| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. чаннад̇т̇зраг̇аат̇ааван̣н̣анаа
9. Channattheragāthāvaṇṇanā
суд̇ваана д̇хаммам̣ махад̇о махаарасанд̇и ааяасмад̇о чаннад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о сид̣̇д̇хад̇т̇асса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сид̣̇д̇хад̇т̇ам̣ бхаг̇аванд̇ам̣ ан̃н̃ад̇арам̣ ругкамуулам̣ убаг̇ажчанд̇ам̣ д̣̇исваа басаннажид̇д̇о муд̣̇усампассам̣ бан̣н̣асант̇арам̣ сант̇арид̇ваа ад̣̇ааси. бубпзхи жа саманд̇ад̇о огирид̇ваа бууж̇ам̣ агааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа бунаби абараабарам̣ бун̃н̃аани гад̇ваа суг̇ад̇ийсуязва сам̣саранд̇о амхаагам̣ бхаг̇авад̇о гаалз суд̣̇д̇ход̣̇анамахаарааж̇асса г̇зхз д̣̇аасияаа гужчимхи ниб̣б̣ад̇д̇и, чаннод̇исса наамам̣ ахоси, б̣од̇хисад̇д̇зна сахаж̇аад̇о. со сад̇т̇у н̃аад̇исамааг̇амз бадилад̣̇д̇хасад̣̇д̇хо баб̣б̣аж̇ид̇ваа бхаг̇авад̇и бзмзна, ‘‘амхаагам̣ б̣уд̣̇д̇хо, амхаагам̣ д̇хаммо’’д̇и мамад̇д̇ам̣ уббаад̣̇зд̇ваа синзхам̣ чинд̣̇ид̇ум̣ асаггонд̇о саман̣ад̇хаммам̣ агад̇ваа сад̇т̇ари бариниб̣б̣уд̇з сад̇т̇аараа аан̣ад̇д̇авид̇хинаа гад̇зна б̣рахмад̣̇ан̣д̣зна санд̇аж̇ж̇ид̇о сам̣взг̇аббад̇д̇о худ̇ваа синзхам̣ чинд̣̇ид̇ваа вибассанд̇о нажирзнзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.10.45-50) –
Sutvānadhammaṃ mahato mahārasanti āyasmato channattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto siddhatthassa bhagavato kāle kulagehe nibbattitvā viññutaṃ patto ekadivasaṃ siddhatthaṃ bhagavantaṃ aññataraṃ rukkhamūlaṃ upagacchantaṃ disvā pasannacitto mudusamphassaṃ paṇṇasantharaṃ santharitvā adāsi. Pupphehi ca samantato okiritvā pūjaṃ akāsi. So tena puññakammena devaloke nibbattitvā punapi aparāparaṃ puññāni katvā sugatīsuyeva saṃsaranto amhākaṃ bhagavato kāle suddhodanamahārājassa gehe dāsiyā kucchimhi nibbatti, channotissa nāmaṃ ahosi, bodhisattena sahajāto. So satthu ñātisamāgame paṭiladdhasaddho pabbajitvā bhagavati pemena, ‘‘amhākaṃ buddho, amhākaṃ dhammo’’ti mamattaṃ uppādetvā sinehaṃ chindituṃ asakkonto samaṇadhammaṃ akatvā satthari parinibbute satthārā āṇattavidhinā katena brahmadaṇḍena santajjito saṃvegappatto hutvā sinehaṃ chinditvā vipassanto nacireneva arahattaṃ pāpuṇi. Tena vuttaṃ apadāne (apa. thera 1.10.45-50) –
‘‘сид̣̇д̇хад̇т̇асса бхаг̇авад̇о, ад̣̇аасим̣ бан̣н̣асант̇арам̣;
‘‘Siddhatthassa bhagavato, adāsiṃ paṇṇasantharaṃ;
саманд̇аа убахааран̃жа, гусумам̣ огирим̣ ахам̣.
Samantā upahārañca, kusumaṃ okiriṃ ahaṃ.
‘‘баасаад̣̇звам̣ г̇ун̣ам̣ раммам̣, анубхоми махаарахам̣;
‘‘Pāsādevaṃ guṇaṃ rammaṃ, anubhomi mahārahaṃ;
махаг̇гхаани жа бубпаани, саяанзбхисаванд̇и мз.
