| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. чаннасуд̇д̇ам̣
8. Channasuttaṃ
90. згам̣ самаяам̣ самб̣ахулаа т̇зраа бхигкуу б̣аараан̣асияам̣ вихаранд̇и исибад̇анз миг̇ад̣̇ааяз. ат̇а ко ааяасмаа чанно сааяанхасамаяам̣ бадисаллаанаа вудтид̇о аваабуран̣ам̣ 1 аад̣̇ааяа вихаарзна вихаарам̣ убасан̇гамид̇ваа т̇зрз бхигкуу зд̇ад̣̇авожа – ‘‘овад̣̇анд̇у мам̣ ааяасманд̇о т̇зраа, анусаасанд̇у мам̣ ааяасманд̇о т̇зраа, гаронд̇у мз ааяасманд̇о т̇зраа д̇хаммим̣ гат̇ам̣, яат̇аахам̣ д̇хаммам̣ бассзяяа’’нд̇и.
90. Ekaṃ samayaṃ sambahulā therā bhikkhū bārāṇasiyaṃ viharanti isipatane migadāye. Atha kho āyasmā channo sāyanhasamayaṃ paṭisallānā vuṭṭhito avāpuraṇaṃ 2 ādāya vihārena vihāraṃ upasaṅkamitvā there bhikkhū etadavoca – ‘‘ovadantu maṃ āyasmanto therā, anusāsantu maṃ āyasmanto therā, karontu me āyasmanto therā dhammiṃ kathaṃ, yathāhaṃ dhammaṃ passeyya’’nti.
звам̣ вуд̇д̇з, т̇зраа бхигкуу ааяасманд̇ам̣ чаннам̣ зд̇ад̣̇авожум̣ – ‘‘руубам̣ ко, аавусо чанна, анижжам̣; взд̣̇анаа анижжаа; сан̃н̃аа анижжаа; сан̇каараа анижжаа; вин̃н̃аан̣ам̣ анижжам̣. руубам̣ анад̇д̇аа; взд̣̇анаа… сан̃н̃аа… сан̇каараа… вин̃н̃аан̣ам̣ анад̇д̇аа. саб̣б̣з сан̇каараа анижжаа; саб̣б̣з д̇хаммаа анад̇д̇аа’’д̇и.
Evaṃ vutte, therā bhikkhū āyasmantaṃ channaṃ etadavocuṃ – ‘‘rūpaṃ kho, āvuso channa, aniccaṃ; vedanā aniccā; saññā aniccā; saṅkhārā aniccā; viññāṇaṃ aniccaṃ. Rūpaṃ anattā; vedanā… saññā… saṅkhārā… viññāṇaṃ anattā. Sabbe saṅkhārā aniccā; sabbe dhammā anattā’’ti.
ат̇а ко ааяасмад̇о чаннасса зд̇ад̣̇ахоси – ‘‘маяхамби ко зд̇ам̣ звам̣ 3 ход̇и – ‘руубам̣ анижжам̣, взд̣̇анаа… сан̃н̃аа… сан̇каараа… вин̃н̃аан̣ам̣ анижжам̣; руубам̣ анад̇д̇аа, взд̣̇анаа … сан̃н̃аа… сан̇каараа… вин̃н̃аан̣ам̣ анад̇д̇аа. саб̣б̣з сан̇каараа анижжаа, саб̣б̣з д̇хаммаа анад̇д̇аа’д̇и. ат̇а жа бана мз саб̣б̣асан̇каарасамат̇з саб̣б̣уубад̇хибадиниссаг̇г̇з д̇ан̣хаагкаяз вирааг̇з нирод̇хз ниб̣б̣аанз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и наад̇химужжад̇и. барид̇ассанаа убаад̣̇аанам̣ уббаж̇ж̇ад̇и; бажжуд̣̇аавад̇д̇ад̇и маанасам̣ – ‘ат̇а го жарахи мз ад̇д̇аа’д̇и ? на ко банзвам̣ д̇хаммам̣ бассад̇о ход̇и. го ну ко мз д̇ат̇аа д̇хаммам̣ д̣̇зсзяяа яат̇аахам̣ д̇хаммам̣ бассзяяа’’нд̇и.
