| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੨. ਛਨ੍ਨੋવਾਦਸੁਤ੍ਤવਣ੍ਣਨਾ
2. Channovādasuttavaṇṇanā
੩੮੯. ਏવਂ ਮੇ ਸੁਤਨ੍ਤਿ ਛਨ੍ਨੋવਾਦਸੁਤ੍ਤਂ। ਤਤ੍ਥ ਛਨ੍ਨੋਤਿ ਏવਂਨਾਮਕੋ ਥੇਰੋ, ਨ ਅਭਿਨਿਕ੍ਖਮਨਂ ਨਿਕ੍ਖਨ੍ਤਤ੍ਥੇਰੋ। ਪਟਿਸਲ੍ਲਾਨਾਤਿ ਫਲਸਮਾਪਤ੍ਤਿਤੋ। ਗਿਲਾਨਪੁਚ੍ਛਕਾਤਿ ਗਿਲਾਨੁਪਟ੍ਠਾਨਂ ਨਾਮ ਬੁਦ੍ਧવਣ੍ਣਿਤਂ, ਤਸ੍ਮਾ ਏવਮਾਹ। ਸਤ੍ਥਨ੍ਤਿ ਜੀવਿਤਹਾਰਕਸਤ੍ਥਂ। ਨਾવਕਙ੍ਖਾਮੀਤਿ ਇਚ੍ਛਾਮਿ।
389.Evaṃme sutanti channovādasuttaṃ. Tattha channoti evaṃnāmako thero, na abhinikkhamanaṃ nikkhantatthero. Paṭisallānāti phalasamāpattito. Gilānapucchakāti gilānupaṭṭhānaṃ nāma buddhavaṇṇitaṃ, tasmā evamāha. Satthanti jīvitahārakasatthaṃ. Nāvakaṅkhāmīti icchāmi.
੩੯੦. ਅਨੁਪવਜ੍ਜਨ੍ਤਿ ਅਨੁਪ੍ਪਤ੍ਤਿਕਂ ਅਪ੍ਪਟਿਸਨ੍ਧਿਕਂ।
390.Anupavajjanti anuppattikaṃ appaṭisandhikaṃ.
੩੯੧. ਏਤਂ ਮਮਾਤਿਆਦੀਨਿ ਤਣ੍ਹਾਮਾਨਦਿਟ੍ਠਿਗਾਹવਸੇਨ વੁਤ੍ਤਾਨਿ। ਨਿਰੋਧਂ ਦਿਸ੍વਾਤਿ ਖਯવਯਂ ਞਤ੍વਾ। ਨੇਤਂ ਮਮ ਨੇਸੋਹਮਸ੍ਮਿ ਨ ਮੇਸੋ ਅਤ੍ਤਾਤਿ ਸਮਨੁਪਸ੍ਸਾਮੀਤਿ ਅਨਿਚ੍ਚਂ ਦੁਕ੍ਖਂ ਅਨਤ੍ਤਾਤਿ ਸਮਨੁਪਸ੍ਸਾਮਿ।
391.Etaṃ mamātiādīni taṇhāmānadiṭṭhigāhavasena vuttāni. Nirodhaṃ disvāti khayavayaṃ ñatvā. Netaṃ mama nesohamasmi na meso attāti samanupassāmīti aniccaṃ dukkhaṃ anattāti samanupassāmi.
