| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೧೦. ಛನ್ದಂಅದತ್ವಾಗಮನಸಿಕ್ಖಾಪದವಣ್ಣನಾ
10. Chandaṃadatvāgamanasikkhāpadavaṇṇanā
ಆರೋಚಿತಂ ವತ್ಥು ಅವಿನಿಚ್ಛಿತನ್ತಿ ಆರೋಚಿತವತ್ಥು ಆಪತ್ತಿಕಭಾವೇನ ನ ವಿನಿಚ್ಛಿತಂ। ಏತ್ಥ ಚ ಚೋದಕೇನ ಚ ಚುದಿತಕೇನ ಚ ಅತ್ತನೋ ಕಥಾ ಕಥಿತಾ, ಅನುವಿಜ್ಜಕೋ ಸಮ್ಮತೋ, ಏತ್ತಾವತಾ ವತ್ಥುಮೇವ ಆರೋಚಿತಂ ಹೋತೀತಿ ದಟ್ಠಬ್ಬಂ। ಛನ್ದಂ ಅದತ್ವಾ ಉಟ್ಠಾಯಾಸನಾ ಪಕ್ಕಮೇಯ್ಯಾತಿ ‘‘ಕಥಂ ಇದಂ ಕಮ್ಮಂ ಕುಪ್ಪಂ ಅಸ್ಸ, ವಗ್ಗಂ ಅಸ್ಸ, ನ ಕರೇಯ್ಯಾ’’ತಿ (ಪಾಚಿ॰ ೪೮೧) ಇಮಿನಾ ಅಧಿಪ್ಪಾಯೇನ ಛನ್ದಂ ಅದತ್ವಾ ನಿಸಿನ್ನಾಸನತೋ ಉಟ್ಠಾಯ ಗಚ್ಛೇಯ್ಯ। ತೇನಾಹ ‘‘ಯೋ ಭಿಕ್ಖೂ’’ತಿಆದಿ। ಕಿರಿಯಾಕಿರಿಯನ್ತಿ ಏತ್ಥ ಗಮನಂ ಕಿರಿಯಂ, ಛನ್ದಸ್ಸ ಅದಾನಂ ಅಕಿರಿಯಂ।
Ārocitaṃ vatthu avinicchitanti ārocitavatthu āpattikabhāvena na vinicchitaṃ. Ettha ca codakena ca cuditakena ca attano kathā kathitā, anuvijjako sammato, ettāvatā vatthumeva ārocitaṃ hotīti daṭṭhabbaṃ. Chandaṃ adatvā uṭṭhāyāsanā pakkameyyāti ‘‘kathaṃ idaṃ kammaṃ kuppaṃ assa, vaggaṃ assa, na kareyyā’’ti (pāci. 481) iminā adhippāyena chandaṃ adatvā nisinnāsanato uṭṭhāya gaccheyya. Tenāha ‘‘yo bhikkhū’’tiādi. Kiriyākiriyanti ettha gamanaṃ kiriyaṃ, chandassa adānaṃ akiriyaṃ.
ಛನ್ದಂಅದತ್ವಾಗಮನಸಿಕ್ಖಾಪದವಣ್ಣನಾ ನಿಟ್ಠಿತಾ।
Chandaṃadatvāgamanasikkhāpadavaṇṇanā niṭṭhitā.
