| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. чанд̣̇асамаад̇хисуд̇д̇ам̣
3. Chandasamādhisuttaṃ
825. ‘‘чанд̣̇ам̣ жз, бхигкавз, бхигку ниссааяа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣ – аяам̣ вужжад̇и чанд̣̇асамаад̇хи. со ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. имз вужжанд̇и ‘бад̇хаанасан̇каараа’д̇и. ид̇и аяан̃жа чанд̣̇о, аяан̃жа чанд̣̇асамаад̇хи, имз жа бад̇хаанасан̇каараа – аяам̣ вужжад̇и, бхигкавз, ‘чанд̣̇асамаад̇хиббад̇хаанасан̇каарасаманнааг̇ад̇о ид̣̇д̇хибаад̣̇о’’’.
825. ‘‘Chandaṃ ce, bhikkhave, bhikkhu nissāya labhati samādhiṃ, labhati cittassa ekaggataṃ – ayaṃ vuccati chandasamādhi. So anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati. Uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati. Anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati. Uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Ime vuccanti ‘padhānasaṅkhārā’ti. Iti ayañca chando, ayañca chandasamādhi, ime ca padhānasaṅkhārā – ayaṃ vuccati, bhikkhave, ‘chandasamādhippadhānasaṅkhārasamannāgato iddhipādo’’’.
‘‘вийрияам̣ жз, бхигкавз, бхигку ниссааяа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣ – аяам̣ вужжад̇и ‘вийрияасамаад̇хи’. со ануббаннаанам̣…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. имз вужжанд̇и ‘бад̇хаанасан̇каараа’д̇и. ид̇и ид̣̇ан̃жа вийрияам̣, аяан̃жа вийрияасамаад̇хи, имз жа бад̇хаанасан̇каараа – аяам̣ вужжад̇и, бхигкавз, ‘вийрияасамаад̇хиббад̇хаанасан̇каарасаманнааг̇ад̇о ид̣̇д̇хибаад̣̇о’’’.
‘‘Vīriyaṃ ce, bhikkhave, bhikkhu nissāya labhati samādhiṃ, labhati cittassa ekaggataṃ – ayaṃ vuccati ‘vīriyasamādhi’. So anuppannānaṃ…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Ime vuccanti ‘padhānasaṅkhārā’ti. Iti idañca vīriyaṃ, ayañca vīriyasamādhi, ime ca padhānasaṅkhārā – ayaṃ vuccati, bhikkhave, ‘vīriyasamādhippadhānasaṅkhārasamannāgato iddhipādo’’’.
‘‘жид̇д̇ам̣ жз, бхигкавз, бхигку ниссааяа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣ – аяам̣ вужжад̇и ‘жид̇д̇асамаад̇хи’. со ануббаннаанам̣ баабагаанам̣…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. имз вужжанд̇и ‘бад̇хаанасан̇каараа’д̇и. ид̇и ид̣̇ан̃жа жид̇д̇ам̣, аяан̃жа жид̇д̇асамаад̇хи, имз жа бад̇хаанасан̇каараа – аяам̣ вужжад̇и, бхигкавз, ‘жид̇д̇асамаад̇хиббад̇хаанасан̇каарасаманнааг̇ад̇о ид̣̇д̇хибаад̣̇о’’’.
‘‘Cittaṃ ce, bhikkhave, bhikkhu nissāya labhati samādhiṃ, labhati cittassa ekaggataṃ – ayaṃ vuccati ‘cittasamādhi’. So anuppannānaṃ pāpakānaṃ…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Ime vuccanti ‘padhānasaṅkhārā’ti. Iti idañca cittaṃ, ayañca cittasamādhi, ime ca padhānasaṅkhārā – ayaṃ vuccati, bhikkhave, ‘cittasamādhippadhānasaṅkhārasamannāgato iddhipādo’’’.
‘‘виймам̣сам̣ жз, бхигкавз, бхигку ниссааяа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣ – аяам̣ вужжад̇и ‘виймам̣саасамаад̇хи’. со ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. имз вужжанд̇и ‘бад̇хаанасан̇каараа’д̇и . ид̇и аяан̃жа виймам̣саа, аяан̃жа виймам̣саасамаад̇хи, имз жа бад̇хаанасан̇каараа – аяам̣ вужжад̇и, бхигкавз, ‘виймам̣саасамаад̇хиббад̇хаанасан̇каарасаманнааг̇ад̇о ид̣̇д̇хибаад̣̇о’’’д̇и. д̇ад̇ияам̣.
‘‘Vīmaṃsaṃ ce, bhikkhave, bhikkhu nissāya labhati samādhiṃ, labhati cittassa ekaggataṃ – ayaṃ vuccati ‘vīmaṃsāsamādhi’. So anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Ime vuccanti ‘padhānasaṅkhārā’ti . Iti ayañca vīmaṃsā, ayañca vīmaṃsāsamādhi, ime ca padhānasaṅkhārā – ayaṃ vuccati, bhikkhave, ‘vīmaṃsāsamādhippadhānasaṅkhārasamannāgato iddhipādo’’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. чанд̣̇асамаад̇хисуд̇д̇аван̣н̣анаа • 3. Chandasamādhisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. чанд̣̇асамаад̇хисуд̇д̇аван̣н̣анаа • 3. Chandasamādhisuttavaṇṇanā
