾਹਟਾਤਿ ਯਥਾ ਬਿਲ਼ਾਲਸਙ੍ਖਲਿਕਾਯ ਪਠਮਂ વਲਯਂ ਦੁਤਿਯਂ ਪਾਪੁਣਾਤਿ, ਤਤਿਯਂ ਨ ਪਾਪੁਣਾਤਿ, ਏવਂ ਦੁਤਿਯਸ੍ਸ ਆਗਚ੍ਛਤਿ, ਤਤਿਯਸ੍ਸ ਨ ਆਗਚ੍ਛਤਿ। ‘‘ਪਰਿਮ੍ਪਰਾਹਟਾ ਛਨ੍ਦ-ਪਾਰਿਸੁਦ੍ਧਿ ਨ ਗਚ੍ਛਤੀ’’ਤਿ વਾ ਪਾਠੋ।
404.Hareyyāti pubbe vuttaṃ suddhikachandaṃ vā imaṃ vā chandapārisuddhiṃ hareyya. Paramparā na hārayeti paramparā na āhareyya. Kasmāti āha ‘‘paramparāhaṭā’’tiādi. Tenāti paṭhamato gahitachandapārisuddhikena. Paramparāhaṭāti yathā biḷālasaṅkhalikāya paṭhamaṃ valayaṃ dutiyaṃ pāpuṇāti, tatiyaṃ na pāpuṇāti, evaṃ dutiyassa āgacchati, tatiyassa na āgacchati. ‘‘Parimparāhaṭā chanda-pārisuddhi na gacchatī’’ti vā pāṭho.
੪੦੫. ਸਬ੍ਬੂਪਚਾਰਨ੍ਤਿ ‘‘ਏਕਂਸਂ ਚੀવਰਂ ਕਤ੍વਾ’’ ਤਿਆਦਿ ਸਬ੍ਬਂ ਉਪਚਾਰਂ।
405.Sabbūpacāranti ‘‘ekaṃsaṃ cīvaraṃ katvā’’ tiādi sabbaṃ upacāraṃ.
੪੦੬. ਸੋ ਆਗਤੋ ਆਰੋਚੇਤ੍વਾ ਸਙ੍ਘਂ ਪવਾਰੇਯ੍ਯਾਤਿ ਯੋਜਨਾ। ਅਥਾਤਿ ਅਨਨ੍ਤਰਤ੍ਥੇ। ਆਗਤੋਤਿ ਪવਾਰਣਂ ਗਹੇਤ੍વਾ ਆਗਤੋ ਭਿਕ੍ਖੁ। ਆਰੋਚੇਤ੍વਾਤਿ ਭਿਕ੍ਖੁਸਙ੍ਘਸ੍ਸ ਆਰੋਚੇਤ੍વਾ। ਏવਨ੍ਤਿ વਕ੍ਖਮਾਨਕ੍ਕਮੇਨ।
406. So āgato ārocetvā saṅghaṃ pavāreyyāti yojanā. Athāti anantaratthe. Āgatoti pavāraṇaṃ gahetvā āgato bhikkhu. Ārocetvāti bhikkhusaṅghassa ārocetvā. Evanti vakkhamānakkamena.
੪੦੭-੮. ਗਹੇਤ੍વਾ ਹਾਰਕੋਤਿ ਸਮ੍ਬਨ੍ਧੋ। ਨਾਹਟਾਤਿ ਆਹਟਾવ ਨ ਹੋਤੀਤਿ ਅਤ੍ਥੋ। ਹਾਰਕੋ ਸਙ੍ਘਂ ਪਤ੍વਾ ਤਥਾ ਹੇਯ੍ਯ, ਆਹਟਾ ਹੋਤੀਤਿ ਯੋਜਨਾ। ਤਥਾ ਹੇਯ੍ਯਾਤਿ વਿਬ੍ਭਨ੍ਤਾਦਿਕੋ ਭવੇਯ੍ਯ।
407-8. Gahetvā hārakoti sambandho. Nāhaṭāti āhaṭāva na hotīti attho. Hārako saṅghaṃ patvā tathā heyya, āhaṭā hotīti yojanā. Tathā heyyāti vibbhantādiko bhaveyya.
੪੦੯. ਸਙ੍ਘਂ ਪਤ੍ਤੋ ਪਮਤ੍ਤੋ વਾ ਸੁਤ੍ਤੋ વਾ ਨਾਰੋਚਯੇਯ੍ਯ ਅਨਾਪਤ੍ਤਿ ਚਾਤਿ ਸਮ੍ਬਨ੍ਧੋ। ਚ-ਸਦ੍ਦੋ ਛਨ੍ਦਪਾਰਿਸੁਦ੍ਧਿਹਰਣਂ ਸਮ੍ਪਿਣ੍ਡੇਤੀਤਿ।
409. Saṅghaṃ patto pamatto vā sutto vā nārocayeyya anāpatti cāti sambandho. Ca-saddo chandapārisuddhiharaṇaṃ sampiṇḍetīti.
ਛਨ੍ਦਦਾਨਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Chandadānaniddesavaṇṇanā niṭṭhitā.