Atha kho āyasmato channassa etadahosi – ‘‘mayhampi kho etaṃ evaṃ 4 hoti – ‘rūpaṃ aniccaṃ, vedanā… saññā… saṅkhārā… viññāṇaṃ aniccaṃ; rūpaṃ anattā, vedanā … saññā… saṅkhārā… viññāṇaṃ anattā. Sabbe saṅkhārā aniccā, sabbe dhammā anattā’ti. Atha ca pana me sabbasaṅkhārasamathe sabbūpadhipaṭinissagge taṇhākkhaye virāge nirodhe nibbāne cittaṃ na pakkhandati nappasīdati na santiṭṭhati nādhimuccati. Paritassanā upādānaṃ uppajjati; paccudāvattati mānasaṃ – ‘atha ko carahi me attā’ti ? Na kho panevaṃ dhammaṃ passato hoti. Ko nu kho me tathā dhammaṃ deseyya yathāhaṃ dhammaṃ passeyya’’nti.
ат̇а ко ааяасмад̇о чаннасса зд̇ад̣̇ахоси – ‘‘аяам̣ ко ааяасмаа аананд̣̇о госамб̣ияам̣ вихарад̇и гхосид̇аараамз сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣, баход̇и жа мз ааяасмаа аананд̣̇о д̇ат̇аа д̇хаммам̣ д̣̇зсзд̇ум̣ яат̇аахам̣ д̇хаммам̣ бассзяяам̣; ад̇т̇и жа мз ааяасманд̇з аананд̣̇з д̇аавад̇игаа виссадти 5. яам̣нуунаахам̣ язнааяасмаа аананд̣̇о д̇знубасан̇гамзяяа’’нд̇и. ат̇а ко ааяасмаа чанно сзнаасанам̣ сам̣саамзд̇ваа бад̇д̇ажийварамаад̣̇ааяа язна госамб̣ий гхосид̇аараамо язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и…бз… згаманд̇ам̣ нисинно ко ааяасмаа чанно ааяасманд̇ам̣ аананд̣̇ам̣ зд̇ад̣̇авожа –
Atha kho āyasmato channassa etadahosi – ‘‘ayaṃ kho āyasmā ānando kosambiyaṃ viharati ghositārāme satthu ceva saṃvaṇṇito sambhāvito ca viññūnaṃ sabrahmacārīnaṃ, pahoti ca me āyasmā ānando tathā dhammaṃ desetuṃ yathāhaṃ dhammaṃ passeyyaṃ; atthi ca me āyasmante ānande tāvatikā vissaṭṭhi 6. Yaṃnūnāhaṃ yenāyasmā ānando tenupasaṅkameyya’’nti. Atha kho āyasmā channo senāsanaṃ saṃsāmetvā pattacīvaramādāya yena kosambī ghositārāmo yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi…pe… ekamantaṃ nisinno kho āyasmā channo āyasmantaṃ ānandaṃ etadavoca –
‘‘згамид̣̇аахам̣ , аавусо аананд̣̇а, самаяам̣ б̣аараан̣асияам̣ вихараами исибад̇анз миг̇ад̣̇ааяз. ат̇а кваахам̣, аавусо, сааяанхасамаяам̣ бадисаллаанаа вудтид̇о аваабуран̣ам̣ аад̣̇ааяа вихаарзна вихаарам̣ убасан̇гамим̣; убасан̇гамид̇ваа т̇зрз бхигкуу зд̇ад̣̇авожам̣ – ‘овад̣̇анд̇у мам̣ ааяасманд̇о т̇зраа, анусаасанд̇у мам̣ ааяасманд̇о т̇зраа, гаронд̇у мз ааяасманд̇о т̇зраа д̇хаммим̣ гат̇ам̣ яат̇аахам̣ д̇хаммам̣ бассзяяа’нд̇и. звам̣ вуд̇д̇з мам̣, аавусо, т̇зраа бхигкуу зд̇ад̣̇авожум̣ – ‘руубам̣ ко, аавусо чанна, анижжам̣; взд̣̇анаа… сан̃н̃аа… сан̇каараа… вин̃н̃аан̣ам̣ анижжам̣; руубам̣ анад̇д̇аа…бз… вин̃н̃аан̣ам̣ анад̇д̇аа. саб̣б̣з сан̇каараа анижжаа, саб̣б̣з д̇хаммаа анад̇д̇аа’’’д̇и.
