| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. чанноваад̣̇асуд̇д̇ам̣
2. Channovādasuttaṃ
389. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа жа саарибуд̇д̇о ааяасмаа жа махаажунд̣̇о ааяасмаа жа чанно г̇иж̇жхагуудз баб̣б̣ад̇з вихаранд̇и. д̇зна ко бана самаязна ааяасмаа чанно ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа махаажунд̣̇о д̇знубасан̇гами; убасан̇гамид̇ваа ааяасманд̇ам̣ махаажунд̣̇ам̣ зд̇ад̣̇авожа – ‘‘ааяаамаавусо жунд̣̇а, язнааяасмаа чанно д̇знубасан̇гамиссаама г̇илаанабужчагаа’’д̇и. ‘‘звамаавусо’’д̇и ко ааяасмаа махаажунд̣̇о ааяасмад̇о саарибуд̇д̇асса бажжассоси.
389. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā ca sāriputto āyasmā ca mahācundo āyasmā ca channo gijjhakūṭe pabbate viharanti. Tena kho pana samayena āyasmā channo ābādhiko hoti dukkhito bāḷhagilāno. Atha kho āyasmā sāriputto sāyanhasamayaṃ paṭisallānā vuṭṭhito yenāyasmā mahācundo tenupasaṅkami; upasaṅkamitvā āyasmantaṃ mahācundaṃ etadavoca – ‘‘āyāmāvuso cunda, yenāyasmā channo tenupasaṅkamissāma gilānapucchakā’’ti. ‘‘Evamāvuso’’ti kho āyasmā mahācundo āyasmato sāriputtassa paccassosi.
ат̇а ко ааяасмаа жа саарибуд̇д̇о ааяасмаа жа махаажунд̣̇о язнааяасмаа чанно д̇знубасан̇гамим̣су; убасан̇гамид̇ваа ааяасмад̇аа чаннзна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисинно ко ааяасмаа саарибуд̇д̇о ааяасманд̇ам̣ чаннам̣ зд̇ад̣̇авожа – ‘‘гажжи д̇з, аавусо чанна, каманийяам̣, гажжи яаабанийяам̣? гажжи д̇з д̣̇угкаа взд̣̇анаа бадиггаманд̇и, но абхиггаманд̇и; бадиггамосаанам̣ бан̃н̃ааяад̇и, но абхиггамо’’д̇и?
Atha kho āyasmā ca sāriputto āyasmā ca mahācundo yenāyasmā channo tenupasaṅkamiṃsu; upasaṅkamitvā āyasmatā channena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinno kho āyasmā sāriputto āyasmantaṃ channaṃ etadavoca – ‘‘kacci te, āvuso channa, khamanīyaṃ, kacci yāpanīyaṃ? Kacci te dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo’’ti?
‘‘на мз, аавусо саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо. сзяяат̇ааби , аавусо саарибуд̇д̇а, б̣алаваа бурисо д̇ин̣хзна сикарзна муд̣̇д̇хани абхимад̇т̇зяяа; звамзва ко мз, аавусо саарибуд̇д̇а, ад̇химад̇д̇аа ваад̇аа муд̣̇д̇хани уухананд̇и. на мз, аавусо саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и но бадиггамо. сзяяат̇ааби, аавусо саарибуд̇д̇а, б̣алаваа бурисо д̣̇ал̣хзна варад̇д̇агкан̣д̣зна сийсз сийсавзтам̣ д̣̇ад̣̇зяяа; звамзва ко мз, аавусо саарибуд̇д̇а, ад̇химад̇д̇аа сийсз сийсавзд̣̇анаа. на мз, аавусо саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо. сзяяат̇ааби, аавусо саарибуд̇д̇а, д̣̇агко г̇огхаад̇аго ваа г̇огхаад̇аганд̇зваасий ваа д̇ин̣хзна г̇овиганд̇анзна гужчим̣ бариганд̇зяяа; звамзва ко мз, аавусо саарибуд̇д̇а, ад̇химад̇д̇аа ваад̇аа гужчим̣ бариганд̇анд̇и. на мз, аавусо саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо. сзяяат̇ааби, аавусо саарибуд̇д̇а, д̣̇вз б̣алаванд̇о бурисаа д̣̇уб̣б̣алад̇арам̣ бурисам̣ наанааб̣аахаасу г̇ахзд̇ваа ан̇г̇аарагаасуяаа санд̇аабзяяум̣ самбарид̇аабзяяум̣; звамзва ко мз, аавусо саарибуд̇д̇а, ад̇химад̇д̇о гааяасмим̣ д̣аахо. на мз, аавусо саарибуд̇д̇а, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо. сад̇т̇ам̣, аавусо саарибуд̇д̇а, аахариссаами, нааваган̇каами ж̇ийвид̇а’’нд̇и.
