| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. чаннасуд̇д̇аван̣н̣анаа
4. Channasuttavaṇṇanā
87. саб̣б̣анимид̇д̇зхи бадисаллийяад̇и зд̇знаад̇и бадисаллаанам̣, паласамаабад̇д̇и. ж̇ийвид̇ахаарагасад̇т̇ам̣ ж̇ийвид̇асса харан̣ад̇о, сад̇д̇аанан̃жа сасанад̇о хим̣санад̇о . барижарид̇од̇и баяирубаасид̇о. д̇зна яат̇аанусидтам̣ бадибаж̇ж̇инд̇и д̣̇ийбзд̇и.
87. Sabbanimittehi paṭisallīyati etenāti paṭisallānaṃ, phalasamāpatti. Jīvitahārakasatthaṃ jīvitassa haraṇato, sattānañca sasanato hiṃsanato . Paricaritoti payirupāsito. Tena yathānusiṭṭhaṃ paṭipajjinti dīpeti.
анубаваж̇ж̇анд̇и барзхи на убавад̣̇ид̇аб̣б̣ам̣. д̇ам̣ банзд̇т̇а ааяад̇им̣ аббадисанд̇хибхаавад̇о ход̇ийд̇и ааха ‘‘аббавад̇д̇ига’’нд̇и. ‘‘нзд̇ам̣ мамаа’’д̇иаад̣̇ийни вад̣̇анд̇о арахад̇д̇з багкибид̇ваа гат̇зси. бут̇уж̇ж̇анабхаавамзва д̣̇ийбзнд̇о вад̣̇ад̇и агад̇агижжабхаавад̣̇ийбанзна. гин̃жааби т̇зро бужчид̇ам̣ бан̃хам̣ арахад̇д̇з багкибид̇ваа гат̇зси, ‘‘на саманубассаамий’’д̇и бана вад̣̇анд̇о гин̃жи нибпад̇д̇им̣ на гат̇зси, д̇асмаа ‘‘ид̣̇амби манаси гаад̇аб̣б̣а’’нд̇и ид̣̇ам̣ аанзд̇ваа самб̣анд̇хо.
Anupavajjanti parehi na upavaditabbaṃ. Taṃ panettha āyatiṃ appaṭisandhibhāvato hotīti āha ‘‘appavattika’’nti. ‘‘Netaṃ mamā’’tiādīni vadanto arahatte pakkhipitvā kathesi. Puthujjanabhāvameva dīpento vadati akatakiccabhāvadīpanena. Kiñcāpi thero pucchitaṃ pañhaṃ arahatte pakkhipitvā kathesi, ‘‘na samanupassāmī’’ti pana vadanto kiñci nipphattiṃ na kathesi, tasmā ‘‘idampi manasi kātabba’’nti idaṃ ānetvā sambandho.
гилзсабассад̣̇д̇хийд̇и гилзсабарил̣аахавуубасамо. бхавад̇т̇ааяа буна бхавад̇т̇ааяа. аалаяаниганд̇и барияудтаанзд̇и бхаванд̇арз абзгкаасан̃н̃ид̇з аалаяз ниганд̇ияаа жа барияудтаанаббад̇д̇ияаа. асад̇и авиж̇ж̇амаанааяа. бадисанд̇хивасзна ан̃н̃абхавад̇о ид̇хааг̇аманам̣ ааг̇ад̇и наама. жуд̇ивасзна г̇амананд̇и жаванавасзна ид̇о г̇ад̇и. ануруубаг̇аманам̣ г̇ад̇и наама д̇ад̣̇убхаяам̣ на ход̇и. жуд̇уубабаад̇о абараабарабхаванавасзна жуд̇и, убабаж̇ж̇анавасзна убабаад̇о, д̇ад̣̇убхаяамби на ход̇и. звам̣ бана жуд̇уубабаад̇з асад̇и нзвид̇ха на ид̇ха логз. на хурам̣ на баралогз ход̇и. д̇ад̇о зва на убхаяад̇т̇а ход̇и. аяамзва анд̇о аяам̣ ид̇халогз баралогз жа абхаавоязва д̣̇угкасса барияосаанам̣. аяамзваад̇и яат̇аавуд̇д̇о зва – зд̇т̇а зд̇асмим̣ баатз барамбарааг̇ад̇о бамаан̣абхууд̇о ад̇т̇о.
