| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. чанд̣̇асамаад̇хисуд̇д̇аван̣н̣анаа
3. Chandasamādhisuttavaṇṇanā
825. яо самаад̇хисса ниссаяабхууд̇о чанд̣̇о, со ид̇хаад̇хиббзд̇од̇и ааха ‘‘чанд̣̇анд̇и гад̇д̇угамяад̇аачанд̣̇а’’нд̇и. д̇асса жа ад̇хибад̇зяяадто ниссаяадто, на винаа д̇ам̣ чанд̣̇ам̣ ниссааяаад̇и ааха – ‘‘ниссааяаад̇и ниссаяам̣ гад̇ваа, ад̇хибад̇им̣ гад̇ваад̇и ад̇т̇о’’д̇и. бад̇хаанабхууд̇аад̇и сздтабхууд̇аа, сздтабхааво жа згассаби жад̇угижжасаад̇ханавасзна бавад̇д̇ияаа, д̇ад̇о зва б̣ахуважананид̣̇д̣̇зсо, бад̇хаанасан̇каарадтзна бад̇хаанасан̇каран̣ад̇о. ‘‘чанд̣̇ам̣ жз ниссааяа…бз… аяам̣ вужжад̇и чанд̣̇асамаад̇хий’’д̇и имааяа баал̣ияаа чанд̣̇аад̇хибад̇и самаад̇хи чанд̣̇асамаад̇хийд̇и ад̇хибад̇исад̣̇д̣̇алобам̣ гад̇ваа самаасо вуд̇д̇од̇и вин̃н̃ааяад̇и, ад̇хибад̇исад̣̇д̣̇ад̇т̇ад̣̇ассанавасзна ваа чанд̣̇ахзд̇уго, чанд̣̇аад̇хиго ваа самаад̇хи чанд̣̇асамаад̇хи. д̇зна ‘‘чанд̣̇асамаад̇хинаа жзва бад̇хаанасан̇каарзхи бад̇хаанабхууд̇асан̇каарзхи жа саманнааг̇ад̇аа’’д̇и вагкад̇и, д̇ам̣ аанзд̇ваа самб̣анд̇хо. бад̇хаанабхууд̇аад̇и вийрияабхууд̇аа. гзжи вад̣̇анд̇и – ‘‘сан̇кад̇асан̇каараад̣̇инивад̇д̇анад̇т̇ам̣ бад̇хаанаг̇г̇ахан̣а’’нд̇и. ат̇а ваа д̇ам̣ д̇ам̣ висзсам̣ сан̇карод̇ийд̇и сан̇кааро, саб̣б̣амби вийрияам̣. д̇ад̇т̇а жад̇угижжасаад̇хагад̇о д̇ад̣̇ан̃н̃асса нивад̇д̇анад̇т̇ам̣ бад̇хаанаг̇г̇ахан̣анд̇и. яат̇аа чанд̣̇о чанд̣̇асамаад̇хинаа жзва бад̇хаанасан̇каарзхи жа саманнааг̇ад̇о, звам̣ чанд̣̇асамаад̇хи чанд̣̇зна жзва бад̇хаанасан̇каарзхи жа саманнааг̇ад̇о. бад̇хаанасан̇каарааби чанд̣̇зна жзва чанд̣̇асамаад̇хинаа жа саманнааг̇ад̇аад̇и д̇ийсуби бад̣̇зсу саманнааг̇ад̇асад̣̇д̣̇о яож̇зд̇аб̣б̣о. д̇асмаад̇и яасмаа д̇аяоби чанд̣̇аад̣̇аяо згажид̇д̇уббаад̣̇абарияаабаннаа, д̇асмаа саб̣б̣з д̇з д̇хаммаа згад̇о гад̇ваа ‘‘аяам̣ вужжад̇и…бз… ид̣̇д̇хибаад̣̇о’’д̇и вуд̇д̇анд̇и. звам̣ чанд̣̇аад̣̇ийнам̣язва жзд̇т̇а ид̣̇д̇хибаад̣̇абхааво вуд̇д̇о, вибхан̇г̇з бана д̇зсам̣ ид̣̇д̇хибхааво самбаяуд̇д̇аанам̣ ид̣̇д̇хибаад̣̇абхааво вуд̇д̇од̇и д̣̇ассзнд̇о ‘‘ид̣̇д̇хибаад̣̇авибхан̇г̇з банаа’’д̇иаад̣̇имааха.