‘‘Na me, āvuso sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo. Seyyathāpi , āvuso sāriputta, balavā puriso tiṇhena sikharena muddhani abhimattheyya; evameva kho me, āvuso sāriputta, adhimattā vātā muddhani ūhananti. Na me, āvuso sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati no paṭikkamo. Seyyathāpi, āvuso sāriputta, balavā puriso daḷhena varattakkhaṇḍena sīse sīsaveṭhaṃ dadeyya; evameva kho me, āvuso sāriputta, adhimattā sīse sīsavedanā. Na me, āvuso sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo. Seyyathāpi, āvuso sāriputta, dakkho goghātako vā goghātakantevāsī vā tiṇhena govikantanena kucchiṃ parikanteyya; evameva kho me, āvuso sāriputta, adhimattā vātā kucchiṃ parikantanti. Na me, āvuso sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo. Seyyathāpi, āvuso sāriputta, dve balavanto purisā dubbalataraṃ purisaṃ nānābāhāsu gahetvā aṅgārakāsuyā santāpeyyuṃ samparitāpeyyuṃ; evameva kho me, āvuso sāriputta, adhimatto kāyasmiṃ ḍāho. Na me, āvuso sāriputta, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo. Satthaṃ, āvuso sāriputta, āharissāmi, nāvakaṅkhāmi jīvita’’nti.
390. ‘‘мааяасмаа чанно сад̇т̇ам̣ аахарзси. яаабзд̇ааяасмаа чанно. яаабзнд̇ам̣ маяам̣ ааяасманд̇ам̣ чаннам̣ ижчаама. сажз ааяасмад̇о чаннасса над̇т̇и саббааяаани бхож̇анаани, ахам̣ ааяасмад̇о чаннасса саббааяаани бхож̇анаани бариязсиссаами. сажз ааяасмад̇о чаннасса над̇т̇и саббааяаани бхзсаж̇ж̇аани, ахам̣ ааяасмад̇о чаннасса саббааяаани бхзсаж̇ж̇аани бариязсиссаами. сажз ааяасмад̇о чаннасса над̇т̇и бад̇ируубаа убадтаагаа, ахам̣ ааяасманд̇ам̣ чаннам̣ убадтахиссаами. мааяасмаа чанно сад̇т̇ам̣ аахарзси. яаабзд̇ааяасмаа чанно. яаабзнд̇ам̣ маяам̣ ааяасманд̇ам̣ чаннам̣ ижчаамаа’’д̇и.
390. ‘‘Māyasmā channo satthaṃ āharesi. Yāpetāyasmā channo. Yāpentaṃ mayaṃ āyasmantaṃ channaṃ icchāma. Sace āyasmato channassa natthi sappāyāni bhojanāni, ahaṃ āyasmato channassa sappāyāni bhojanāni pariyesissāmi. Sace āyasmato channassa natthi sappāyāni bhesajjāni, ahaṃ āyasmato channassa sappāyāni bhesajjāni pariyesissāmi. Sace āyasmato channassa natthi patirūpā upaṭṭhākā, ahaṃ āyasmantaṃ channaṃ upaṭṭhahissāmi. Māyasmā channo satthaṃ āharesi. Yāpetāyasmā channo. Yāpentaṃ mayaṃ āyasmantaṃ channaṃ icchāmā’’ti.
