| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
10. ச²ந்த³ங்அத³த்வாக³மனஸிக்கா²பத³வண்ணனா
10. Chandaṃadatvāgamanasikkhāpadavaṇṇanā
ஆரோசிதங் வத்து² அவினிச்சி²தந்தி ஆரோசிதவத்து² ஆபத்திகபா⁴வேன ந வினிச்சி²தங். எத்த² ச சோத³கேன ச சுதி³தகேன ச அத்தனோ கதா² கதி²தா, அனுவிஜ்ஜகோ ஸம்மதோ, எத்தாவதா வத்து²மேவ ஆரோசிதங் ஹோதீதி த³ட்ட²ப்³ப³ங். ச²ந்த³ங் அத³த்வா உட்டா²யாஸனா பக்கமெய்யாதி ‘‘கத²ங் இத³ங் கம்மங் குப்பங் அஸ்ஸ, வக்³க³ங் அஸ்ஸ, ந கரெய்யா’’தி (பாசி॰ 481) இமினா அதி⁴ப்பாயேன ச²ந்த³ங் அத³த்வா நிஸின்னாஸனதோ உட்டா²ய க³ச்செ²ய்ய. தேனாஹ ‘‘யோ பி⁴க்கூ²’’திஆதி³. கிரியாகிரியந்தி எத்த² க³மனங் கிரியங், ச²ந்த³ஸ்ஸ அதா³னங் அகிரியங்.
Ārocitaṃ vatthu avinicchitanti ārocitavatthu āpattikabhāvena na vinicchitaṃ. Ettha ca codakena ca cuditakena ca attano kathā kathitā, anuvijjako sammato, ettāvatā vatthumeva ārocitaṃ hotīti daṭṭhabbaṃ. Chandaṃ adatvā uṭṭhāyāsanā pakkameyyāti ‘‘kathaṃ idaṃ kammaṃ kuppaṃ assa, vaggaṃ assa, na kareyyā’’ti (pāci. 481) iminā adhippāyena chandaṃ adatvā nisinnāsanato uṭṭhāya gaccheyya. Tenāha ‘‘yo bhikkhū’’tiādi. Kiriyākiriyanti ettha gamanaṃ kiriyaṃ, chandassa adānaṃ akiriyaṃ.
ச²ந்த³ங்அத³த்வாக³மனஸிக்கா²பத³வண்ணனா நிட்டி²தா.
Chandaṃadatvāgamanasikkhāpadavaṇṇanā niṭṭhitā.