825. Yo samādhissa nissayabhūto chando, so idhādhippetoti āha ‘‘chandanti kattukamyatāchanda’’nti. Tassa ca adhipateyyaṭṭho nissayaṭṭho, na vinā taṃ chandaṃ nissāyāti āha – ‘‘nissāyāti nissayaṃ katvā, adhipatiṃ katvāti attho’’ti. Padhānabhūtāti seṭṭhabhūtā, seṭṭhabhāvo ca ekassapi catukiccasādhanavasena pavattiyā, tato eva bahuvacananiddeso, padhānasaṅkhāraṭṭhena padhānasaṅkharaṇato. ‘‘Chandaṃ ce nissāya…pe… ayaṃ vuccati chandasamādhī’’ti imāya pāḷiyā chandādhipati samādhi chandasamādhīti adhipatisaddalopaṃ katvā samāso vuttoti viññāyati, adhipatisaddatthadassanavasena vā chandahetuko, chandādhiko vā samādhi chandasamādhi. Tena ‘‘chandasamādhinā ceva padhānasaṅkhārehi padhānabhūtasaṅkhārehi ca samannāgatā’’ti vakkhati, taṃ ānetvā sambandho. Padhānabhūtāti vīriyabhūtā. Keci vadanti – ‘‘saṅkhatasaṅkhārādinivattanatthaṃ padhānaggahaṇa’’nti. Atha vā taṃ taṃ visesaṃ saṅkharotīti saṅkhāro, sabbampi vīriyaṃ. Tattha catukiccasādhakato tadaññassa nivattanatthaṃ padhānaggahaṇanti. Yathā chando chandasamādhinā ceva padhānasaṅkhārehi ca samannāgato, evaṃ chandasamādhi chandena ceva padhānasaṅkhārehi ca samannāgato. Padhānasaṅkhārāpi chandena ceva chandasamādhinā ca samannāgatāti tīsupi padesu samannāgatasaddo yojetabbo. Tasmāti yasmā tayopi chandādayo ekacittuppādapariyāpannā, tasmā sabbe te dhammā ekato katvā ‘‘ayaṃ vuccati…pe… iddhipādo’’ti vuttanti. Evaṃ chandādīnaṃyeva cettha iddhipādabhāvo vutto, vibhaṅge pana tesaṃ iddhibhāvo sampayuttānaṃ iddhipādabhāvo vuttoti dassento ‘‘iddhipādavibhaṅge panā’’tiādimāha.
ид̣̇аани нзсам̣ ид̣̇д̇хибаад̣̇ад̇ааби самбхавад̇ийд̇и д̣̇ассзнд̇о ‘‘абижаа’’д̇иаад̣̇имааха. д̇ад̇т̇а чанд̣̇ан̃хи бхааваяад̇о бад̇хаанам̣ гад̇ваа бхаавзнд̇асса д̇ат̇аа бавад̇д̇абуб̣б̣аабхисан̇кааравасзна иж̇жхамаано чанд̣̇о ид̣̇д̇хи наама, д̇асса ниссаяабхууд̇аа бад̇хаанасан̇каараа ид̣̇д̇хибаад̣̇о наама. сзсад̣̇ваязби зсзва наяо. д̇ат̇аа бхааваяанд̇асса мукяад̇аамад̇д̇ам̣ санд̇хааяа вуд̇д̇ам̣, иж̇жханад̇т̇о бана саб̣б̣зсам̣ самаананд̇и д̣̇ассзнд̇о ‘‘самбаяуд̇д̇а…бз… иж̇жханд̇иязваа’’д̇и ааха.
