| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. чаннасуд̇д̇аван̣н̣анаа
4. Channasuttavaṇṇanā
87. жад̇уд̇т̇з чаннод̇и звам̣наамаго т̇зро, на абхинигкаманам̣ нигканд̇ат̇зро. бадисаллаанаад̇и паласамаабад̇д̇ид̇о. г̇илаанабужчагаад̇и г̇илаанубадтаагаа. г̇илаанубадтаанам̣ наама б̣уд̣̇д̇хабасад̇т̇ам̣ б̣уд̣̇д̇хаван̣н̣ид̇ам̣, д̇асмаа звамааха. сийсавзтам̣ д̣̇ад̣̇зяяаад̇и сийсз взтанам̣ сийсавзтам̣, д̇ан̃жа д̣̇ад̣̇зяяа. сад̇т̇анд̇и ж̇ийвид̇ахаарагасад̇т̇ам̣. нааваган̇каамийд̇и на ижчаами. барижин̣н̣од̇и барижарид̇о. манаабзнаад̇и манавад̣дханагзна гааяагаммаад̣̇инаа. зд̇т̇а жа сад̇д̇а сзкаа барижаранд̇и наама, арахаа барижаарий наама, бхаг̇аваа барижин̣н̣о наама.
87. Catutthe channoti evaṃnāmako thero, na abhinikkhamanaṃ nikkhantathero. Paṭisallānāti phalasamāpattito. Gilānapucchakāti gilānupaṭṭhākā. Gilānupaṭṭhānaṃ nāma buddhapasatthaṃ buddhavaṇṇitaṃ, tasmā evamāha. Sīsaveṭhaṃ dadeyyāti sīse veṭhanaṃ sīsaveṭhaṃ, tañca dadeyya. Satthanti jīvitahārakasatthaṃ. Nāvakaṅkhāmīti na icchāmi. Pariciṇṇoti paricarito. Manāpenāti manavaḍḍhanakena kāyakammādinā. Ettha ca satta sekhā paricaranti nāma, arahā paricārī nāma, bhagavā pariciṇṇo nāma.
зд̇ан̃хи, аавусо, саавагасса бад̇ируубанд̇и, аавусо, саавагасса наама зд̇ам̣ анужчавигам̣. анубаваж̇ж̇анд̇и аббавад̇д̇игам̣ аббадисанд̇хигам̣. бужчаавусо саарибуд̇д̇а, суд̇ваа взд̣̇иссаамаад̇и аяам̣ саавагабавааран̣аа наама. зд̇ам̣ мамаад̇иаад̣̇ийни д̇ан̣хаамаанад̣̇идтиг̇г̇аахавасзна вуд̇д̇аани. нирод̇хам̣ д̣̇исваад̇и каяаваяам̣ н̃ад̇ваа. нзд̇ам̣ мама, нзсохамасми, на мзсо ад̇д̇аад̇и саманубассаамийд̇и анижжам̣ д̣̇угкам̣ анад̇д̇аад̇и саманубассаами. зд̇д̇агзсу таанзсу чаннад̇т̇зро саарибуд̇д̇ад̇т̇зрзна бужчид̇ам̣ бан̃хам̣ арахад̇д̇з багкибид̇ваа гат̇зси. саарибуд̇д̇ад̇т̇зро бана д̇асса бут̇уж̇ж̇анабхаавам̣ н̃ад̇вааби д̇ам̣ ‘‘бут̇уж̇ж̇ано’’д̇и ваа ‘‘кийн̣аасаво’’д̇и ваа авад̇ваа д̇ун̣хийязва ахоси. жунд̣̇ад̇т̇зро банасса бут̇уж̇ж̇анабхаавам̣ сан̃н̃аабзссаамийд̇и жинд̇зд̇ваа оваад̣̇ам̣ ад̣̇ааси.
Etañhi, āvuso, sāvakassa patirūpanti, āvuso, sāvakassa nāma etaṃ anucchavikaṃ. Anupavajjanti appavattikaṃ appaṭisandhikaṃ. Pucchāvuso sāriputta, sutvā vedissāmāti ayaṃ sāvakapavāraṇā nāma. Etaṃmamātiādīni taṇhāmānadiṭṭhiggāhavasena vuttāni. Nirodhaṃ disvāti khayavayaṃ ñatvā. Netaṃ mama, nesohamasmi, na meso attāti samanupassāmīti aniccaṃ dukkhaṃ anattāti samanupassāmi. Ettakesu ṭhānesu channatthero sāriputtattherena pucchitaṃ pañhaṃ arahatte pakkhipitvā kathesi. Sāriputtatthero pana tassa puthujjanabhāvaṃ ñatvāpi taṃ ‘‘puthujjano’’ti vā ‘‘khīṇāsavo’’ti vā avatvā tuṇhīyeva ahosi. Cundatthero panassa puthujjanabhāvaṃ saññāpessāmīti cintetvā ovādaṃ adāsi.