‘‘наби мз, аавусо саарибуд̇д̇а, над̇т̇и саббааяаани бхож̇анаани; наби мз над̇т̇и саббааяаани бхзсаж̇ж̇аани; наби мз над̇т̇и бад̇ируубаа убадтаагаа; аби жаавусо саарибуд̇д̇а , барижин̣н̣о мз сад̇т̇аа д̣̇ийгхарад̇д̇ам̣ манаабзнзва но аманаабзна. зд̇ан̃хи, аавусо саарибуд̇д̇а, саавагасса бад̇ируубам̣ яам̣ сад̇т̇аарам̣ барижарзяяа манаабзнзва но аманаабзна. ‘анубаваж̇ж̇ам̣ чанно бхигку сад̇т̇ам̣ аахариссад̇ий’д̇и звамзд̇ам̣ 1, аавусо саарибуд̇д̇а, д̇хаарзхий’’д̇и. ‘‘бужчзяяаама маяам̣ ааяасманд̇ам̣ чаннам̣ ган̃жид̣̇зва д̣̇зсам̣, сажз ааяасмаа чанно огаасам̣ гарод̇и бан̃хасса взяяаагаран̣ааяаа’’д̇и. ‘‘бужчаавусо саарибуд̇д̇а, суд̇ваа взд̣̇иссаамий’’д̇и.
‘‘Napi me, āvuso sāriputta, natthi sappāyāni bhojanāni; napi me natthi sappāyāni bhesajjāni; napi me natthi patirūpā upaṭṭhākā; api cāvuso sāriputta , pariciṇṇo me satthā dīgharattaṃ manāpeneva no amanāpena. Etañhi, āvuso sāriputta, sāvakassa patirūpaṃ yaṃ satthāraṃ paricareyya manāpeneva no amanāpena. ‘Anupavajjaṃ channo bhikkhu satthaṃ āharissatī’ti evametaṃ 2, āvuso sāriputta, dhārehī’’ti. ‘‘Puccheyyāma mayaṃ āyasmantaṃ channaṃ kañcideva desaṃ, sace āyasmā channo okāsaṃ karoti pañhassa veyyākaraṇāyā’’ti. ‘‘Pucchāvuso sāriputta, sutvā vedissāmī’’ti.
391. ‘‘жагкум̣, аавусо чанна, жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз ‘зд̇ам̣ мама, зсохамасми, зсо мз ад̇д̇аа’д̇и саманубассаси? сод̇ам̣, аавусо чанна, сод̇авин̃н̃аан̣ам̣…бз… гхаанам̣, аавусо чанна, гхаанавин̃н̃аан̣ам̣… ж̇ивхам̣, аавусо чанна, ж̇ивхаавин̃н̃аан̣ам̣ … гааяам̣, аавусо чанна, гааяавин̃н̃аан̣ам̣… манам̣, аавусо чанна, мановин̃н̃аан̣ам̣ мановин̃н̃аан̣авин̃н̃аад̇аб̣б̣з д̇хаммз ‘зд̇ам̣ мама, зсохамасми, зсо мз ад̇д̇аа’д̇и саманубассасий’’д̇и?
391. ‘‘Cakkhuṃ, āvuso channa, cakkhuviññāṇaṃ cakkhuviññāṇaviññātabbe dhamme ‘etaṃ mama, esohamasmi, eso me attā’ti samanupassasi? Sotaṃ, āvuso channa, sotaviññāṇaṃ…pe… ghānaṃ, āvuso channa, ghānaviññāṇaṃ… jivhaṃ, āvuso channa, jivhāviññāṇaṃ … kāyaṃ, āvuso channa, kāyaviññāṇaṃ… manaṃ, āvuso channa, manoviññāṇaṃ manoviññāṇaviññātabbe dhamme ‘etaṃ mama, esohamasmi, eso me attā’ti samanupassasī’’ti?