Idāni nesaṃ iddhipādatāpi sambhavatīti dassento ‘‘apicā’’tiādimāha. Tattha chandañhi bhāvayato padhānaṃ katvā bhāventassa tathā pavattapubbābhisaṅkhāravasena ijjhamāno chando iddhi nāma, tassa nissayabhūtā padhānasaṅkhārā iddhipādo nāma. Sesadvayepi eseva nayo. Tathā bhāvayantassa mukhyatāmattaṃ sandhāya vuttaṃ, ijjhanattho pana sabbesaṃ samānanti dassento ‘‘sampayutta…pe… ijjhantiyevā’’ti āha.
ид̣̇д̇хибаад̣̇з асан̇гарад̇о д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. д̇ад̇т̇а чанд̣̇аад̣̇аяод̇и чанд̣̇асамаад̇хибад̇хаанасан̇каараа. сзсид̣̇д̇хибаад̣̇зсууд̇и вийрияид̣̇д̇хибаад̣̇аад̣̇ийсу. д̇ад̇т̇а вийрияасамаад̇хибад̇хаанасан̇каарасаманнааг̇ад̇од̇и д̣̇вигкад̇д̇ум̣ вийрияам̣ ааг̇ад̇ам̣, д̇ад̇т̇а буримам̣ самаад̇хивисзсам̣, вийрияаад̇хибад̇исамаад̇хи зва вийрияасамаад̇хийд̇и д̣̇уд̇ияам̣ саманнааг̇аман̇г̇ад̣̇ассанам̣. д̣̇взязва хи саб̣б̣ад̇т̇а саманнааг̇аман̇г̇аани самаад̇хи бад̇хаанасан̇кааро жа, чанд̣̇аад̣̇аяо самаад̇хивисзсанаани, бад̇хаанасан̇кааро бана бад̇хаанаважанзнзва висзсид̇о, на чанд̣̇аад̣̇ийхийд̇и на ид̇ха вийрияаад̇хибад̇ид̇аа бад̇хаанасан̇каарасса вуд̇д̇аа ход̇и. вийрияан̃жа самаад̇хим̣ висзсзд̇ваа тид̇амзва саманнааг̇аман̇г̇авасзна бад̇хаанасан̇каараважанзна вуд̇д̇анд̇и нааби д̣̇вийхи вийриязхи саманнааг̇амо вуд̇д̇о ход̇и. яасмаа бана чанд̣̇аад̣̇ийхи висидто самаад̇хи, д̇ат̇ааби висидтзнзва жа д̇зна самбаяуд̇д̇о бад̇хаанасан̇кааро сзсад̇хаммаа жа, д̇асмаа самаад̇хивисзсанаанам̣ васзна жад̇д̇ааро ид̣̇д̇хибаад̣̇аа вуд̇д̇аа, висзсанабхааво жа чанд̣̇аад̣̇ийнам̣ д̇ам̣д̇ам̣авассаяад̣̇ассанавасзна ход̇ийд̇и ‘‘чанд̣̇асамаад̇хи…бз… ид̣̇д̇хибаад̣̇о’’д̇и зд̇т̇а ниссаяад̇т̇зби баад̣̇а-сад̣̇д̣̇з убаад̣̇ааяадтзна чанд̣̇аад̣̇ийнам̣ ид̣̇д̇хибаад̣̇ад̇аа вуд̇д̇аа ход̇и, д̇знзва абхид̇хаммз уд̇д̇аражуул̣абхааж̇анияз ‘‘жад̇д̇ааро ид̣̇д̇хибаад̣̇аа чанд̣̇ид̣̇д̇хибаад̣̇о’’д̇иаад̣̇инаа (вибха. 457) чанд̣̇аад̣̇ийнам̣язва ид̣̇д̇хибаад̣̇ад̇аа вуд̇д̇аа, бан̃хабужчагз жа – ‘‘жад̇д̇ааро ид̣̇д̇хибаад̣̇аа ид̇ха бхигку чанд̣̇асамаад̇хий’’д̇иаад̣̇инаава (вибха. 