д̇ад̇т̇а д̇асмаад̇и яасмаа мааран̣анд̇игам̣ взд̣̇анам̣ ад̇хиваасзд̇ум̣ асаггонд̇о сад̇т̇ам̣ аахараамийд̇и вад̣̇ад̇и, д̇асмаа бут̇уж̇ж̇ано ааяасмаа, д̇зна ид̣̇амби манасигарохийд̇и д̣̇ийбзд̇и. яасмаа ваа чаннам̣ ааяад̇анаанам̣ нирод̇хам̣ д̣̇исваа жагкаад̣̇ийни д̇ин̣н̣ам̣ г̇аахаанам̣ васзна на саманубассаамийд̇и вад̣̇аси. д̇асмаа ид̣̇амби д̇асса бхаг̇авад̇о саасанам̣ ааяасмад̇аа манасигаад̇аб̣б̣анд̇иби бут̇уж̇ж̇анабхаавамзва д̣̇ийбзнд̇о вад̣̇ад̇и. нижжагаббанд̇и нижжагаалам̣. ниссид̇ассаад̇и д̇ан̣хаамаанад̣̇идтийхи ниссид̇асса. жалид̇анд̇и вибпанд̣̇ид̇ам̣ ход̇и. яат̇аяид̣̇ам̣ ааяасмад̇о уббаннам̣ взд̣̇анам̣ ад̇хиваасзд̇ум̣ асаггонд̇асса ‘‘ахам̣ взд̣̇аяаами, мама взд̣̇анаа’’д̇и аббахийнаг̇г̇аахасса ид̣̇аани вибпанд̣̇ид̇ам̣ ход̇и, иминааби нам̣ ‘‘бут̇уж̇ж̇анова д̇ва’’нд̇и вад̣̇ад̇и.
Tattha tasmāti yasmā māraṇantikaṃ vedanaṃ adhivāsetuṃ asakkonto satthaṃ āharāmīti vadati, tasmā puthujjano āyasmā, tena idampi manasikarohīti dīpeti. Yasmā vā channaṃ āyatanānaṃ nirodhaṃ disvā cakkhādīni tiṇṇaṃ gāhānaṃ vasena na samanupassāmīti vadasi. Tasmā idampi tassa bhagavato sāsanaṃ āyasmatā manasikātabbantipi puthujjanabhāvameva dīpento vadati. Niccakappanti niccakālaṃ. Nissitassāti taṇhāmānadiṭṭhīhi nissitassa. Calitanti vipphanditaṃ hoti. Yathayidaṃ āyasmato uppannaṃ vedanaṃ adhivāsetuṃ asakkontassa ‘‘ahaṃ vedayāmi, mama vedanā’’ti appahīnaggāhassa idāni vipphanditaṃ hoti, imināpi naṃ ‘‘puthujjanova tva’’nti vadati.
бассад̣̇д̇хийд̇и гааяажид̇д̇абассад̣̇д̇хи, гилзсабассад̣̇д̇хи наама ход̇ийд̇и ад̇т̇о. над̇ияаад̇и д̇ан̣хаанад̇ияаа. асад̇ийд̇и бхавад̇т̇ааяа аалаяаниганд̇ибарияудтаанз асад̇и. ааг̇ад̇иг̇ад̇и на ход̇ийд̇и бадисанд̇хивасзна ааг̇ад̇и наама, жуд̇ивасзна г̇аманам̣ наама на ход̇и. жуд̇уубабаад̇од̇и жаванавасзна жуд̇и, убабаж̇ж̇анавасзна убабаад̇о. нзвид̇ха на хурам̣ на убхаяаманд̇арзнаад̇и на ид̇халогз на баралогз на убхаяад̇т̇а ход̇и. зсзванд̇о д̣̇угкассаад̇и ваддад̣̇угкагилзсад̣̇угкасса аяамзва анд̇о аяам̣ барижчзд̣̇о баривадумабхааво ход̇и. аяамзва хи зд̇т̇а ад̇т̇о. яз бана ‘‘убхаяаманд̇арзнаа’’д̇и важанам̣ г̇ахзд̇ваа анд̇араабхавам̣ ижчанд̇и, д̇зсам̣ важанам̣ нирад̇т̇агам̣. анд̇араабхавасса хи бхааво абхид̇хаммз бадигкид̇д̇оязва. ‘‘анд̇арзнаа’’д̇и важанам̣ бана вигаббанд̇арад̣̇ийбанам̣. д̇асмаа аяамзд̇т̇а ад̇т̇о – нзва ид̇ха на хурам̣, абаро вигаббо на убхаяанд̇и.
