| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. чаннасуд̇д̇аван̣н̣анаа
8. Channasuttavaṇṇanā
90. магкийд̇и г̇ун̣амагканалагкан̣зна магкзна саманнааг̇ад̇о. бал̣аасийд̇и яуг̇аг̇г̇аахалагкан̣зна бал̣аасзна саманнааг̇ад̇о. зд̇ам̣ авожаад̇и ‘‘овад̣̇анд̇у мам̣…бз… бассзяяа’’нд̇и зд̇ам̣ авожа.
90.Makkhīti guṇamakkhanalakkhaṇena makkhena samannāgato. Paḷāsīti yugaggāhalakkhaṇena paḷāsena samannāgato. Etaṃ avocāti ‘‘ovadantu maṃ…pe… passeyya’’nti etaṃ avoca.
т̇зранд̇и чаннад̇т̇зрам̣. ад̇д̇ано д̣̇уг̇г̇ахан̣зна ган̃жи убаарамбхамби гарзяяа. д̇зна вуд̇д̇ам̣ ‘‘звам̣ гира нзсам̣ ахосий’’д̇иаад̣̇и. нид̣̇д̣̇осамзвасса гад̇ваад̇и аад̣̇ид̇о ануруубад̇д̇амзва гад̇ваа сад̣̇д̇хаммам̣ гат̇зссаамаад̇и.
Theranti channattheraṃ. Attano duggahaṇena kañci upārambhampi kareyya. Tena vuttaṃ ‘‘evaṃ kira nesaṃ ahosī’’tiādi. Niddosamevassa katvāti ādito anurūpattameva katvā saddhammaṃ kathessāmāti.
барид̇ассанаа убаад̣̇аананд̇и бхаяабарид̇ассанаа д̣̇идтубаад̣̇аанам̣. анад̇д̇ани сад̇и анад̇д̇агад̇аани гаммаани гамад̇д̇аанам̣ пусиссанд̇ийд̇и бхаяабарид̇ассанаа жзва д̣̇идтубаад̣̇аанан̃жа уббаж̇ж̇ад̇и. бадинивад̇д̇ад̇ийд̇и яат̇аарад̣̇д̇хавибассанаад̇о бадинивад̇д̇ад̇и, наасагкийд̇и ад̇т̇о. гасмаа банзд̇асса вибассанамануяун̃ж̇анд̇асса звам̣ ахосийд̇и д̇ад̇т̇а гааран̣ам̣ вад̣̇ад̇и ‘‘аяам̣ гираа’’д̇иаад̣̇инаа. званд̇и ‘‘го ну ко мз ад̇д̇аа’’д̇и звам̣ на ход̇и. д̇аавад̇игаа виссад̇т̇ийд̇и ‘‘маяхам̣ д̇хаммам̣ д̣̇зсзд̇уу’’д̇и вуд̇д̇ависсаасо ад̇т̇ийд̇и ад̇т̇о. ид̣̇ам̣ гажжаанасад̇т̇ам̣ ад̣̇д̣̇асаад̇и яож̇анаа. ‘‘д̣̇ваяаниссид̇о, гажжаана, лого’’д̇иаад̣̇и д̣̇идтивинивзтанаа. ‘‘зд̇з д̇з, гажжаана, убхо анд̇з анубаг̇аммаа’’д̇иаад̣̇и б̣уд̣̇д̇хаб̣алад̣̇ийбанаа.
Paritassanā upādānanti bhayaparitassanā diṭṭhupādānaṃ. Anattani sati anattakatāni kammāni kamattānaṃ phusissantīti bhayaparitassanā ceva diṭṭhupādānañca uppajjati. Paṭinivattatīti yathāraddhavipassanāto paṭinivattati, nāsakkhīti attho. Kasmā panetassa vipassanamanuyuñjantassa evaṃ ahosīti tattha kāraṇaṃ vadati ‘‘ayaṃ kirā’’tiādinā. Evanti ‘‘ko nu kho me attā’’ti evaṃ na hoti. Tāvatikā vissatthīti ‘‘mayhaṃ dhammaṃ desetū’’ti vuttavissāso atthīti attho. Idaṃ kaccānasatthaṃ addasāti yojanā. ‘‘Dvayanissito, kaccāna, loko’’tiādi diṭṭhiviniveṭhanā. ‘‘Ete te, kaccāna, ubho ante anupagammā’’tiādi buddhabaladīpanā.
чаннасуд̇д̇аван̣н̣анаа нидтид̇аа.
Channasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. чаннасуд̇д̇ам̣ • 8. Channasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. чаннасуд̇д̇аван̣н̣анаа • 8. Channasuttavaṇṇanā