431) уд̣̇д̣̇зсам̣ гад̇вааби буна чанд̣̇аад̣̇ийнам̣язва гусалаад̣̇ибхааво вибхад̇д̇о. убааяид̣̇д̇хибаад̣̇ад̣̇ассанад̇т̇амзва хи ниссаяид̣̇д̇хибаад̣̇ад̣̇ассанам̣ гад̇ам̣, ан̃н̃ат̇аа жад̇уб̣б̣ид̇хад̇аа на ход̇ийд̇и аяамзд̇т̇а баал̣ивасзна ад̇т̇авинижчаяо. д̇ад̇т̇а убааяид̣̇д̇хибаад̣̇ад̣̇ассанад̇т̇амзваад̇и чанд̣̇аад̣̇игз д̇хурз ж̇здтагз буб̣б̣ан̇г̇амз гад̇ваа ниб̣б̣ад̇д̇ид̇асамаад̇хи чанд̣̇аад̇хибад̇исамаад̇хийд̇и чанд̣̇аад̣̇ийнам̣ ид̣̇д̇хияаа ад̇хиг̇амуубааяад̣̇ассанам̣ убааяид̣̇д̇хибаад̣̇ад̣̇ассанам̣, д̇ад̣̇ад̇т̇амзва ‘‘д̇ат̇аабхууд̇асса взд̣̇анаагканд̇хо…бз… вин̃н̃аан̣агканд̇хо’’д̇и д̇ад̇т̇а д̇ад̇т̇а баал̣ияам̣ ниссаяид̣̇д̇хибаад̣̇ад̣̇ассанам̣ гад̇ам̣ чанд̣̇аад̣̇ивисидтаанам̣язва взд̣̇анаагканд̇хаад̣̇ийнам̣ ад̇хиббзд̇ад̇д̇аа. зван̃жзд̇ам̣ самбадижчид̇аб̣б̣ам̣, ан̃н̃ат̇аа гзвалам̣ ид̣̇д̇хисамбаяуд̇д̇аанам̣язва канд̇хаанам̣ васзна ид̣̇д̇хибаад̣̇абхаавз г̇аяхамаанз д̇зсам̣ жад̇уб̣б̣ид̇хад̇аа на ход̇и висзсагааран̣абхаавад̇од̇и ад̇хиббааяо.
Iddhipāde asaṅkarato dassetuṃ ‘‘apicā’’tiādi vuttaṃ. Tattha chandādayoti chandasamādhipadhānasaṅkhārā. Sesiddhipādesūti vīriyiddhipādādīsu. Tattha vīriyasamādhipadhānasaṅkhārasamannāgatoti dvikkhattuṃ vīriyaṃ āgataṃ, tattha purimaṃ samādhivisesaṃ, vīriyādhipatisamādhi eva vīriyasamādhīti dutiyaṃ samannāgamaṅgadassanaṃ. Dveyeva hi sabbattha samannāgamaṅgāni samādhi padhānasaṅkhāro ca, chandādayo samādhivisesanāni, padhānasaṅkhāro pana padhānavacaneneva visesito, na chandādīhīti na idha vīriyādhipatitā padhānasaṅkhārassa vuttā hoti. Vīriyañca samādhiṃ visesetvā ṭhitameva samannāgamaṅgavasena padhānasaṅkhāravacanena vuttanti nāpi dvīhi vīriyehi samannāgamo vutto hoti. Yasmā pana chandādīhi visiṭṭho samādhi, tathāpi visiṭṭheneva ca tena sampayutto padhānasaṅkhāro sesadhammā ca, tasmā samādhivisesanānaṃ vasena cattāro iddhipādā vuttā, visesanabhāvo ca chandādīnaṃ taṃtaṃavassayadassanavasena hotīti ‘‘chandasamādhi…pe… iddhipādo’’ti ettha nissayatthepi pāda-sadde upādāyaṭṭhena chandādīnaṃ iddhipādatā vuttā hoti, teneva abhidhamme uttaracūḷabhājaniye ‘‘cattāro iddhipādā chandiddhipādo’’tiādinā (vibha. 457) chandādīnaṃyeva iddhipādatā vuttā, pañhapucchake ca – ‘‘cattāro iddhipādā idha bhikkhu chandasamādhī’’tiādināva (vibha. 