| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੮) ੩. ਆਨਨ੍ਦવਗ੍ਗੋ
(8) 3. Ānandavaggo
੧. ਛਨ੍ਨਸੁਤ੍ਤવਣ੍ਣਨਾ
1. Channasuttavaṇṇanā
੭੨. ਤਤਿਯਸ੍ਸ ਪਠਮੇ ਛਨ੍ਨੋਤਿ ਏવਂਨਾਮਕੋ ਛਨ੍ਨਪਰਿਬ੍ਬਾਜਕੋ। ਤੁਮ੍ਹੇਪਿ, ਆવੁਸੋਤਿ, ਆવੁਸੋ, ਯਥਾ ਮਯਂ ਰਾਗਾਦੀਨਂ ਪਹਾਨਂ ਪਞ੍ਞਾਪੇਮ, ਕਿਂ ਏવਂ ਤੁਮ੍ਹੇਪਿ ਪਞ੍ਞਾਪੇਥਾਤਿ ਪੁਚ੍ਛਤਿ। ਤਤੋ ਥੇਰੋ ‘‘ਅਯਂ ਪਰਿਬ੍ਬਾਜਕੋ ਅਮ੍ਹੇ ਰਾਗਾਦੀਨਂ ਪਹਾਨਂ ਪਞ੍ਞਾਪੇਮਾਤਿ વਦਤਿ, ਨਤ੍ਥਿ ਪਨੇਤਂ ਬਾਹਿਰਸਮਯੇ’’ਤਿ ਤਂ ਪਟਿਕ੍ਖਿਪਨ੍ਤੋ ਮਯਂ ਖੋ, ਆવੁਸੋਤਿਆਦਿਮਾਹ। ਤਤ੍ਥ ਖੋਤਿ ਅવਧਾਰਣਤ੍ਥੇ ਨਿਪਾਤੋ, ਮਯਮੇવ ਪਞ੍ਞਾਪੇਮਾਤਿ ਅਤ੍ਥੋ। ਤਤੋ ਪਰਿਬ੍ਬਾਜਕੋ ਚਿਨ੍ਤੇਸਿ ‘‘ਅਯਂ ਥੇਰੋ ਬਾਹਿਰਸਮਯਂ ਲੁਞ੍ਚਿਤ੍વਾ ਹਰਨ੍ਤੋ ‘ਮਯਮੇવਾ’ਤਿ ਆਹ। ਕਿਂ ਨੁ ਖੋ ਆਦੀਨવਂ ਦਿਸ੍વਾ ਏਤੇ ਏਤੇਸਂ ਪਹਾਨਂ ਪਞ੍ਞਾਪੇਨ੍ਤੀ’’ਤਿ। ਅਥ ਥੇਰਂ ਪੁਚ੍ਛਨ੍ਤੋ ਕਿਂ ਪਨ ਤੁਮ੍ਹੇਤਿਆਦਿਮਾਹ। ਥੇਰੋ ਤਸ੍ਸ ਬ੍ਯਾਕਰੋਨ੍ਤੋ ਰਤ੍ਤੋ ਖੋਤਿਆਦਿਮਾਹ। ਤਤ੍ਥ ਅਤ੍ਤਤ੍ਥਨ੍ਤਿ ਦਿਟ੍ਠਧਮ੍ਮਿਕਸਮ੍ਪਰਾਯਿਕਂ ਲੋਕਿਯਲੋਕੁਤ੍ਤਰਂ ਅਤ੍ਤਨੋ ਅਤ੍ਥਂ। ਪਰਤ੍ਥਉਭਯਤ੍ਥੇਸੁਪਿ ਏਸੇવ ਨਯੋ।
72. Tatiyassa paṭhame channoti evaṃnāmako channaparibbājako. Tumhepi, āvusoti, āvuso, yathā mayaṃ rāgādīnaṃ pahānaṃ paññāpema, kiṃ evaṃ tumhepi paññāpethāti pucchati. Tato thero ‘‘ayaṃ paribbājako amhe rāgādīnaṃ pahānaṃ paññāpemāti vadati, natthi panetaṃ bāhirasamaye’’ti taṃ paṭikkhipanto mayaṃ kho, āvusotiādimāha. Tattha khoti avadhāraṇatthe nipāto, mayameva paññāpemāti attho. Tato paribbājako cintesi ‘‘ayaṃ thero bāhirasamayaṃ luñcitvā haranto ‘mayamevā’ti āha. Kiṃ nu kho ādīnavaṃ disvā ete etesaṃ pahānaṃ paññāpentī’’ti. Atha theraṃ pucchanto kiṃ pana tumhetiādimāha. Thero tassa byākaronto ratto khotiādimāha. Tattha attatthanti diṭṭhadhammikasamparāyikaṃ lokiyalokuttaraṃ attano atthaṃ. Paratthaubhayatthesupi eseva nayo.
