| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༡༠. ཚནྡཾཨདཏྭཱགམནསིཀྑཱཔདཝཎྞནཱ
10. Chandaṃadatvāgamanasikkhāpadavaṇṇanā
ཨཱརོཙིཏཾ ཝཏྠུ ཨཝིནིཙྪིཏནྟི ཨཱརོཙིཏཝཏྠུ ཨཱཔཏྟིཀབྷཱཝེན ན ཝིནིཙྪིཏཾ། ཨེཏྠ ཙ ཙོདཀེན ཙ ཙུདིཏཀེན ཙ ཨཏྟནོ ཀཐཱ ཀཐིཏཱ, ཨནུཝིཛྫཀོ སམྨཏོ, ཨེཏྟཱཝཏཱ ཝཏྠུམེཝ ཨཱརོཙིཏཾ ཧོཏཱིཏི དཊྛབྦཾ། ཚནྡཾ ཨདཏྭཱ ཨུཊྛཱཡཱསནཱ པཀྐམེཡྻཱཏི ‘‘ཀཐཾ ཨིདཾ ཀམྨཾ ཀུཔྤཾ ཨསྶ, ཝགྒཾ ཨསྶ, ན ཀརེཡྻཱ’’ཏི (པཱཙི॰ ༤༨༡) ཨིམིནཱ ཨདྷིཔྤཱཡེན ཚནྡཾ ཨདཏྭཱ ནིསིནྣཱསནཏོ ཨུཊྛཱཡ གཙྪེཡྻ། ཏེནཱཧ ‘‘ཡོ བྷིཀྑཱུ’’ཏིཨཱདི། ཀིརིཡཱཀིརིཡནྟི ཨེཏྠ གམནཾ ཀིརིཡཾ, ཚནྡསྶ ཨདཱནཾ ཨཀིརིཡཾ།
Ārocitaṃ vatthu avinicchitanti ārocitavatthu āpattikabhāvena na vinicchitaṃ. Ettha ca codakena ca cuditakena ca attano kathā kathitā, anuvijjako sammato, ettāvatā vatthumeva ārocitaṃ hotīti daṭṭhabbaṃ. Chandaṃ adatvā uṭṭhāyāsanā pakkameyyāti ‘‘kathaṃ idaṃ kammaṃ kuppaṃ assa, vaggaṃ assa, na kareyyā’’ti (pāci. 481) iminā adhippāyena chandaṃ adatvā nisinnāsanato uṭṭhāya gaccheyya. Tenāha ‘‘yo bhikkhū’’tiādi. Kiriyākiriyanti ettha gamanaṃ kiriyaṃ, chandassa adānaṃ akiriyaṃ.
ཚནྡཾཨདཏྭཱགམནསིཀྑཱཔདཝཎྞནཱ ནིཊྛིཏཱ།
Chandaṃadatvāgamanasikkhāpadavaṇṇanā niṭṭhitā.