‘‘Ekamidāhaṃ , āvuso ānanda, samayaṃ bārāṇasiyaṃ viharāmi isipatane migadāye. Atha khvāhaṃ, āvuso, sāyanhasamayaṃ paṭisallānā vuṭṭhito avāpuraṇaṃ ādāya vihārena vihāraṃ upasaṅkamiṃ; upasaṅkamitvā there bhikkhū etadavocaṃ – ‘ovadantu maṃ āyasmanto therā, anusāsantu maṃ āyasmanto therā, karontu me āyasmanto therā dhammiṃ kathaṃ yathāhaṃ dhammaṃ passeyya’nti. Evaṃ vutte maṃ, āvuso, therā bhikkhū etadavocuṃ – ‘rūpaṃ kho, āvuso channa, aniccaṃ; vedanā… saññā… saṅkhārā… viññāṇaṃ aniccaṃ; rūpaṃ anattā…pe… viññāṇaṃ anattā. Sabbe saṅkhārā aniccā, sabbe dhammā anattā’’’ti.
‘‘д̇асса маяхам̣, аавусо, зд̇ад̣̇ахоси – ‘маяхамби ко зд̇ам̣ звам̣ ход̇и – руубам̣ анижжам̣…бз… вин̃н̃аан̣ам̣ анижжам̣, руубам̣ анад̇д̇аа, взд̣̇анаа… сан̃н̃аа… сан̇каараа… вин̃н̃аан̣ам̣ анад̇д̇аа. саб̣б̣з сан̇каараа анижжаа, саб̣б̣з д̇хаммаа анад̇д̇аа’д̇и. ат̇а жа бана мз саб̣б̣асан̇каарасамат̇з саб̣б̣уубад̇хибадиниссаг̇г̇з д̇ан̣хаагкаяз вирааг̇з нирод̇хз ниб̣б̣аанз жид̇д̇ам̣ на багканд̣̇ад̇и наббасийд̣̇ад̇и на санд̇идтад̇и наад̇химужжад̇и. барид̇ассанаа убаад̣̇аанам̣ уббаж̇ж̇ад̇и; бажжуд̣̇аавад̇д̇ад̇и маанасам̣ – ‘ат̇а го жарахи мз ад̇д̇аа’д̇и? на ко банзвам̣ д̇хаммам̣ бассад̇о ход̇и. го ну ко мз д̇ат̇аа д̇хаммам̣ д̣̇зсзяяа яат̇аахам̣ д̇хаммам̣ бассзяяанд̇и!
‘‘Tassa mayhaṃ, āvuso, etadahosi – ‘mayhampi kho etaṃ evaṃ hoti – rūpaṃ aniccaṃ…pe… viññāṇaṃ aniccaṃ, rūpaṃ anattā, vedanā… saññā… saṅkhārā… viññāṇaṃ anattā. Sabbe saṅkhārā aniccā, sabbe dhammā anattā’ti. Atha ca pana me sabbasaṅkhārasamathe sabbūpadhipaṭinissagge taṇhākkhaye virāge nirodhe nibbāne cittaṃ na pakkhandati nappasīdati na santiṭṭhati nādhimuccati. Paritassanā upādānaṃ uppajjati; paccudāvattati mānasaṃ – ‘atha ko carahi me attā’ti? Na kho panevaṃ dhammaṃ passato hoti. Ko nu kho me tathā dhammaṃ deseyya yathāhaṃ dhammaṃ passeyyanti!