‘‘жагкум̣, аавусо саарибуд̇д̇а, жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаами. сод̇ам̣, аавусо саарибуд̇д̇а…бз… гхаанам̣, аавусо саарибуд̇д̇а… ж̇ивхам̣, аавусо саарибуд̇д̇а… гааяам̣, аавусо саарибуд̇д̇а… манам̣, аавусо саарибуд̇д̇а, мановин̃н̃аан̣ам̣ мановин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаамий’’д̇и.
‘‘Cakkhuṃ, āvuso sāriputta, cakkhuviññāṇaṃ cakkhuviññāṇaviññātabbe dhamme ‘netaṃ mama, nesohamasmi, na meso attā’ti samanupassāmi. Sotaṃ, āvuso sāriputta…pe… ghānaṃ, āvuso sāriputta… jivhaṃ, āvuso sāriputta… kāyaṃ, āvuso sāriputta… manaṃ, āvuso sāriputta, manoviññāṇaṃ manoviññāṇaviññātabbe dhamme ‘netaṃ mama, nesohamasmi, na meso attā’ti samanupassāmī’’ti.
392. ‘‘жагкусмим̣, аавусо чанна, жагкувин̃н̃аан̣з жагкувин̃н̃аан̣авин̃н̃аад̇аб̣б̣зсу д̇хаммзсу гим̣ д̣̇исваа гим̣ абхин̃н̃ааяа жагкум̣ жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаси? сод̇асмим̣, аавусо чанна, сод̇авин̃н̃аан̣з … гхаанасмим̣, аавусо чанна, гхаанавин̃н̃аан̣з… ж̇ивхааяа, аавусо чанна, ж̇ивхаавин̃н̃аан̣з… гааяасмим̣, аавусо чанна, гааяавин̃н̃аан̣з… манасмим̣, аавусо чанна, мановин̃н̃аан̣з мановин̃н̃аан̣авин̃н̃аад̇аб̣б̣зсу д̇хаммзсу гим̣ д̣̇исваа гим̣ абхин̃н̃ааяа манам̣ мановин̃н̃аан̣ам̣ мановин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассасий’’д̇и?
392. ‘‘Cakkhusmiṃ, āvuso channa, cakkhuviññāṇe cakkhuviññāṇaviññātabbesu dhammesu kiṃ disvā kiṃ abhiññāya cakkhuṃ cakkhuviññāṇaṃ cakkhuviññāṇaviññātabbe dhamme ‘netaṃ mama, nesohamasmi, na meso attā’ti samanupassasi? Sotasmiṃ, āvuso channa, sotaviññāṇe … ghānasmiṃ, āvuso channa, ghānaviññāṇe… jivhāya, āvuso channa, jivhāviññāṇe… kāyasmiṃ, āvuso channa, kāyaviññāṇe… manasmiṃ, āvuso channa, manoviññāṇe manoviññāṇaviññātabbesu dhammesu kiṃ disvā kiṃ abhiññāya manaṃ manoviññāṇaṃ manoviññāṇaviññātabbe dhamme ‘netaṃ mama, nesohamasmi, na meso attā’ti samanupassasī’’ti?
