| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. छन्नसुत्तवण्णना
8. Channasuttavaṇṇanā
९०. मक्खीति गुणमक्खनलक्खणेन मक्खेन समन्नागतो। पळासीति युगग्गाहलक्खणेन पळासेन समन्नागतो। एतं अवोचाति ‘‘ओवदन्तु मं…पे॰… पस्सेय्य’’न्ति एतं अवोच।
90.Makkhīti guṇamakkhanalakkhaṇena makkhena samannāgato. Paḷāsīti yugaggāhalakkhaṇena paḷāsena samannāgato. Etaṃ avocāti ‘‘ovadantu maṃ…pe… passeyya’’nti etaṃ avoca.
थेरन्ति छन्नत्थेरं। अत्तनो दुग्गहणेन कञ्चि उपारम्भम्पि करेय्य। तेन वुत्तं ‘‘एवं किर नेसं अहोसी’’तिआदि। निद्दोसमेवस्स कत्वाति आदितो अनुरूपत्तमेव कत्वा सद्धम्मं कथेस्सामाति।
Theranti channattheraṃ. Attano duggahaṇena kañci upārambhampi kareyya. Tena vuttaṃ ‘‘evaṃ kira nesaṃ ahosī’’tiādi. Niddosamevassa katvāti ādito anurūpattameva katvā saddhammaṃ kathessāmāti.
परितस्सना उपादानन्ति भयपरितस्सना दिट्ठुपादानं। अनत्तनि सति अनत्तकतानि कम्मानि कमत्तानं फुसिस्सन्तीति भयपरितस्सना चेव दिट्ठुपादानञ्च उप्पज्जति। पटिनिवत्ततीति यथारद्धविपस्सनातो पटिनिवत्तति, नासक्खीति अत्थो। कस्मा पनेतस्स विपस्सनमनुयुञ्जन्तस्स एवं अहोसीति तत्थ कारणं वदति ‘‘अयं किरा’’तिआदिना। एवन्ति ‘‘को नु खो मे अत्ता’’ति एवं न होति। तावतिका विस्सत्थीति ‘‘मय्हं धम्मं देसेतू’’ति वुत्तविस्सासो अत्थीति अत्थो। इदं कच्चानसत्थं अद्दसाति योजना। ‘‘द्वयनिस्सितो, कच्चान, लोको’’तिआदि दिट्ठिविनिवेठना। ‘‘एते ते, कच्चान, उभो अन्ते अनुपगम्मा’’तिआदि बुद्धबलदीपना।
Paritassanā upādānanti bhayaparitassanā diṭṭhupādānaṃ. Anattani sati anattakatāni kammāni kamattānaṃ phusissantīti bhayaparitassanā ceva diṭṭhupādānañca uppajjati. Paṭinivattatīti yathāraddhavipassanāto paṭinivattati, nāsakkhīti attho. Kasmā panetassa vipassanamanuyuñjantassa evaṃ ahosīti tattha kāraṇaṃ vadati ‘‘ayaṃ kirā’’tiādinā. Evanti ‘‘ko nu kho me attā’’ti evaṃ na hoti. Tāvatikā vissatthīti ‘‘mayhaṃ dhammaṃ desetū’’ti vuttavissāso atthīti attho. Idaṃ kaccānasatthaṃ addasāti yojanā. ‘‘Dvayanissito, kaccāna, loko’’tiādi diṭṭhiviniveṭhanā. ‘‘Ete te, kaccāna, ubho ante anupagammā’’tiādi buddhabaladīpanā.
छन्नसुत्तवण्णना निट्ठिता।
Channasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. छन्नसुत्तं • 8. Channasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. छन्नसुत्तवण्णना • 8. Channasuttavaṇṇanā