Mahagghāni ca pupphāni, sayanebhisavanti me.
‘‘саяанзхам̣ д̇уваддаами, вижид̇д̇з бубпасант̇ад̇з;
‘‘Sayanehaṃ tuvaṭṭāmi, vicitte pupphasanthate;
бубпавудти жа саяанз, абхивассад̇и д̇аавад̣̇з.
Pupphavuṭṭhi ca sayane, abhivassati tāvade.
‘‘жад̇уннавуд̇ид̇о габбз, ад̣̇аасим̣ бан̣н̣асант̇арам̣;
‘‘Catunnavutito kappe, adāsiṃ paṇṇasantharaṃ;
д̣̇уг̇г̇ад̇им̣ наабхиж̇аанаами, сант̇арасса ид̣̇ам̣ палам̣.
Duggatiṃ nābhijānāmi, santharassa idaṃ phalaṃ.
‘‘д̇ин̣асант̇арагаа наама, сад̇д̇зд̇з жаггавад̇д̇ино;
‘‘Tiṇasantharakā nāma, sattete cakkavattino;
ид̇о д̇з бан̃жамз габбз, уббаж̇ж̇им̣су ж̇анаад̇хибаа.
Ito te pañcame kappe, uppajjiṃsu janādhipā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вимуд̇д̇исукасанд̇аббид̇о бийд̇ивзг̇ависсадтам̣ уд̣̇аанам̣ уд̣̇аанзнд̇о –
Arahattaṃ pana patvā vimuttisukhasantappito pītivegavissaṭṭhaṃ udānaṃ udānento –
69.
69.
‘‘суд̇ваана д̇хаммам̣ махад̇о махаарасам̣,
‘‘Sutvāna dhammaṃ mahato mahārasaṃ,
саб̣б̣ан̃н̃уд̇ан̃н̃аан̣аварзна д̣̇зсид̇ам̣;
Sabbaññutaññāṇavarena desitaṃ;
маг̇г̇ам̣ бабаж̇ж̇им̣ амад̇асса бад̇д̇ияаа,
Maggaṃ papajjiṃ amatassa pattiyā,
со яог̇агкзмасса бат̇асса говид̣̇о’’д̇и. – г̇аат̇ам̣ абхааси;
So yogakkhemassa pathassa kovido’’ti. – gāthaṃ abhāsi;
д̇ад̇т̇а суд̇ваанаад̇и сун̣ид̇ваа, сод̇зна г̇ахзд̇ваа охид̇асод̇о сод̇ад̣̇ваараанусаарзна убад̇хаарзд̇ваа. д̇хамманд̇и жад̇усажжад̇хаммам̣. махад̇од̇и бхаг̇авад̇о. бхаг̇аваа хи маханд̇зхи ул̣аарад̇амзхи сийлаад̣̇иг̇ун̣зхи саманнааг̇ад̇ад̇д̇аа, сад̣̇звагзна логзна висзсад̇о маханийяад̇ааяа жа ‘‘махаа’’д̇и вужжад̇и, яаа д̇асса махаасаман̣од̇и саман̃н̃аа ж̇аад̇аа. ниссаггаважанан̃жзд̇ам̣ ‘‘махад̇о д̇хаммам̣ суд̇ваанаа’’д̇и. махаарасанд̇и вимуд̇д̇ирасасса д̣̇ааяагад̇д̇аа ул̣аарарасам̣. саб̣б̣ан̃н̃уд̇ан̃н̃аан̣аварзна д̣̇зсид̇анд̇и саб̣б̣ам̣ ж̇аанаад̇ийд̇и саб̣б̣ан̃н̃уу, д̇асса бхааво саб̣б̣ан̃н̃уд̇аа. н̃аан̣амзва варам̣, н̃аан̣зсу ваа варанд̇и н̃аан̣аварам̣, саб̣б̣ан̃н̃уд̇аа н̃аан̣аварам̣ зд̇ассаад̇и саб̣б̣ан̃н̃уд̇ан̃н̃аан̣аваро, бхаг̇аваа. д̇зна саб̣б̣ан̃н̃уд̇ан̃н̃аан̣асан̇каад̇ааг̇г̇ан̃аан̣зна ваа гаран̣абхууд̇зна д̣̇зсид̇ам̣ гат̇ид̇ам̣ д̇хаммам̣ суд̇ваанаад̇и яож̇анаа. яам̣ банзд̇т̇а вад̇д̇аб̣б̣ам̣, д̇ам̣ барамад̇т̇ад̣̇ийбанияам̣ ид̇ивуд̇д̇агаван̣н̣анааяам̣ вуд̇д̇анаязна