431) uddesaṃ katvāpi puna chandādīnaṃyeva kusalādibhāvo vibhatto. Upāyiddhipādadassanatthameva hi nissayiddhipādadassanaṃ kataṃ, aññathā catubbidhatā na hotīti ayamettha pāḷivasena atthavinicchayo. Tattha upāyiddhipādadassanatthamevāti chandādike dhure jeṭṭhake pubbaṅgame katvā nibbattitasamādhi chandādhipatisamādhīti chandādīnaṃ iddhiyā adhigamūpāyadassanaṃ upāyiddhipādadassanaṃ, tadatthameva ‘‘tathābhūtassa vedanākkhandho…pe… viññāṇakkhandho’’ti tattha tattha pāḷiyaṃ nissayiddhipādadassanaṃ kataṃ chandādivisiṭṭhānaṃyeva vedanākkhandhādīnaṃ adhippetattā. Evañcetaṃ sampaṭicchitabbaṃ, aññathā kevalaṃ iddhisampayuttānaṃyeva khandhānaṃ vasena iddhipādabhāve gayhamāne tesaṃ catubbidhatā na hoti visesakāraṇabhāvatoti adhippāyo.
гзжийд̇и уд̇д̇аравихаараваасино. аниб̣б̣ад̇д̇од̇и хзд̇убажжаязхи на ниб̣б̣ад̇д̇о, на сабхаавад̇хаммо, бан̃н̃ад̇д̇имад̇д̇анд̇и ад̇хиббааяо. ваад̣̇амад̣̇д̣̇анад̇т̇ааяа ход̇и, абхид̇хаммз жа ааг̇ад̇о уд̇д̇аражуул̣аваарод̇и яож̇анаа. жад̇д̇ааро ид̣̇д̇хибаад̣̇аад̇иаад̣̇и уд̇д̇аражуул̣аваарад̣̇ассанам̣. имз бана уд̇д̇аражуул̣аваарз ааг̇ад̇аа ид̣̇д̇хибаад̣̇аа.
Kecīti uttaravihāravāsino. Anibbattoti hetupaccayehi na nibbatto, na sabhāvadhammo, paññattimattanti adhippāyo. Vādamaddanatthāya hoti, abhidhamme ca āgato uttaracūḷavāroti yojanā. Cattāro iddhipādātiādi uttaracūḷavāradassanaṃ. Ime pana uttaracūḷavāre āgatā iddhipādā.
радтабаалад̇т̇зро чанд̣̇з сад̇и гат̇ам̣ наануж̇ааниссанд̇ийд̇и сад̇д̇аахаани бхад̇д̇аани абхун̃ж̇ид̇ваа маад̇аабид̇аро ануж̇аанаабзд̇ваа баб̣б̣аж̇ид̇ваа чанд̣̇амзва ниссааяа арахад̇д̇ам̣ баабун̣ийд̇и ааха – ‘‘радтабаалад̇т̇зро чанд̣̇ам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зсий’’д̇и. сон̣ад̇т̇зрод̇и сукумааласон̣ад̇т̇зро. со хи ааяасмаа ад̇д̇ано сукумаалабхаавам̣ ажинд̇зд̇ваа ад̇ивзлам̣ жан̇гаманзна баад̣̇зсу удтид̇зсуби уссаахам̣ ависсаж̇ж̇знд̇о вийрияам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зси. самбхуд̇ад̇т̇зро ‘‘жид̇д̇авад̇о жз аламарияан̃аан̣ад̣̇ассанависзсо иж̇жхзяяа, маяхам̣ иж̇жхзяяаад̇и жид̇д̇ам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зси. могхарааж̇аа ‘‘бан̃н̃авад̇о жз маг̇г̇абхааванаа иж̇жхзяяа, маяхам̣ иж̇жхзяяаа’’д̇и бан̃н̃аабуб̣б̣ан̇г̇амам̣ бан̃н̃аад̇хурам̣ бан̃н̃ааж̇здтагам̣ гад̇ваа арахад̇д̇ам̣ баабун̣ийд̇и ааха ‘‘могхарааж̇аа виймам̣сам̣ д̇хурам̣ гад̇ваа логуд̇д̇арад̇хаммам̣ ниб̣б̣ад̇д̇зсий’’д̇и. ид̣̇аани нзсам̣ арияаанам̣ убадтаануссаахаманд̇аж̇аад̇исамбад̣̇ам̣ ниссааяа ран̃н̃о санд̇игз лад̣̇д̇хависзсз амажжабуд̇д̇з нид̣̇ассанабхаавзна д̣̇ассзд̇ум̣ ‘‘д̇ад̇т̇а яат̇аа’’д̇иаад̣̇имааха. зд̇т̇а жа бунаббунам̣ чанд̣̇уббаад̣̇анам̣ д̇осанам̣ вияа ход̇ийд̇и чанд̣̇асса убадтаанасад̣̇исад̇аа вуд̇д̇аа, т̇аамабхаавад̇о жа вийрияасса суурад̇д̇асад̣̇исад̇аа, жинд̇анаббад̇хаанад̇д̇аа жид̇д̇асса манд̇асам̣вид̇хаанасад̣̇исад̇аа, яонисоманасигаара-самбхууд̇зсу гусалад̇хаммзсу бан̃н̃аа сздтаад̇и виймам̣сааяа ж̇аад̇исамбад̇д̇исад̣̇исад̇аа вуд̇д̇аа.
Raṭṭhapālatthero chande sati kathaṃ nānujānissantīti sattāhāni bhattāni abhuñjitvā mātāpitaro anujānāpetvā pabbajitvā chandameva nissāya arahattaṃ pāpuṇīti āha – ‘‘raṭṭhapālatthero chandaṃ dhuraṃ katvā lokuttaradhammaṃ nibbattesī’’ti. Soṇattheroti sukhumālasoṇatthero. So hi āyasmā attano sukhumālabhāvaṃ acintetvā ativelaṃ caṅkamanena pādesu uṭṭhitesupi ussāhaṃ avissajjento vīriyaṃ dhuraṃ katvā lokuttaradhammaṃ nibbattesi. Sambhutatthero ‘‘cittavato ce alamariyañāṇadassanaviseso ijjheyya, mayhaṃ ijjheyyāti cittaṃ dhuraṃ katvā lokuttaradhammaṃ nibbattesi. Mogharājā ‘‘paññavato ce maggabhāvanā ijjheyya, mayhaṃ ijjheyyā’’ti paññāpubbaṅgamaṃ paññādhuraṃ paññājeṭṭhakaṃ katvā arahattaṃ pāpuṇīti āha ‘‘mogharājā vīmaṃsaṃ dhuraṃ katvā lokuttaradhammaṃ nibbattesī’’ti. Idāni nesaṃ ariyānaṃ upaṭṭhānussāhamantajātisampadaṃ nissāya rañño santike laddhavisese amaccaputte nidassanabhāvena dassetuṃ ‘‘tattha yathā’’tiādimāha. Ettha ca punappunaṃ chanduppādanaṃ tosanaṃ viya hotīti chandassa upaṭṭhānasadisatā vuttā, thāmabhāvato ca vīriyassa sūrattasadisatā, cintanappadhānattā cittassa mantasaṃvidhānasadisatā, yonisomanasikāra-sambhūtesu kusaladhammesu paññā seṭṭhāti vīmaṃsāya jātisampattisadisatā vuttā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. чанд̣̇асамаад̇хисуд̇д̇ам̣ • 3. Chandasamādhisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. чанд̣̇асамаад̇хисуд̇д̇аван̣н̣анаа • 3. Chandasamādhisuttavaṇṇanā
