| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(8) 3. аананд̣̇аваг̇г̇о
(8) 3. Ānandavaggo
1. чаннасуд̇д̇аван̣н̣анаа
1. Channasuttavaṇṇanā
72. д̇ад̇ияасса батамз чаннод̇и звам̣наамаго чаннабариб̣б̣ааж̇аго. д̇умхзби, аавусод̇и, аавусо, яат̇аа маяам̣ рааг̇аад̣̇ийнам̣ бахаанам̣ бан̃н̃аабзма, гим̣ звам̣ д̇умхзби бан̃н̃аабзт̇аад̇и бужчад̇и. д̇ад̇о т̇зро ‘‘аяам̣ бариб̣б̣ааж̇аго амхз рааг̇аад̣̇ийнам̣ бахаанам̣ бан̃н̃аабзмаад̇и вад̣̇ад̇и, над̇т̇и банзд̇ам̣ б̣аахирасамаяз’’д̇и д̇ам̣ бадигкибанд̇о маяам̣ ко, аавусод̇иаад̣̇имааха. д̇ад̇т̇а код̇и авад̇хааран̣ад̇т̇з нибаад̇о, маяамзва бан̃н̃аабзмаад̇и ад̇т̇о. д̇ад̇о бариб̣б̣ааж̇аго жинд̇зси ‘‘аяам̣ т̇зро б̣аахирасамаяам̣ лун̃жид̇ваа харанд̇о ‘маяамзваа’д̇и ааха. гим̣ ну ко аад̣̇ийнавам̣ д̣̇исваа зд̇з зд̇зсам̣ бахаанам̣ бан̃н̃аабзнд̇ий’’д̇и. ат̇а т̇зрам̣ бужчанд̇о гим̣ бана д̇умхзд̇иаад̣̇имааха. т̇зро д̇асса б̣яаагаронд̇о рад̇д̇о код̇иаад̣̇имааха. д̇ад̇т̇а ад̇д̇ад̇т̇анд̇и д̣̇идтад̇хаммигасамбарааяигам̣ логияалогуд̇д̇арам̣ ад̇д̇ано ад̇т̇ам̣. барад̇т̇аубхаяад̇т̇зсуби зсзва наяо.
72. Tatiyassa paṭhame channoti evaṃnāmako channaparibbājako. Tumhepi, āvusoti, āvuso, yathā mayaṃ rāgādīnaṃ pahānaṃ paññāpema, kiṃ evaṃ tumhepi paññāpethāti pucchati. Tato thero ‘‘ayaṃ paribbājako amhe rāgādīnaṃ pahānaṃ paññāpemāti vadati, natthi panetaṃ bāhirasamaye’’ti taṃ paṭikkhipanto mayaṃ kho, āvusotiādimāha. Tattha khoti avadhāraṇatthe nipāto, mayameva paññāpemāti attho. Tato paribbājako cintesi ‘‘ayaṃ thero bāhirasamayaṃ luñcitvā haranto ‘mayamevā’ti āha. Kiṃ nu kho ādīnavaṃ disvā ete etesaṃ pahānaṃ paññāpentī’’ti. Atha theraṃ pucchanto kiṃ pana tumhetiādimāha. Thero tassa byākaronto ratto khotiādimāha. Tattha attatthanti diṭṭhadhammikasamparāyikaṃ lokiyalokuttaraṃ attano atthaṃ. Paratthaubhayatthesupi eseva nayo.
анд̇хагаран̣од̇иаад̣̇ийсу яасса рааг̇о уббаж̇ж̇ад̇и, д̇ам̣ яат̇аабхууд̇ад̣̇ассананивааран̣зна анд̇хам̣ гарод̇ийд̇и анд̇хагаран̣о. бан̃н̃аажагкум̣ на гарод̇ийд̇и ажагкугаран̣о. н̃аан̣ам̣ на гарод̇ийд̇и ан̃н̃аан̣агаран̣о. гаммассагад̇абан̃н̃аа жхаанабан̃н̃аа вибассанаабан̃н̃аад̇и имаа д̇иссо бан̃н̃аа аббавад̇д̇игаран̣зна нирод̇хзд̇ийд̇и бан̃н̃аанирод̇хиго. анидтапалад̣̇ааяагад̇д̇аа д̣̇угкасан̇каад̇асса вигхаад̇ассзва багкз вад̇д̇ад̇ийд̇и вигхаад̇абагкиго. гилзсаниб̣б̣аанам̣ на сам̣вад̇д̇зд̇ийд̇и аниб̣б̣аанасам̣вад̇д̇аниго. алан̃жа банаавусо аананд̣̇а, аббамаад̣̇ааяаад̇и, аавусо аананд̣̇а, сажз зваруубаа бадибад̣̇аа ад̇т̇и, алам̣ д̇умхаагам̣ аббамаад̣̇ааяа яуд̇д̇ам̣ анужчавигам̣, аббамаад̣̇ам̣ гарот̇а, аавусод̇и т̇зрасса важанам̣ анумод̣̇ид̇ваа баггаами. имасмим̣ суд̇д̇з арияамаг̇г̇о логуд̇д̇арамиссаго гат̇ид̇о. сзсамзд̇т̇а уд̇д̇аанад̇т̇амзваад̇и.
Andhakaraṇotiādīsu yassa rāgo uppajjati, taṃ yathābhūtadassananivāraṇena andhaṃ karotīti andhakaraṇo. Paññācakkhuṃ na karotīti acakkhukaraṇo. Ñāṇaṃ na karotīti aññāṇakaraṇo. Kammassakatapaññā jhānapaññā vipassanāpaññāti imā tisso paññā appavattikaraṇena nirodhetīti paññānirodhiko. Aniṭṭhaphaladāyakattā dukkhasaṅkhātassa vighātasseva pakkhe vattatīti vighātapakkhiko. Kilesanibbānaṃ na saṃvattetīti anibbānasaṃvattaniko. Alañca panāvuso ānanda, appamādāyāti, āvuso ānanda, sace evarūpā paṭipadā atthi, alaṃ tumhākaṃ appamādāya yuttaṃ anucchavikaṃ, appamādaṃ karotha, āvusoti therassa vacanaṃ anumoditvā pakkāmi. Imasmiṃ sutte ariyamaggo lokuttaramissako kathito. Sesamettha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. чаннасуд̇д̇ам̣ • 1. Channasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. чаннасуд̇д̇аван̣н̣анаа • 1. Channasuttavaṇṇanā
