| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. ச²ந்த³ராக³ஸுத்தங்
9. Chandarāgasuttaṃ
168. ஸாவத்தி²னிதா³னங். ஏகமந்தங் நிஸின்னங் கோ² ஆயஸ்மந்தங் ராத⁴ங் ப⁴க³வா ஏதத³வோச – ‘‘ரூபே கோ², ராத⁴, யோ ச²ந்தோ³ யோ ராகோ³ யா நந்தீ³ யா தண்ஹா, தங் பஜஹத². ஏவங் தங் ரூபங் பஹீனங் ப⁴விஸ்ஸதி உச்சி²ன்னமூலங் தாலாவத்து²கதங் அனபா⁴வங்கதங் ஆயதிங் அனுப்பாத³த⁴ம்மங். வேத³னாய யோ ச²ந்தோ³ யோ ராகோ³ யா நந்தீ³ யா தண்ஹா, தங் பஜஹத² . ஏவங் ஸா வேத³னா பஹீனா ப⁴விஸ்ஸதி உச்சி²ன்னமூலா தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா. ஸஞ்ஞாய… ஸங்கா²ரேஸு யோ ச²ந்தோ³ யோ ராகோ³ யா நந்தீ³ யா தண்ஹா, தங் பஜஹத². ஏவங் தே ஸங்கா²ரா பஹீனா ப⁴விஸ்ஸந்தி உச்சி²ன்னமூலா தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா. விஞ்ஞாணே யோ ச²ந்தோ³ யோ ராகோ³ யா நந்தீ³ யா தண்ஹா, தங் பஜஹத². ஏவங் தங் விஞ்ஞாணங் பஹீனங் ப⁴விஸ்ஸதி…பே॰… அனுப்பாத³த⁴ம்ம’’ந்தி. நவமங்.
168. Sāvatthinidānaṃ. Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘rūpe kho, rādha, yo chando yo rāgo yā nandī yā taṇhā, taṃ pajahatha. Evaṃ taṃ rūpaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhammaṃ. Vedanāya yo chando yo rāgo yā nandī yā taṇhā, taṃ pajahatha . Evaṃ sā vedanā pahīnā bhavissati ucchinnamūlā tālāvatthukatā anabhāvaṃkatā āyatiṃ anuppādadhammā. Saññāya… saṅkhāresu yo chando yo rāgo yā nandī yā taṇhā, taṃ pajahatha. Evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā. Viññāṇe yo chando yo rāgo yā nandī yā taṇhā, taṃ pajahatha. Evaṃ taṃ viññāṇaṃ pahīnaṃ bhavissati…pe… anuppādadhamma’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-10. ஸத்தஸுத்தாதி³வண்ணனா • 2-10. Sattasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-10. ஸத்தஸுத்தாதி³வண்ணனா • 2-10. Sattasuttādivaṇṇanā