‘‘д̇асса маяхам̣, аавусо, зд̇ад̣̇ахоси – ‘аяам̣ ко ааяасмаа аананд̣̇о госамб̣ияам̣ вихарад̇и гхосид̇араамз сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣, баход̇и жа мз ааяасмаа аананд̣̇о д̇ат̇аа д̇хаммам̣ д̣̇зсзд̇ум̣ яат̇аахам̣ д̇хаммам̣ бассзяяам̣. ад̇т̇и жа мз ааяасманд̇з аананд̣̇з д̇аавад̇игаа виссадти. яам̣нуунаахам̣ язнааяасмаа аананд̣̇о д̇знубасан̇гамзяяа’нд̇и. овад̣̇ад̇у мам̣, ааяасмаа аананд̣̇о; анусаасад̇у мам̣, ааяасмаа аананд̣̇о; гарод̇у мз, ааяасмаа аананд̣̇о д̇хаммим̣ гат̇ам̣ яат̇аахам̣ д̇хаммам̣ бассзяяа’’нд̇и.
‘‘Tassa mayhaṃ, āvuso, etadahosi – ‘ayaṃ kho āyasmā ānando kosambiyaṃ viharati ghositarāme satthu ceva saṃvaṇṇito sambhāvito ca viññūnaṃ sabrahmacārīnaṃ, pahoti ca me āyasmā ānando tathā dhammaṃ desetuṃ yathāhaṃ dhammaṃ passeyyaṃ. Atthi ca me āyasmante ānande tāvatikā vissaṭṭhi. Yaṃnūnāhaṃ yenāyasmā ānando tenupasaṅkameyya’nti. Ovadatu maṃ, āyasmā ānando; anusāsatu maṃ, āyasmā ānando; karotu me, āyasmā ānando dhammiṃ kathaṃ yathāhaṃ dhammaṃ passeyya’’nti.
‘‘зд̇д̇агзнаби маяам̣ ааяасмад̇о чаннасса ад̇д̇аманаа аби наама д̇ам̣ 7 ааяасмаа чанно аави агааси кийлам̣ чинд̣̇и 8. од̣̇ахаавусо, чанна , сод̇ам̣; бхаб̣б̣оси 9 д̇хаммам̣ вин̃н̃аад̇у’’нд̇и. ат̇а ко ааяасмад̇о чаннасса д̇аавад̇агзнзва 10 ул̣аарам̣ бийд̇ибаамож̇ж̇ам̣ уббаж̇ж̇и – ‘‘бхаб̣б̣о гирасми д̇хаммам̣ вин̃н̃аад̇у’’нд̇и.
