| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၁၀. ဆန္ဒံအဒတ္ဝာဂမနသိက္ခာပဒဝဏ္ဏနာ
10. Chandaṃadatvāgamanasikkhāpadavaṇṇanā
အာရောစိတံ ဝတ္ထု အဝိနိစ္ဆိတန္တိ အာရောစိတဝတ္ထု အာပတ္တိကဘာဝေန န ဝိနိစ္ဆိတံ။ ဧတ္ထ စ စောဒကေန စ စုဒိတကေန စ အတ္တနော ကထာ ကထိတာ, အနုဝိဇ္ဇကော သမ္မတော, ဧတ္တာဝတာ ဝတ္ထုမေဝ အာရောစိတံ ဟောတီတိ ဒဋ္ဌဗ္ဗံ။ ဆန္ဒံ အဒတ္ဝာ ဥဋ္ဌာယာသနာ ပက္ကမေယ္ယာတိ ‘‘ကထံ ဣဒံ ကမ္မံ ကုပ္ပံ အသ္သ, ဝဂ္ဂံ အသ္သ, န ကရေယ္ယာ’’တိ (ပာစိ. ၄၈၁) ဣမိနာ အဓိပ္ပာယေန ဆန္ဒံ အဒတ္ဝာ နိသိန္နာသနတော ဥဋ္ဌာယ ဂစ္ဆေယ္ယ။ တေနာဟ ‘‘ယော ဘိက္ခူ’’တိအာဒိ။ ကိရိယာကိရိယန္တိ ဧတ္ထ ဂမနံ ကိရိယံ, ဆန္ဒသ္သ အဒာနံ အကိရိယံ။
Ārocitaṃ vatthu avinicchitanti ārocitavatthu āpattikabhāvena na vinicchitaṃ. Ettha ca codakena ca cuditakena ca attano kathā kathitā, anuvijjako sammato, ettāvatā vatthumeva ārocitaṃ hotīti daṭṭhabbaṃ. Chandaṃ adatvā uṭṭhāyāsanā pakkameyyāti ‘‘kathaṃ idaṃ kammaṃ kuppaṃ assa, vaggaṃ assa, na kareyyā’’ti (pāci. 481) iminā adhippāyena chandaṃ adatvā nisinnāsanato uṭṭhāya gaccheyya. Tenāha ‘‘yo bhikkhū’’tiādi. Kiriyākiriyanti ettha gamanaṃ kiriyaṃ, chandassa adānaṃ akiriyaṃ.
ဆန္ဒံအဒတ္ဝာဂမနသိက္ခာပဒဝဏ္ဏနာ နိဋ္ဌိတာ။
Chandaṃadatvāgamanasikkhāpadavaṇṇanā niṭṭhitā.