взд̣̇ид̇аб̣б̣ам̣. маг̇г̇анд̇и адтан̇г̇игам̣ арияамаг̇г̇ам̣. бабаж̇ж̇инд̇и бадибаж̇ж̇им̣. амад̇асса бад̇д̇ияаад̇и ниб̣б̣аанасса ад̇хиг̇амааяа убааяабхууд̇ам̣ бадибаж̇ж̇инд̇и яож̇анаа. сод̇и со бхаг̇аваа. яог̇агкзмасса бат̇асса говид̣̇од̇и жад̇уухи яог̇зхи анубад̣̇д̣̇уд̇асса ниб̣б̣аанасса яо бат̇о, д̇асса говид̣̇о д̇ад̇т̇а сугусало. аяан̃хзд̇т̇а ад̇т̇о – бхаг̇авад̇о жад̇усажжад̣̇зсанам̣ суд̇ваа амад̇аад̇хиг̇амуубааяамаг̇г̇ам̣ ахам̣ бадибаж̇ж̇им̣ бадибаж̇ж̇анамаг̇г̇ам̣ маяаа гад̇ам̣, со зва бана бхаг̇аваа саб̣б̣ат̇аа яог̇агкзмасса бат̇асса говид̣̇о, барасанд̇аанз ваа бараманзсу гусало, яасса сам̣вид̇хаанамааг̇амма ахамби маг̇г̇ам̣ бадибаж̇ж̇инд̇и. аяамзва жа т̇зрасса ан̃н̃ааб̣яаагаран̣аг̇аат̇аа ахосийд̇и.
Tattha sutvānāti suṇitvā, sotena gahetvā ohitasoto sotadvārānusārena upadhāretvā. Dhammanti catusaccadhammaṃ. Mahatoti bhagavato. Bhagavā hi mahantehi uḷāratamehi sīlādiguṇehi samannāgatattā, sadevakena lokena visesato mahanīyatāya ca ‘‘mahā’’ti vuccati, yā tassa mahāsamaṇoti samaññā jātā. Nissakkavacanañcetaṃ ‘‘mahato dhammaṃ sutvānā’’ti. Mahārasanti vimuttirasassa dāyakattā uḷārarasaṃ. Sabbaññutaññāṇavarena desitanti sabbaṃ jānātīti sabbaññū, tassa bhāvo sabbaññutā. Ñāṇameva varaṃ, ñāṇesu vā varanti ñāṇavaraṃ, sabbaññutā ñāṇavaraṃ etassāti sabbaññutaññāṇavaro, bhagavā. Tena sabbaññutaññāṇasaṅkhātaaggañāṇena vā karaṇabhūtena desitaṃ kathitaṃ dhammaṃ sutvānāti yojanā. Yaṃ panettha vattabbaṃ, taṃ paramatthadīpaniyaṃ itivuttakavaṇṇanāyaṃ vuttanayena veditabbaṃ. Magganti aṭṭhaṅgikaṃ ariyamaggaṃ. Papajjinti paṭipajjiṃ. Amatassa pattiyāti nibbānassa adhigamāya upāyabhūtaṃ paṭipajjinti yojanā. Soti so bhagavā. Yogakkhemassa pathassa kovidoti catūhi yogehi anupaddutassa nibbānassa yo patho, tassa kovido tattha sukusalo. Ayañhettha attho – bhagavato catusaccadesanaṃ sutvā amatādhigamūpāyamaggaṃ ahaṃ paṭipajjiṃ paṭipajjanamaggaṃ mayā kataṃ, so eva pana bhagavā sabbathā yogakkhemassa pathassa kovido, parasantāne vā paramanesu kusalo, yassa saṃvidhānamāgamma ahampi maggaṃ paṭipajjinti. Ayameva ca therassa aññābyākaraṇagāthā ahosīti.
чаннад̇т̇зраг̇аат̇ааван̣н̣анаа нидтид̇аа.
Channattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. чаннад̇т̇зраг̇аат̇аа • 9. Channattheragāthā