Kilesapassaddhīti kilesapariḷāhavūpasamo. Bhavatthāya puna bhavatthāya. Ālayanikanti pariyuṭṭhāneti bhavantare apekkhāsaññite ālaye nikantiyā ca pariyuṭṭhānappattiyā. Asati avijjamānāya. Paṭisandhivasena aññabhavato idhāgamanaṃ āgati nāma. Cutivasena gamananti cavanavasena ito gati. Anurūpagamanaṃ gati nāma tadubhayaṃ na hoti. Cutūpapāto aparāparabhavanavasena cuti, upapajjanavasena upapāto, tadubhayampi na hoti. Evaṃ pana cutūpapāte asati nevidha na idha loke. Na huraṃ na paraloke hoti. Tato eva na ubhayattha hoti. Ayameva anto ayaṃ idhaloke paraloke ca abhāvoyeva dukkhassa pariyosānaṃ. Ayamevāti yathāvutto eva – ettha etasmiṃ pāṭhe paramparāgato pamāṇabhūto attho.
яз банаад̇и саммаваад̣̇ино санд̇хааяа вад̣̇ад̇и. анд̇араабхавам̣ ижчанд̇и ‘‘звам̣ бхавзна бхаванд̇арасамб̣анд̇хо яуж̇ж̇зяяаа’’д̇и. нирад̇т̇агам̣ анд̇араабхавасса наама гассажи абхаавад̇о. жуд̇игканд̇хаананд̇аран̃хи бадисанд̇хигканд̇хаанам̣язва баад̇убхааво. д̇знааха ‘‘анд̇араабхавасса…бз… бадигкид̇д̇оязваа’’д̇и. д̇ад̇т̇а бхаавод̇и ад̇т̇ид̇аа. абхид̇хаммз гат̇аавад̇т̇уббагаран̣з (гат̇аа. 505-507) бадигкид̇д̇оязва. яад̣̇и звам̣ ‘‘анд̇арзнаа’’д̇и ид̣̇ам̣ гат̇анд̇и ааха ‘‘анд̇арзнаа’’д̇иаад̣̇и. вигаббад̇о ан̃н̃ам̣ вигаббанд̇арам̣, д̇асса д̣̇ийбанам̣ ‘‘анд̇арзнаа’’д̇и важанам̣. на анд̇араабхавад̣̇ийбанам̣ д̇аад̣̇исасса анубалаб̣бханад̇о баяож̇анаабхаавад̇о жа. яад̇т̇а хи вибаагавин̃н̃аан̣асса бажжаяо, д̇ад̇т̇асса ниссаяабхууд̇асса вад̇т̇усса сахабхаавийнан̃жа канд̇хаанам̣ самбхавод̇и сад̣̇д̇хим̣ ад̇д̇ано ниссаязна вин̃н̃аан̣ам̣ уббаж̇ж̇ад̇зваад̇и наасса уббад̇д̇ияаа д̣̇зсад̣̇уурад̇аа взд̣̇ид̇аб̣б̣аа. ‘‘нзва ид̇ха на хура’’нд̇и вуд̇д̇ад̣̇ваяад̇о абарам̣ вигаббзна ‘‘на убхаяа’’нд̇и, д̇ад̇т̇аби на ход̇иязваад̇и ад̇хиббааяо. ‘‘анд̇арзнаа’’д̇и ваа ‘‘винаа’’д̇и иминаа самаанад̇т̇о нибаад̇о, д̇асмаа нзвид̇ха, на хурам̣, убхаяам̣ винааби нзваад̇и ад̇т̇о.