੩੯੩. ਤਸ੍ਮਾਤਿ ਯਸ੍ਮਾ ਮਾਰਣਨ੍ਤਿਕવੇਦਨਂ ਅਧਿવਾਸੇਤੁਂ ਅਸਕ੍ਕੋਨ੍ਤੋ ਸਤ੍ਥਂ ਆਹਰਾਮੀਤਿ વਦਤਿ, ਤਸ੍ਮਾ। ਪੁਥੁਜ੍ਜਨੋ ਆਯਸ੍ਮਾ, ਤੇਨ ਇਦਮ੍ਪਿ ਮਨਸਿ ਕਰੋਹੀਤਿ ਦੀਪੇਤਿ। ਨਿਚ੍ਚਕਪ੍ਪਨ੍ਤਿ ਨਿਚ੍ਚਕਾਲਂ। ਨਿਸ੍ਸਿਤਸ੍ਸਾਤਿ ਤਣ੍ਹਾਦਿਟ੍ਠੀਹਿ ਨਿਸ੍ਸਿਤਸ੍ਸ। ਚਲਿਤਨ੍ਤਿ વਿਪ੍ਫਨ੍ਦਿਤਂ ਹੋਤਿ। ਪਸ੍ਸਦ੍ਧੀਤਿ ਕਾਯਚਿਤ੍ਤਪਸ੍ਸਦ੍ਧਿ, ਕਿਲੇਸਪਸ੍ਸਦ੍ਧਿ ਨਾਮ ਹੋਤੀਤਿ ਅਤ੍ਥੋ। ਨਤੀਤਿ ਤਣ੍ਹਾਨਤਿ। ਨਤਿਯਾ ਅਸਤੀਤਿ ਭવਤ੍ਥਾਯ ਆਲਯਨਿਕਨ੍ਤਿਪਰਿਯੁਟ੍ਠਾਨੇਸੁ ਅਸਤਿ। ਆਗਤਿਗਤਿ ਨ ਹੋਤੀਤਿ ਪਟਿਸਨ੍ਧਿવਸੇਨ ਆਗਤਿ ਨਾਮ ਨ ਹੋਤਿ, ਚੁਤਿવਸੇਨ ਗਮਨਂ ਨਾਮ ਨ ਹੋਤਿ। ਚੁਤੂਪਪਾਤੋਤਿ ਚવਨવਸੇਨ ਚੁਤਿ, ਉਪਪਜ੍ਜਨવਸੇਨ ਉਪਪਾਤੋ। ਨੇવਿਧ ਨ ਹੁਰਂ ਨ ਉਭਯਮਨ੍ਤਰੇਨਾਤਿ ਨਯਿਧ ਲੋਕੇ, ਨ ਪਰਲੋਕੇ, ਨ ਉਭਯਤ੍ਥ ਹੋਤਿ। ਏਸੇવਨ੍ਤੋ ਦੁਕ੍ਖਸ੍ਸਾਤਿ વਟ੍ਟਦੁਕ੍ਖਕਿਲੇਸਦੁਕ੍ਖਸ੍ਸ ਅਯਮੇવ ਅਨ੍ਤੋ ਅਯਂ ਪਰਿਚ੍ਛੇਦੋ ਪਰਿવਟੁਮਭਾવੋ ਹੋਤਿ। ਅਯਮੇવ ਹਿ ਏਤ੍ਥ ਅਤ੍ਥੋ। ਯੇ ਪਨ ‘‘ਨ ਉਭਯਮਨ੍ਤਰੇਨਾ’’ਤਿ વਚਨਂ ਗਹੇਤ੍વਾ ਅਨ੍ਤਰਾਭવਂ ਇਚ੍ਛਨ੍ਤਿ, ਤੇਸਂ ਉਤ੍ਤਰਂ ਹੇਟ੍ਠਾ વੁਤ੍ਤਮੇવ।
393.Tasmāti yasmā māraṇantikavedanaṃ adhivāsetuṃ asakkonto satthaṃ āharāmīti vadati, tasmā. Puthujjano āyasmā, tena idampi manasi karohīti dīpeti. Niccakappanti niccakālaṃ. Nissitassāti taṇhādiṭṭhīhi nissitassa. Calitanti vipphanditaṃ hoti. Passaddhīti kāyacittapassaddhi, kilesapassaddhi nāma hotīti attho. Natīti taṇhānati. Natiyā asatīti bhavatthāya ālayanikantipariyuṭṭhānesu asati. Āgatigati na hotīti paṭisandhivasena āgati nāma na hoti, cutivasena gamanaṃ nāma na hoti. Cutūpapātoti cavanavasena cuti, upapajjanavasena upapāto. Nevidha na huraṃ na ubhayamantarenāti nayidha loke, na paraloke, na ubhayattha hoti. Esevanto dukkhassāti vaṭṭadukkhakilesadukkhassa ayameva anto ayaṃ paricchedo parivaṭumabhāvo hoti. Ayameva hi ettha attho. Ye pana ‘‘na ubhayamantarenā’’ti vacanaṃ gahetvā antarābhavaṃ icchanti, tesaṃ uttaraṃ heṭṭhā vuttameva.
