| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(8) 3. аананд̣̇аваг̇г̇о
(8) 3. Ānandavaggo
1. чаннасуд̇д̇ам̣
1. Channasuttaṃ
72. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко чанно бариб̣б̣ааж̇аго язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко чанно бариб̣б̣ааж̇аго ааяасманд̇ам̣ аананд̣̇ам̣ зд̇ад̣̇авожа – ‘‘д̇умхзби, аавусо аананд̣̇а, рааг̇асса бахаанам̣ бан̃н̃аабзт̇а, д̣̇осасса бахаанам̣ бан̃н̃аабзт̇а, мохасса бахаанам̣ бан̃н̃аабзт̇аад̇и. маяам̣ ко, аавусо, рааг̇асса бахаанам̣ бан̃н̃аабзма, д̣̇осасса бахаанам̣ бан̃н̃аабзма, мохасса бахаанам̣ бан̃н̃абзмаа’’д̇и.
72. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho channo paribbājako yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho channo paribbājako āyasmantaṃ ānandaṃ etadavoca – ‘‘tumhepi, āvuso ānanda, rāgassa pahānaṃ paññāpetha, dosassa pahānaṃ paññāpetha, mohassa pahānaṃ paññāpethāti. Mayaṃ kho, āvuso, rāgassa pahānaṃ paññāpema, dosassa pahānaṃ paññāpema, mohassa pahānaṃ paññapemā’’ti.
‘‘гим̣ бана д̇умхз, аавусо, рааг̇з аад̣̇ийнавам̣ д̣̇исваа рааг̇асса бахаанам̣ бан̃н̃аабзт̇а, гим̣ д̣̇осз аад̣̇ийнавам̣ д̣̇исваа д̣̇осасса бахаанам̣ бан̃н̃аабзт̇а, гим̣ мохз аад̣̇ийнавам̣ д̣̇исваа мохасса бахаанам̣ бан̃н̃аабзт̇аа’’д̇и?
‘‘Kiṃ pana tumhe, āvuso, rāge ādīnavaṃ disvā rāgassa pahānaṃ paññāpetha, kiṃ dose ādīnavaṃ disvā dosassa pahānaṃ paññāpetha, kiṃ mohe ādīnavaṃ disvā mohassa pahānaṃ paññāpethā’’ti?
‘‘рад̇д̇о ко, аавусо, рааг̇зна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и; рааг̇з бахийнз нзвад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и, на жзд̇асигам̣ д̣̇угкам̣ д̣̇оманассам̣ бадисам̣взд̣̇зд̇и. рад̇д̇о ко, аавусо, рааг̇зна абхибхууд̇о барияаад̣̇иннажид̇д̇о гааязна д̣̇ужжарид̇ам̣ жарад̇и, ваажааяа д̣̇ужжарид̇ам̣ жарад̇и, манасаа д̣̇ужжарид̇ам̣ жарад̇и; рааг̇з бахийнз нзва гааязна д̣̇ужжарид̇ам̣ жарад̇и, на ваажааяа д̣̇ужжарид̇ам̣ жарад̇и, на манасаа д̣̇ужжарид̇ам̣ жарад̇и. рад̇д̇о ко, аавусо, рааг̇зна абхибхууд̇о барияаад̣̇иннажид̇д̇о ад̇д̇ад̇т̇амби яат̇аабхууд̇ам̣ наббаж̇аанаад̇и, барад̇т̇амби яат̇аабхууд̇ам̣ наббаж̇аанаад̇и, убхаяад̇т̇амби яат̇аабхууд̇ам̣ наббаж̇аанаад̇и; рааг̇з бахийнз ад̇д̇ад̇т̇амби яат̇аабхууд̇ам̣ баж̇аанаад̇и, барад̇т̇амби яат̇аабхууд̇ам̣ баж̇аанаад̇и, убхаяад̇т̇амби яат̇аабхууд̇ам̣ баж̇аанаад̇и. рааг̇о ко, аавусо, анд̇хагаран̣о ажагкугаран̣о ан̃н̃аан̣агаран̣о бан̃н̃аанирод̇хиго вигхаад̇абагкиго аниб̣б̣аанасам̣вад̇д̇аниго.
‘‘Ratto kho, āvuso, rāgena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṃ domanassaṃ paṭisaṃvedeti; rāge pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikaṃ dukkhaṃ domanassaṃ paṭisaṃvedeti. Ratto kho, āvuso, rāgena abhibhūto pariyādinnacitto kāyena duccaritaṃ carati, vācāya duccaritaṃ carati, manasā duccaritaṃ carati; rāge pahīne neva kāyena duccaritaṃ carati, na vācāya duccaritaṃ carati, na manasā duccaritaṃ carati. Ratto kho, āvuso, rāgena abhibhūto pariyādinnacitto attatthampi yathābhūtaṃ nappajānāti, paratthampi yathābhūtaṃ nappajānāti, ubhayatthampi yathābhūtaṃ nappajānāti; rāge pahīne attatthampi yathābhūtaṃ pajānāti, paratthampi yathābhūtaṃ pajānāti, ubhayatthampi yathābhūtaṃ pajānāti. Rāgo kho, āvuso, andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṃvattaniko.