‘‘саммукаа мзд̇ам̣, аавусо чанна, бхаг̇авад̇о суд̇ам̣, саммукаа жа бадиг̇г̇ахид̇ам̣ гажжаанаг̇од̇д̇ам̣ бхигкум̣ овад̣̇анд̇асса – д̣̇ваяаниссид̇о квааяам̣, гажжаана, лого язбхуяязна ад̇т̇ид̇ан̃жзва над̇т̇ид̇ан̃жа. логасамуд̣̇аяам̣ ко, гажжаана, яат̇аабхууд̇ам̣ саммаббан̃н̃ааяа бассад̇о яаа логз над̇т̇ид̇аа, саа на ход̇и. логанирод̇хам̣ ко, гажжаана, яат̇аабхууд̇ам̣ саммаббан̃н̃ааяа бассад̇о яаа логз ад̇т̇ид̇аа, саа на ход̇и. убаяубаад̣̇аанаабхинивзсавиниб̣анд̇хо квааяам̣, гажжаана, лого язбхуяязна д̇ам̣ жааяам̣ убаяубаад̣̇аанам̣ жзд̇асо ад̇хидтаанаабхинивзсаанусаяам̣ на убзд̇и на убаад̣̇ияад̇и наад̇хидтаад̇и ‘ад̇д̇аа мз’д̇и. д̣̇угкамзва уббаж̇ж̇амаанам̣ уббаж̇ж̇ад̇и, д̣̇угкам̣ нируж̇жхамаанам̣ нируж̇жхад̇ийд̇и на ган̇кад̇и на вижигижчад̇и. абараббажжаяаа н̃аан̣амзвасса зд̇т̇а ход̇и. зд̇д̇аавад̇аа ко, гажжаана, саммаад̣̇идти ход̇и. саб̣б̣амад̇т̇ийд̇и ко, гажжаана, аяамзго анд̇о. саб̣б̣ам̣ над̇т̇ийд̇и аяам̣ д̣̇уд̇ияо анд̇о. зд̇з д̇з, гажжаана, убхо анд̇з анубаг̇амма маж̇жхзна д̇ат̇ааг̇ад̇о д̇хаммам̣ д̣̇зсзд̇и – авиж̇ж̇аабажжаяаа сан̇каараа; сан̇каарабажжаяаа вин̃н̃аан̣ам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяа д̇взва асзсавирааг̇анирод̇хаа сан̇кааранирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и.
‘‘Sammukhā metaṃ, āvuso channa, bhagavato sutaṃ, sammukhā ca paṭiggahitaṃ kaccānagottaṃ bhikkhuṃ ovadantassa – dvayanissito khvāyaṃ, kaccāna, loko yebhuyyena atthitañceva natthitañca. Lokasamudayaṃ kho, kaccāna, yathābhūtaṃ sammappaññāya passato yā loke natthitā, sā na hoti. Lokanirodhaṃ kho, kaccāna, yathābhūtaṃ sammappaññāya passato yā loke atthitā, sā na hoti. Upayupādānābhinivesavinibandho khvāyaṃ, kaccāna, loko yebhuyyena taṃ cāyaṃ upayupādānaṃ cetaso adhiṭṭhānābhinivesānusayaṃ na upeti na upādiyati nādhiṭṭhāti ‘attā me’ti. Dukkhameva uppajjamānaṃ uppajjati, dukkhaṃ nirujjhamānaṃ nirujjhatīti na kaṅkhati na vicikicchati. Aparappaccayā ñāṇamevassa ettha hoti. Ettāvatā kho, kaccāna, sammādiṭṭhi hoti. Sabbamatthīti kho, kaccāna, ayameko anto. Sabbaṃ natthīti ayaṃ dutiyo anto. Ete te, kaccāna, ubho ante anupagamma majjhena tathāgato dhammaṃ deseti – avijjāpaccayā saṅkhārā; saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho…pe… evametassa kevalassa dukkhakkhandhassa nirodho hotī’’ti.
‘‘звамзд̇ам̣, аавусо аананд̣̇а, ход̇и язсам̣ ааяасманд̇аанам̣ д̇аад̣̇исаа саб̣рахмажаараяо анугамбагаа ад̇т̇агаамаа оваад̣̇агаа анусаасагаа. ид̣̇ан̃жа бана мз ааяасмад̇о аананд̣̇асса д̇хаммад̣̇зсанам̣ суд̇ваа д̇хаммо абхисамид̇о’’д̇и. адтамам̣.
‘‘Evametaṃ, āvuso ānanda, hoti yesaṃ āyasmantānaṃ tādisā sabrahmacārayo anukampakā atthakāmā ovādakā anusāsakā. Idañca pana me āyasmato ānandassa dhammadesanaṃ sutvā dhammo abhisamito’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. чаннасуд̇д̇аван̣н̣анаа • 8. Channasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. чаннасуд̇д̇аван̣н̣анаа • 8. Channasuttavaṇṇanā