‘‘жагкусмим̣ , аавусо саарибуд̇д̇а, жагкувин̃н̃аан̣з жагкувин̃н̃аан̣авин̃н̃аад̇аб̣б̣зсу д̇хаммзсу нирод̇хам̣ д̣̇исваа нирод̇хам̣ абхин̃н̃ааяа жагкум̣ жагкувин̃н̃аан̣ам̣ жагкувин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаами. сод̇асмим̣, аавусо саарибуд̇д̇а, сод̇авин̃н̃аан̣з… гхаанасмим̣, аавусо саарибуд̇д̇а, гхаанавин̃н̃аан̣з… ж̇ивхааяа, аавусо саарибуд̇д̇а, ж̇ивхаавин̃н̃аан̣з… гааяасмим̣, аавусо саарибуд̇д̇а, гааяавин̃н̃аан̣з… манасмим̣, аавусо саарибуд̇д̇а, мановин̃н̃аан̣з мановин̃н̃аан̣авин̃н̃аад̇аб̣б̣зсу д̇хаммзсу нирод̇хам̣ д̣̇исваа нирод̇хам̣ абхин̃н̃аа манам̣ мановин̃н̃аан̣ам̣ мановин̃н̃аан̣авин̃н̃аад̇аб̣б̣з д̇хаммз ‘нзд̇ам̣ мама, нзсохамасми, на мзсо ад̇д̇аа’д̇и саманубассаамий’’д̇и.
‘‘Cakkhusmiṃ , āvuso sāriputta, cakkhuviññāṇe cakkhuviññāṇaviññātabbesu dhammesu nirodhaṃ disvā nirodhaṃ abhiññāya cakkhuṃ cakkhuviññāṇaṃ cakkhuviññāṇaviññātabbe dhamme ‘netaṃ mama, nesohamasmi, na meso attā’ti samanupassāmi. Sotasmiṃ, āvuso sāriputta, sotaviññāṇe… ghānasmiṃ, āvuso sāriputta, ghānaviññāṇe… jivhāya, āvuso sāriputta, jivhāviññāṇe… kāyasmiṃ, āvuso sāriputta, kāyaviññāṇe… manasmiṃ, āvuso sāriputta, manoviññāṇe manoviññāṇaviññātabbesu dhammesu nirodhaṃ disvā nirodhaṃ abhiññā manaṃ manoviññāṇaṃ manoviññāṇaviññātabbe dhamme ‘netaṃ mama, nesohamasmi, na meso attā’ti samanupassāmī’’ti.
393. звам̣ вуд̇д̇з, ааяасмаа махаажунд̣̇о ааяасманд̇ам̣ чаннам̣ зд̇ад̣̇авожа – ‘‘д̇асмаад̇иха, аавусо чанна, ид̣̇амби д̇асса бхаг̇авад̇о саасанам̣ 3, нижжагаббам̣ манаси гаад̇аб̣б̣ам̣ – ‘ниссид̇асса жалид̇ам̣, аниссид̇асса жалид̇ам̣ над̇т̇и. жалид̇з асад̇и бассад̣̇д̇хи, бассад̣̇д̇хияаа сад̇и над̇и на ход̇и. над̇ияаа асад̇и ааг̇ад̇иг̇ад̇и на ход̇и. ааг̇ад̇иг̇ад̇ияаа асад̇и жуд̇уубабаад̇о на ход̇и. жуд̇уубабаад̇з асад̇и нзвид̇ха на хурам̣ на убхаяаманд̇арзна. зсзванд̇о д̣̇угкассаа’’’д̇и. ат̇а ко ааяасмаа жа саарибуд̇д̇о ааяасмаа жа махаажунд̣̇о ааяасманд̇ам̣ чаннам̣ иминаа оваад̣̇зна овад̣̇ид̇ваа удтааяаасанаа баггамим̣су.
393. Evaṃ vutte, āyasmā mahācundo āyasmantaṃ channaṃ etadavoca – ‘‘tasmātiha, āvuso channa, idampi tassa bhagavato sāsanaṃ 4, niccakappaṃ manasi kātabbaṃ – ‘nissitassa calitaṃ, anissitassa calitaṃ natthi. Calite asati passaddhi, passaddhiyā sati nati na hoti. Natiyā asati āgatigati na hoti. Āgatigatiyā asati cutūpapāto na hoti. Cutūpapāte asati nevidha na huraṃ na ubhayamantarena. Esevanto dukkhassā’’’ti. Atha kho āyasmā ca sāriputto āyasmā ca mahācundo āyasmantaṃ channaṃ iminā ovādena ovaditvā uṭṭhāyāsanā pakkamiṃsu.
