| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(8) 3. аананд̣̇аваг̇г̇о
(8) 3. Ānandavaggo
1. чаннасуд̇д̇аван̣н̣анаа
1. Channasuttavaṇṇanā
72. д̇ад̇ияасса батамз чаннабариб̣б̣ааж̇агод̇и на наг̇г̇абариб̣б̣ааж̇аго. б̣аахирагасамаяам̣ лун̃жид̇ваа харанд̇од̇и б̣аахирагаанам̣ самаяам̣ нисзд̇хзд̇ваа аабанно.
72. Tatiyassa paṭhame channaparibbājakoti na naggaparibbājako. Bāhirakasamayaṃ luñcitvā harantoti bāhirakānaṃ samayaṃ nisedhetvā āpanno.
бан̃н̃аажагкусса виб̣анд̇ханад̇о анд̇хам̣ гарод̇ийд̇и анд̇хагаран̣од̇и ааха ‘‘яасса рааг̇о уббаж̇ж̇ад̇ий’’д̇иаад̣̇и. ажагкугаран̣од̇и асамад̇т̇асамаасояам̣ ‘‘асуурияабассаани мукааний’’д̇иаад̣̇ийсу вияаад̇и ааха ‘‘бан̃н̃аажагкум̣ на гарод̇ийд̇и ажагкугаран̣о’’д̇и. бан̃н̃аанирод̇хигод̇и ануббаннааяа логияалогуд̇д̇арааяа бан̃н̃ааяа уббаж̇ж̇ид̇ум̣ на д̣̇зд̇и, логияабан̃н̃ам̣ бана адтасамаабад̇д̇ибан̃жаабхин̃н̃аавасзна уббаннамби самужчинд̣̇ид̇ваа кибад̇ийд̇и бан̃н̃аанирод̇хигод̇и звамбзд̇т̇а ад̇т̇о д̣̇адтаб̣б̣о. ануббаннаануббаад̣̇ауббаннабарихаанинимид̇д̇ад̇ааяа хи бан̃н̃ам̣ нирод̇хзд̇ийд̇и бан̃н̃аанирод̇хиго. виханад̇и виб̣аад̇хад̇ийд̇и вигхаад̇о, д̣̇угканд̇и ааха ‘‘д̣̇угкасан̇каад̇асса вигхаад̇ассаа’’д̇и. гилзсаниб̣б̣аананд̇и иминаа асан̇кад̇аниб̣б̣аанамзва вад̣̇ад̇и. асан̇кад̇ан̃хи ниб̣б̣аанам̣ наама, д̇ам̣ бажжагкам̣ гаад̇ум̣ на д̣̇зд̇ийд̇и аниб̣б̣аанасам̣вад̇д̇аниго. логуд̇д̇арамиссаго гат̇ид̇о буб̣б̣абхааг̇ияассаби арияамаг̇г̇асса гат̇ид̇ад̇д̇аа.
Paññācakkhussa vibandhanato andhaṃ karotīti andhakaraṇoti āha ‘‘yassa rāgo uppajjatī’’tiādi. Acakkhukaraṇoti asamatthasamāsoyaṃ ‘‘asūriyapassāni mukhānī’’tiādīsu viyāti āha ‘‘paññācakkhuṃ na karotīti acakkhukaraṇo’’ti. Paññānirodhikoti anuppannāya lokiyalokuttarāya paññāya uppajjituṃ na deti, lokiyapaññaṃ pana aṭṭhasamāpattipañcābhiññāvasena uppannampi samucchinditvā khipatīti paññānirodhikoti evampettha attho daṭṭhabbo. Anuppannānuppādauppannaparihāninimittatāya hi paññaṃ nirodhetīti paññānirodhiko. Vihanati vibādhatīti vighāto, dukkhanti āha ‘‘dukkhasaṅkhātassa vighātassā’’ti. Kilesanibbānanti iminā asaṅkhatanibbānameva vadati. Asaṅkhatañhi nibbānaṃ nāma, taṃ paccakkhaṃ kātuṃ na detīti anibbānasaṃvattaniko. Lokuttaramissako kathito pubbabhāgiyassapi ariyamaggassa kathitattā.
чаннасуд̇д̇аван̣н̣анаа нидтид̇аа.
Channasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. чаннасуд̇д̇ам̣ • 1. Channasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. чаннасуд̇д̇аван̣н̣анаа • 1. Channasuttavaṇṇanā