੩੯੪. ਸਤ੍ਥਂ ਆਹਰੇਸੀਤਿ ਜੀવਿਤਹਾਰਕਂ ਸਤ੍ਥਂ ਆਹਰਿ, ਕਣ੍ਠਨਾਲ਼ਿਂ ਛਿਨ੍ਦਿ। ਅਥਸ੍ਸ ਤਸ੍ਮਿਂ ਖਣੇ ਮਰਣਭਯਂ ਓਕ੍ਕਮਿ, ਗਤਿਨਿਮਿਤ੍ਤਂ ਉਪਟ੍ਠਾਸਿ। ਸੋ ਅਤ੍ਤਨੋ ਪੁਥੁਜ੍ਜਨਭਾવਂ ਞਤ੍વਾ ਸਂવਿਗ੍ਗੋ વਿਪਸ੍ਸਨਂ ਪਟ੍ਠਪੇਤ੍વਾ ਸਙ੍ਖਾਰੇ ਪਰਿਗ੍ਗਣ੍ਹਨ੍ਤੋ ਅਰਹਤ੍ਤਂ ਪਤ੍વਾ ਸਮਸੀਸੀ ਹੁਤ੍વਾ ਪਰਿਨਿਬ੍ਬਾਯਿ। ਸਮ੍ਮੁਖਾਯੇવ ਅਨੁਪવਜ੍ਜਤਾ ਬ੍ਯਾਕਤਾਤਿ ਕਿਞ੍ਚਾਪਿ ਇਦਂ ਥੇਰਸ੍ਸ ਪੁਥੁਜ੍ਜਨਕਾਲੇ ਬ੍ਯਾਕਰਣਂ ਹੋਤਿ, ਏਤੇਨ ਪਨ ਬ੍ਯਾਕਰਣੇਨ ਅਨਨ੍ਤਰਾਯਮਸ੍ਸ ਪਰਿਨਿਬ੍ਬਾਨਂ ਅਹੋਸਿ। ਤਸ੍ਮਾ ਭਗવਾ ਤਮੇવ ਬ੍ਯਾਕਰਣਂ ਗਹੇਤ੍વਾ ਕਥੇਸਿ। ਉਪવਜ੍ਜਕੁਲਾਨੀਤਿ ਉਪਸਙ੍ਕਮਿਤਬ੍ਬਕੁਲਾਨਿ। ਇਮਿਨਾ ਥੇਰੋ, – ‘‘ਭਨ੍ਤੇ, ਏવਂ ਉਪਟ੍ਠਾਕੇਸੁ ਚ ਉਪਟ੍ਠਾਯਿਕਾਸੁ ਚ વਿਜ੍ਜਮਾਨਾਸੁ ਸੋ ਭਿਕ੍ਖੁ ਤੁਮ੍ਹਾਕਂ ਸਾਸਨੇ ਪਰਿਨਿਬ੍ਬਾਯਿਸ੍ਸਤੀ’’ਤਿ ਪੁਚ੍ਛਤਿ। ਅਥਸ੍ਸ ਭਗવਾ ਕੁਲੇਸੁ ਸਂਸਗ੍ਗਾਭਾવਂ ਦੀਪੇਨ੍ਤੋ ਹੋਨ੍ਤਿ ਹੇਤੇ ਸਾਰਿਪੁਤ੍ਤਾਤਿਆਦਿਮਾਹ। ਇਮਸ੍ਮਿਂ ਕਿਰ ਠਾਨੇ ਥੇਰਸ੍ਸ ਕੁਲੇਸੁ ਅਸਂਸਟ੍ਠਭਾવੋ ਪਾਕਟੋ ਅਹੋਸਿ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
394.Satthaṃ āharesīti jīvitahārakaṃ satthaṃ āhari, kaṇṭhanāḷiṃ chindi. Athassa tasmiṃ khaṇe maraṇabhayaṃ okkami, gatinimittaṃ upaṭṭhāsi. So attano puthujjanabhāvaṃ ñatvā saṃviggo vipassanaṃ paṭṭhapetvā saṅkhāre pariggaṇhanto arahattaṃ patvā samasīsī hutvā parinibbāyi. Sammukhāyeva anupavajjatā byākatāti kiñcāpi idaṃ therassa puthujjanakāle byākaraṇaṃ hoti, etena pana byākaraṇena anantarāyamassa parinibbānaṃ ahosi. Tasmā bhagavā tameva byākaraṇaṃ gahetvā kathesi. Upavajjakulānīti upasaṅkamitabbakulāni. Iminā thero, – ‘‘bhante, evaṃ upaṭṭhākesu ca upaṭṭhāyikāsu ca vijjamānāsu so bhikkhu tumhākaṃ sāsane parinibbāyissatī’’ti pucchati. Athassa bhagavā kulesu saṃsaggābhāvaṃ dīpento honti hete sāriputtātiādimāha. Imasmiṃ kira ṭhāne therassa kulesu asaṃsaṭṭhabhāvo pākaṭo ahosi. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਛਨ੍ਨੋવਾਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Channovādasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੨. ਛਨ੍ਨੋવਾਦਸੁਤ੍ਤਂ • 2. Channovādasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੨. ਛਨ੍ਨੋવਾਦਸੁਤ੍ਤવਣ੍ਣਨਾ • 2. Channovādasuttavaṇṇanā