Ye panāti sammavādino sandhāya vadati. Antarābhavaṃ icchanti ‘‘evaṃ bhavena bhavantarasambandho yujjeyyā’’ti. Niratthakaṃ antarābhavassa nāma kassaci abhāvato. Cutikkhandhānantarañhi paṭisandhikkhandhānaṃyeva pātubhāvo. Tenāha ‘‘antarābhavassa…pe… paṭikkhittoyevā’’ti. Tattha bhāvoti atthitā. Abhidhamme kathāvatthuppakaraṇe (kathā. 505-507) paṭikkhittoyeva. Yadi evaṃ ‘‘antarenā’’ti idaṃ kathanti āha ‘‘antarenā’’tiādi. Vikappato aññaṃ vikappantaraṃ, tassa dīpanaṃ ‘‘antarenā’’ti vacanaṃ. Na antarābhavadīpanaṃ tādisassa anupalabbhanato payojanābhāvato ca. Yattha hi vipākaviññāṇassa paccayo, tatthassa nissayabhūtassa vatthussa sahabhāvīnañca khandhānaṃ sambhavoti saddhiṃ attano nissayena viññāṇaṃ uppajjatevāti nāssa uppattiyā desadūratā veditabbā. ‘‘Neva idha na hura’’nti vuttadvayato aparaṃ vikappena ‘‘na ubhaya’’nti, tatthapi na hotiyevāti adhippāyo. ‘‘Antarenā’’ti vā ‘‘vinā’’ti iminā samānattho nipāto, tasmā nevidha, na huraṃ, ubhayaṃ vināpi nevāti attho.
аахарийд̇и чиннавасзна г̇ан̣хи. д̇знааха ‘‘ган̣танаал̣ам̣ чинд̣̇ий’’д̇и. бариг̇г̇ан̣ханд̇од̇и саммасанд̇о. бариниб̣б̣уд̇о д̣̇ийгхарад̇д̇ам̣ вибассанааяам̣ яуд̇д̇абаяуд̇д̇абхаавад̇о. ‘‘анубаваж̇ж̇ам̣ чаннзна бхигкунаа сад̇т̇ам̣ аахарид̇а’’нд̇и, гат̇зсийд̇и асзгкагаалз б̣яаагаран̣ам̣ вияа гад̇ваа гат̇зси.
Āharīti chinnavasena gaṇhi. Tenāha ‘‘kaṇṭhanāḷaṃ chindī’’ti. Pariggaṇhantoti sammasanto. Parinibbuto dīgharattaṃ vipassanāyaṃ yuttapayuttabhāvato. ‘‘Anupavajjaṃ channena bhikkhunā satthaṃ āharita’’nti, kathesīti asekkhakāle byākaraṇaṃ viya katvā kathesi.
иминаад̇и ‘‘убаваж̇ж̇агулааний’’д̇и иминаа важанзна. т̇зрод̇и саарибуд̇д̇ад̇т̇зро. званд̇и звам̣ буб̣б̣агаалзсу сам̣садтавихаарий худ̇ваа тид̇о бажчаа арахад̇д̇ам̣ баабун̣иссад̇ийд̇и аасан̇ганд̇о бужчад̇и. сзсам̣ уд̇д̇аанамзва.
Imināti ‘‘upavajjakulānī’’ti iminā vacanena. Theroti sāriputtatthero. Evanti evaṃ pubbakālesu saṃsaṭṭhavihārī hutvā ṭhito pacchā arahattaṃ pāpuṇissatīti āsaṅkanto pucchati. Sesaṃ uttānameva.
чаннасуд̇д̇аван̣н̣анаа нидтид̇аа.
Channasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. чаннасуд̇д̇ам̣ • 4. Channasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. чаннасуд̇д̇аван̣н̣анаа • 4. Channasuttavaṇṇanā
