| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਛਨ੍ਨਸੁਤ੍ਤવਣ੍ਣਨਾ
8. Channasuttavaṇṇanā
੯੦. ਮਕ੍ਖੀਤਿ ਗੁਣਮਕ੍ਖਨਲਕ੍ਖਣੇਨ ਮਕ੍ਖੇਨ ਸਮਨ੍ਨਾਗਤੋ। ਪਲ਼ਾਸੀਤਿ ਯੁਗਗ੍ਗਾਹਲਕ੍ਖਣੇਨ ਪਲ਼ਾਸੇਨ ਸਮਨ੍ਨਾਗਤੋ। ਏਤਂ ਅવੋਚਾਤਿ ‘‘ਓવਦਨ੍ਤੁ ਮਂ…ਪੇ॰… ਪਸ੍ਸੇਯ੍ਯ’’ਨ੍ਤਿ ਏਤਂ ਅવੋਚ।
90.Makkhīti guṇamakkhanalakkhaṇena makkhena samannāgato. Paḷāsīti yugaggāhalakkhaṇena paḷāsena samannāgato. Etaṃ avocāti ‘‘ovadantu maṃ…pe… passeyya’’nti etaṃ avoca.
ਥੇਰਨ੍ਤਿ ਛਨ੍ਨਤ੍ਥੇਰਂ। ਅਤ੍ਤਨੋ ਦੁਗ੍ਗਹਣੇਨ ਕਞ੍ਚਿ ਉਪਾਰਮ੍ਭਮ੍ਪਿ ਕਰੇਯ੍ਯ। ਤੇਨ વੁਤ੍ਤਂ ‘‘ਏવਂ ਕਿਰ ਨੇਸਂ ਅਹੋਸੀ’’ਤਿਆਦਿ। ਨਿਦ੍ਦੋਸਮੇવਸ੍ਸ ਕਤ੍વਾਤਿ ਆਦਿਤੋ ਅਨੁਰੂਪਤ੍ਤਮੇવ ਕਤ੍વਾ ਸਦ੍ਧਮ੍ਮਂ ਕਥੇਸ੍ਸਾਮਾਤਿ।
Theranti channattheraṃ. Attano duggahaṇena kañci upārambhampi kareyya. Tena vuttaṃ ‘‘evaṃ kira nesaṃ ahosī’’tiādi. Niddosamevassa katvāti ādito anurūpattameva katvā saddhammaṃ kathessāmāti.
ਪਰਿਤਸ੍ਸਨਾ ਉਪਾਦਾਨਨ੍ਤਿ ਭਯਪਰਿਤਸ੍ਸਨਾ ਦਿਟ੍ਠੁਪਾਦਾਨਂ। ਅਨਤ੍ਤਨਿ ਸਤਿ ਅਨਤ੍ਤਕਤਾਨਿ ਕਮ੍ਮਾਨਿ ਕਮਤ੍ਤਾਨਂ ਫੁਸਿਸ੍ਸਨ੍ਤੀਤਿ ਭਯਪਰਿਤਸ੍ਸਨਾ ਚੇવ ਦਿਟ੍ਠੁਪਾਦਾਨਞ੍ਚ ਉਪ੍ਪਜ੍ਜਤਿ। ਪਟਿਨਿવਤ੍ਤਤੀਤਿ ਯਥਾਰਦ੍ਧવਿਪਸ੍ਸਨਾਤੋ ਪਟਿਨਿવਤ੍ਤਤਿ, ਨਾਸਕ੍ਖੀਤਿ ਅਤ੍ਥੋ। ਕਸ੍ਮਾ ਪਨੇਤਸ੍ਸ વਿਪਸ੍ਸਨਮਨੁਯੁਞ੍ਜਨ੍ਤਸ੍ਸ ਏવਂ ਅਹੋਸੀਤਿ ਤਤ੍ਥ ਕਾਰਣਂ વਦਤਿ ‘‘ਅਯਂ ਕਿਰਾ’’ਤਿਆਦਿਨਾ। ਏવਨ੍ਤਿ ‘‘ਕੋ ਨੁ ਖੋ ਮੇ ਅਤ੍ਤਾ’’ਤਿ ਏવਂ ਨ ਹੋਤਿ। ਤਾવਤਿਕਾ વਿਸ੍ਸਤ੍ਥੀਤਿ ‘‘ਮਯ੍ਹਂ ਧਮ੍ਮਂ ਦੇਸੇਤੂ’’ਤਿ વੁਤ੍ਤવਿਸ੍ਸਾਸੋ ਅਤ੍ਥੀਤਿ ਅਤ੍ਥੋ। ਇਦਂ ਕਚ੍ਚਾਨਸਤ੍ਥਂ ਅਦ੍ਦਸਾਤਿ ਯੋਜਨਾ। ‘‘ਦ੍વਯਨਿਸ੍ਸਿਤੋ, ਕਚ੍ਚਾਨ, ਲੋਕੋ’’ਤਿਆਦਿ ਦਿਟ੍ਠਿવਿਨਿવੇਠਨਾ। ‘‘ਏਤੇ ਤੇ, ਕਚ੍ਚਾਨ, ਉਭੋ ਅਨ੍ਤੇ ਅਨੁਪਗਮ੍ਮਾ’’ਤਿਆਦਿ ਬੁਦ੍ਧਬਲਦੀਪਨਾ।
Paritassanā upādānanti bhayaparitassanā diṭṭhupādānaṃ. Anattani sati anattakatāni kammāni kamattānaṃ phusissantīti bhayaparitassanā ceva diṭṭhupādānañca uppajjati. Paṭinivattatīti yathāraddhavipassanāto paṭinivattati, nāsakkhīti attho. Kasmā panetassa vipassanamanuyuñjantassa evaṃ ahosīti tattha kāraṇaṃ vadati ‘‘ayaṃ kirā’’tiādinā. Evanti ‘‘ko nu kho me attā’’ti evaṃ na hoti. Tāvatikā vissatthīti ‘‘mayhaṃ dhammaṃ desetū’’ti vuttavissāso atthīti attho. Idaṃ kaccānasatthaṃ addasāti yojanā. ‘‘Dvayanissito, kaccāna, loko’’tiādi diṭṭhiviniveṭhanā. ‘‘Ete te, kaccāna, ubho ante anupagammā’’tiādi buddhabaladīpanā.
ਛਨ੍ਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Channasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਛਨ੍ਨਸੁਤ੍ਤਂ • 8. Channasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਛਨ੍ਨਸੁਤ੍ਤવਣ੍ਣਨਾ • 8. Channasuttavaṇṇanā