ਅਨ੍ਧਕਰਣੋਤਿਆਦੀਸੁ ਯਸ੍ਸ ਰਾਗੋ ਉਪ੍ਪਜ੍ਜਤਿ, ਤਂ ਯਥਾਭੂਤਦਸ੍ਸਨਨਿવਾਰਣੇਨ ਅਨ੍ਧਂ ਕਰੋਤੀਤਿ ਅਨ੍ਧਕਰਣੋ। ਪਞ੍ਞਾਚਕ੍ਖੁਂ ਨ ਕਰੋਤੀਤਿ ਅਚਕ੍ਖੁਕਰਣੋ। ਞਾਣਂ ਨ ਕਰੋਤੀਤਿ ਅਞ੍ਞਾਣਕਰਣੋ। ਕਮ੍ਮਸ੍ਸਕਤਪਞ੍ਞਾ ਝਾਨਪਞ੍ਞਾ વਿਪਸ੍ਸਨਾਪਞ੍ਞਾਤਿ ਇਮਾ ਤਿਸ੍ਸੋ ਪਞ੍ਞਾ ਅਪ੍ਪવਤ੍ਤਿਕਰਣੇਨ ਨਿਰੋਧੇਤੀਤਿ ਪਞ੍ਞਾਨਿਰੋਧਿਕੋ। ਅਨਿਟ੍ਠਫਲਦਾਯਕਤ੍ਤਾ ਦੁਕ੍ਖਸਙ੍ਖਾਤਸ੍ਸ વਿਘਾਤਸ੍ਸੇવ ਪਕ੍ਖੇ વਤ੍ਤਤੀਤਿ વਿਘਾਤਪਕ੍ਖਿਕੋ। ਕਿਲੇਸਨਿਬ੍ਬਾਨਂ ਨ ਸਂવਤ੍ਤੇਤੀਤਿ ਅਨਿਬ੍ਬਾਨਸਂવਤ੍ਤਨਿਕੋ। ਅਲਞ੍ਚ ਪਨਾવੁਸੋ ਆਨਨ੍ਦ, ਅਪ੍ਪਮਾਦਾਯਾਤਿ, ਆવੁਸੋ ਆਨਨ੍ਦ, ਸਚੇ ਏવਰੂਪਾ ਪਟਿਪਦਾ ਅਤ੍ਥਿ, ਅਲਂ ਤੁਮ੍ਹਾਕਂ ਅਪ੍ਪਮਾਦਾਯ ਯੁਤ੍ਤਂ ਅਨੁਚ੍ਛવਿਕਂ, ਅਪ੍ਪਮਾਦਂ ਕਰੋਥ, ਆવੁਸੋਤਿ ਥੇਰਸ੍ਸ વਚਨਂ ਅਨੁਮੋਦਿਤ੍વਾ ਪਕ੍ਕਾਮਿ। ਇਮਸ੍ਮਿਂ ਸੁਤ੍ਤੇ ਅਰਿਯਮਗ੍ਗੋ ਲੋਕੁਤ੍ਤਰਮਿਸ੍ਸਕੋ ਕਥਿਤੋ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
Andhakaraṇotiādīsu yassa rāgo uppajjati, taṃ yathābhūtadassananivāraṇena andhaṃ karotīti andhakaraṇo. Paññācakkhuṃ na karotīti acakkhukaraṇo. Ñāṇaṃ na karotīti aññāṇakaraṇo. Kammassakatapaññā jhānapaññā vipassanāpaññāti imā tisso paññā appavattikaraṇena nirodhetīti paññānirodhiko. Aniṭṭhaphaladāyakattā dukkhasaṅkhātassa vighātasseva pakkhe vattatīti vighātapakkhiko. Kilesanibbānaṃ na saṃvattetīti anibbānasaṃvattaniko. Alañca panāvuso ānanda, appamādāyāti, āvuso ānanda, sace evarūpā paṭipadā atthi, alaṃ tumhākaṃ appamādāya yuttaṃ anucchavikaṃ, appamādaṃ karotha, āvusoti therassa vacanaṃ anumoditvā pakkāmi. Imasmiṃ sutte ariyamaggo lokuttaramissako kathito. Sesamettha uttānatthamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਛਨ੍ਨਸੁਤ੍ਤਂ • 1. Channasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਛਨ੍ਨਸੁਤ੍ਤવਣ੍ਣਨਾ • 1. Channasuttavaṇṇanā