394. ат̇а ко ааяасмаа чанно ажирабагганд̇з ааяасманд̇з жа саарибуд̇д̇з ааяасманд̇з жа махаажунд̣̇з сад̇т̇ам̣ аахарзси. ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘ааяасмад̇аа, бханд̇з, чаннзна сад̇т̇ам̣ аахарид̇ам̣. д̇асса гаа г̇ад̇и, го абхисамбарааяо’’д̇и? ‘‘нану д̇з, саарибуд̇д̇а, чаннзна бхигкунаа саммукааязва анубаваж̇ж̇ад̇аа б̣яаагад̇аа’’д̇и? ‘‘ад̇т̇и, бханд̇з, буб̣б̣аж̇ирам̣ 5 наама важ̇ж̇иг̇аамо. д̇ад̇т̇ааяасмад̇о чаннасса мид̇д̇агулаани сухаж̇ж̇агулаани убаваж̇ж̇агулааний’’д̇и. ‘‘хонд̇и 6 хзд̇з, саарибуд̇д̇а, чаннасса бхигкуно мид̇д̇агулаани сухаж̇ж̇агулаани убаваж̇ж̇агулаани. наахам̣, саарибуд̇д̇а, зд̇д̇аавад̇аа ‘саубаваж̇ж̇о’д̇и вад̣̇аами. яо ко, саарибуд̇д̇а, иман̃жа гааяам̣ нигкибад̇и ан̃н̃ан̃жа гааяам̣ убаад̣̇ияад̇и д̇амахам̣ ‘саубаваж̇ж̇о’д̇и вад̣̇аами. д̇ам̣ чаннасса бхигкуно над̇т̇и. ‘анубаваж̇ж̇о чанно бхигку сад̇т̇ам̣ аахарзсий’д̇и звамзд̇ам̣, саарибуд̇д̇а, д̇хаарзхий’’д̇и.
394. Atha kho āyasmā channo acirapakkante āyasmante ca sāriputte āyasmante ca mahācunde satthaṃ āharesi. Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca – ‘‘āyasmatā, bhante, channena satthaṃ āharitaṃ. Tassa kā gati, ko abhisamparāyo’’ti? ‘‘Nanu te, sāriputta, channena bhikkhunā sammukhāyeva anupavajjatā byākatā’’ti? ‘‘Atthi, bhante, pubbajiraṃ 7 nāma vajjigāmo. Tatthāyasmato channassa mittakulāni suhajjakulāni upavajjakulānī’’ti. ‘‘Honti 8 hete, sāriputta, channassa bhikkhuno mittakulāni suhajjakulāni upavajjakulāni. Nāhaṃ, sāriputta, ettāvatā ‘saupavajjo’ti vadāmi. Yo kho, sāriputta, imañca kāyaṃ nikkhipati aññañca kāyaṃ upādiyati tamahaṃ ‘saupavajjo’ti vadāmi. Taṃ channassa bhikkhuno natthi. ‘Anupavajjo channo bhikkhu satthaṃ āharesī’ti evametaṃ, sāriputta, dhārehī’’ti.
ид̣̇амавожа бхаг̇аваа. ад̇д̇амано ааяасмаа саарибуд̇д̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā sāriputto bhagavato bhāsitaṃ abhinandīti.
чанноваад̣̇асуд̇д̇ам̣ нидтид̇ам̣ д̣̇уд̇ияам̣.
Channovādasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. чанноваад̣̇асуд̇д̇аван̣н̣анаа • 2. Channovādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. чанноваад̣̇асуд̇д̇аван̣н̣анаа • 2. Channovādasuttavaṇṇanā