‘‘д̣̇удто ко, аавусо, д̣̇осзна…бз… муул̣хо ко, аавусо, мохзна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и; мохз бахийнз нзвад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и, на жзд̇асигам̣ д̣̇угкам̣ д̣̇оманассам̣ бадисам̣взд̣̇зд̇и. муул̣хо ко, аавусо, мохзна абхибхууд̇о барияаад̣̇иннажид̇д̇о гааязна д̣̇ужжарид̇ам̣ жарад̇и, ваажааяа д̣̇ужжарид̇ам̣ жарад̇и, манасаа д̣̇ужжарид̇ам̣ жарад̇и; мохз бахийнз нзва гааязна д̣̇ужжарид̇ам̣ жарад̇и, на ваажааяа д̣̇ужжарид̇ам̣ жарад̇и, на манасаа д̣̇ужжарид̇ам̣ жарад̇и. муул̣хо ко, аавусо, мохзна абхибхууд̇о барияаад̣̇иннажид̇д̇о ад̇д̇ад̇т̇амби яат̇аабхууд̇ам̣ наббаж̇аанаад̇и, барад̇т̇амби яат̇аабхууд̇ам̣ наббаж̇аанаад̇и, убхаяад̇т̇амби яат̇аабхууд̇ам̣ наббаж̇аанаад̇и; мохз бахийнз ад̇д̇ад̇т̇амби яат̇аабхууд̇ам̣ баж̇аанаад̇и, барад̇т̇амби яат̇аабхууд̇ам̣ баж̇аанаад̇и, убхаяад̇т̇амби яат̇аабхууд̇ам̣ баж̇аанаад̇и. мохо ко, аавусо, анд̇хагаран̣о ажагкугаран̣о ан̃н̃аан̣агаран̣о бан̃н̃аанирод̇хиго вигхаад̇абагкиго аниб̣б̣аанасам̣вад̇д̇аниго. ид̣̇ам̣ ко маяам̣, аавусо, рааг̇з аад̣̇ийнавам̣ д̣̇исваа рааг̇асса бахаанам̣ бан̃н̃аабзма. ид̣̇ам̣ д̣̇осз аад̣̇ийнавам̣ д̣̇исваа д̣̇осасса бахаанам̣ бан̃н̃аабзма. ид̣̇ам̣ мохз аад̣̇ийнавам̣ д̣̇исваа мохасса бахаанам̣ бан̃н̃аабзмаа’’д̇и.
‘‘Duṭṭho kho, āvuso, dosena…pe… mūḷho kho, āvuso, mohena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṃ domanassaṃ paṭisaṃvedeti; mohe pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikaṃ dukkhaṃ domanassaṃ paṭisaṃvedeti. Mūḷho kho, āvuso, mohena abhibhūto pariyādinnacitto kāyena duccaritaṃ carati, vācāya duccaritaṃ carati, manasā duccaritaṃ carati; mohe pahīne neva kāyena duccaritaṃ carati, na vācāya duccaritaṃ carati, na manasā duccaritaṃ carati. Mūḷho kho, āvuso, mohena abhibhūto pariyādinnacitto attatthampi yathābhūtaṃ nappajānāti, paratthampi yathābhūtaṃ nappajānāti, ubhayatthampi yathābhūtaṃ nappajānāti; mohe pahīne attatthampi yathābhūtaṃ pajānāti, paratthampi yathābhūtaṃ pajānāti, ubhayatthampi yathābhūtaṃ pajānāti. Moho kho, āvuso, andhakaraṇo acakkhukaraṇo aññāṇakaraṇo paññānirodhiko vighātapakkhiko anibbānasaṃvattaniko. Idaṃ kho mayaṃ, āvuso, rāge ādīnavaṃ disvā rāgassa pahānaṃ paññāpema. Idaṃ dose ādīnavaṃ disvā dosassa pahānaṃ paññāpema. Idaṃ mohe ādīnavaṃ disvā mohassa pahānaṃ paññāpemā’’ti.
‘‘ад̇т̇и банаавусо, маг̇г̇о ад̇т̇и бадибад̣̇аа зд̇асса рааг̇асса д̣̇осасса мохасса бахаанааяаа’’д̇и? ‘‘ад̇т̇аавусо, маг̇г̇о ад̇т̇и бадибад̣̇аа зд̇асса рааг̇асса д̣̇осасса мохасса бахаанааяаа’’д̇и. ‘‘гад̇амо банаавусо, маг̇г̇о гад̇амаа бадибад̣̇аа зд̇асса рааг̇асса д̣̇осасса мохасса бахаанааяаа’’д̇и? ‘‘аяамзва арияо адтан̇г̇иго маг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи. аяам̣ ко, аавусо, маг̇г̇о аяам̣ бадибад̣̇аа зд̇асса рааг̇асса д̣̇осасса мохасса бахаанааяаа’’д̇и. ‘‘бхад̣̇д̣̇аго ко, аавусо, маг̇г̇о бхад̣̇д̣̇игаа бадибад̣̇аа зд̇асса рааг̇асса д̣̇осасса мохасса бахаанааяа. алан̃жа банаавусо аананд̣̇а, аббамаад̣̇ааяаа’’д̇и. батамам̣.
‘‘Atthi panāvuso, maggo atthi paṭipadā etassa rāgassa dosassa mohassa pahānāyā’’ti? ‘‘Atthāvuso, maggo atthi paṭipadā etassa rāgassa dosassa mohassa pahānāyā’’ti. ‘‘Katamo panāvuso, maggo katamā paṭipadā etassa rāgassa dosassa mohassa pahānāyā’’ti? ‘‘Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Ayaṃ kho, āvuso, maggo ayaṃ paṭipadā etassa rāgassa dosassa mohassa pahānāyā’’ti. ‘‘Bhaddako kho, āvuso, maggo bhaddikā paṭipadā etassa rāgassa dosassa mohassa pahānāya. Alañca panāvuso ānanda, appamādāyā’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. чаннасуд̇д̇аван̣н̣анаа • 1. Channasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. чаннасуд̇д̇аван̣н̣анаа • 1. Channasuttavaṇṇanā