Passaddhīti kāyacittapassaddhi, kilesapassaddhi nāma hotīti attho. Natiyāti taṇhānatiyā. Asatīti bhavatthāya ālayanikantipariyuṭṭhāne asati. Āgatigati na hotīti paṭisandhivasena āgati nāma, cutivasena gamanaṃ nāma na hoti. Cutūpapātoti cavanavasena cuti, upapajjanavasena upapāto. Nevidha na huraṃ na ubhayamantarenāti na idhaloke na paraloke na ubhayattha hoti. Esevanto dukkhassāti vaṭṭadukkhakilesadukkhassa ayameva anto ayaṃ paricchedo parivaṭumabhāvo hoti. Ayameva hi ettha attho. Ye pana ‘‘ubhayamantarenā’’ti vacanaṃ gahetvā antarābhavaṃ icchanti, tesaṃ vacanaṃ niratthakaṃ. Antarābhavassa hi bhāvo abhidhamme paṭikkhittoyeva. ‘‘Antarenā’’ti vacanaṃ pana vikappantaradīpanaṃ. Tasmā ayamettha attho – neva idha na huraṃ, aparo vikappo na ubhayanti.
сад̇т̇ам̣ аахарзсийд̇и ж̇ийвид̇ахаарагасад̇т̇ам̣ аахари, аахарид̇ваа ган̣танаал̣ам̣ чинд̣̇и. ат̇асса д̇асмим̣ кан̣з маран̣абхаяам̣ оггами, г̇ад̇инимид̇д̇ам̣ убадтааси. со ад̇д̇ано бут̇уж̇ж̇анабхаавам̣ н̃ад̇ваа, сам̣виг̇г̇ажид̇д̇о вибассанам̣ бадтабзд̇ваа, сан̇каарз бариг̇г̇ан̣ханд̇о арахад̇д̇ам̣ бад̇ваа, самасийсий худ̇ваа бариниб̣б̣уд̇о. саммукааязва анубаваж̇ж̇ад̇аа б̣яаагад̇аад̇и гин̃жааби ид̣̇ам̣ т̇зрасса бут̇уж̇ж̇анагаалз б̣яаагаран̣ам̣ ход̇и; зд̇зна бана б̣яаагаран̣зна ананд̇арааяамасса бариниб̣б̣аанам̣ ахоси. д̇асмаа бхаг̇аваа д̇ад̣̇зва б̣яаагаран̣ам̣ г̇ахзд̇ваа гат̇зси.
Satthaṃ āharesīti jīvitahārakasatthaṃ āhari, āharitvā kaṇṭhanāḷaṃ chindi. Athassa tasmiṃ khaṇe maraṇabhayaṃ okkami, gatinimittaṃ upaṭṭhāsi. So attano puthujjanabhāvaṃ ñatvā, saṃviggacitto vipassanaṃ paṭṭhapetvā, saṅkhāre pariggaṇhanto arahattaṃ patvā, samasīsī hutvā parinibbuto. Sammukhāyeva anupavajjatā byākatāti kiñcāpi idaṃ therassa puthujjanakāle byākaraṇaṃ hoti; etena pana byākaraṇena anantarāyamassa parinibbānaṃ ahosi. Tasmā bhagavā tadeva byākaraṇaṃ gahetvā kathesi.
убаваж̇ж̇агулаанийд̇и убасан̇гамид̇аб̣б̣агулаани. иминаа т̇зро, ‘‘бханд̇з, звам̣ убадтаагзсу жа убадтааяигаасу жа виж̇ж̇амаанаасу со бхигку д̇умхаагам̣ саасанз бариниб̣б̣ааяиссад̇ий’’д̇и буб̣б̣абхааг̇абадибад̇д̇ияам̣ гуласам̣саг̇г̇ад̣̇осам̣ д̣̇ассзнд̇о бужчад̇и. ат̇асса бхаг̇аваа гулзсу сам̣саг̇г̇аабхаавам̣ д̣̇ийбзнд̇о хонд̇и хзд̇з саарибуд̇д̇аад̇иаад̣̇имааха. имасмим̣ гира таанз т̇зрасса гулзсу асам̣садтабхааво баагадо ахоси. сзсам̣ саб̣б̣ад̇т̇а уд̇д̇аанамзва.
Upavajjakulānīti upasaṅkamitabbakulāni. Iminā thero, ‘‘bhante, evaṃ upaṭṭhākesu ca upaṭṭhāyikāsu ca vijjamānāsu so bhikkhu tumhākaṃ sāsane parinibbāyissatī’’ti pubbabhāgapaṭipattiyaṃ kulasaṃsaggadosaṃ dassento pucchati. Athassa bhagavā kulesu saṃsaggābhāvaṃ dīpento honti hete sāriputtātiādimāha. Imasmiṃ kira ṭhāne therassa kulesu asaṃsaṭṭhabhāvo pākaṭo ahosi. Sesaṃ sabbattha uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. чаннасуд̇д̇ам̣ • 4. Channasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. чаннасуд̇д̇аван̣н̣анаа • 4. Channasuttavaṇṇanā
