| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੧੦. ਛਨ੍ਦਂਅਦਤ੍વਾਗਮਨਸਿਕ੍ਖਾਪਦવਣ੍ਣਨਾ
10. Chandaṃadatvāgamanasikkhāpadavaṇṇanā
ਆਰੋਚਿਤਂ વਤ੍ਥੁ ਅવਿਨਿਚ੍ਛਿਤਨ੍ਤਿ ਆਰੋਚਿਤવਤ੍ਥੁ ਆਪਤ੍ਤਿਕਭਾવੇਨ ਨ વਿਨਿਚ੍ਛਿਤਂ। ਏਤ੍ਥ ਚ ਚੋਦਕੇਨ ਚ ਚੁਦਿਤਕੇਨ ਚ ਅਤ੍ਤਨੋ ਕਥਾ ਕਥਿਤਾ, ਅਨੁવਿਜ੍ਜਕੋ ਸਮ੍ਮਤੋ, ਏਤ੍ਤਾવਤਾ વਤ੍ਥੁਮੇવ ਆਰੋਚਿਤਂ ਹੋਤੀਤਿ ਦਟ੍ਠਬ੍ਬਂ। ਛਨ੍ਦਂ ਅਦਤ੍વਾ ਉਟ੍ਠਾਯਾਸਨਾ ਪਕ੍ਕਮੇਯ੍ਯਾਤਿ ‘‘ਕਥਂ ਇਦਂ ਕਮ੍ਮਂ ਕੁਪ੍ਪਂ ਅਸ੍ਸ, વਗ੍ਗਂ ਅਸ੍ਸ, ਨ ਕਰੇਯ੍ਯਾ’’ਤਿ (ਪਾਚਿ॰ ੪੮੧) ਇਮਿਨਾ ਅਧਿਪ੍ਪਾਯੇਨ ਛਨ੍ਦਂ ਅਦਤ੍વਾ ਨਿਸਿਨ੍ਨਾਸਨਤੋ ਉਟ੍ਠਾਯ ਗਚ੍ਛੇਯ੍ਯ। ਤੇਨਾਹ ‘‘ਯੋ ਭਿਕ੍ਖੂ’’ਤਿਆਦਿ। ਕਿਰਿਯਾਕਿਰਿਯਨ੍ਤਿ ਏਤ੍ਥ ਗਮਨਂ ਕਿਰਿਯਂ, ਛਨ੍ਦਸ੍ਸ ਅਦਾਨਂ ਅਕਿਰਿਯਂ।
Ārocitaṃ vatthu avinicchitanti ārocitavatthu āpattikabhāvena na vinicchitaṃ. Ettha ca codakena ca cuditakena ca attano kathā kathitā, anuvijjako sammato, ettāvatā vatthumeva ārocitaṃ hotīti daṭṭhabbaṃ. Chandaṃ adatvā uṭṭhāyāsanā pakkameyyāti ‘‘kathaṃ idaṃ kammaṃ kuppaṃ assa, vaggaṃ assa, na kareyyā’’ti (pāci. 481) iminā adhippāyena chandaṃ adatvā nisinnāsanato uṭṭhāya gaccheyya. Tenāha ‘‘yo bhikkhū’’tiādi. Kiriyākiriyanti ettha gamanaṃ kiriyaṃ, chandassa adānaṃ akiriyaṃ.
ਛਨ੍ਦਂਅਦਤ੍વਾਗਮਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Chandaṃadatvāgamanasikkhāpadavaṇṇanā niṭṭhitā.
