| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. чапассааяад̇анасуд̇д̇ам̣
7. Chaphassāyatanasuttaṃ
153. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна бхаг̇аваа чаннам̣ пассааяад̇анаанам̣ убаад̣̇ааяа бхигкуунам̣ д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и.
153. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tena kho pana samayena bhagavā channaṃ phassāyatanānaṃ upādāya bhikkhūnaṃ dhammiyā kathāya sandasseti samādapeti samuttejeti sampahaṃseti. Te ca bhikkhū aṭṭhiṃ katvā manasi katvā sabbacetasā samannāharitvā ohitasotā dhammaṃ suṇanti.
ат̇а ко маарасса баабимад̇о зд̇ад̣̇ахоси – ‘‘аяам̣ ко саман̣о г̇од̇амо чаннам̣ пассааяад̇анаанам̣ убаад̣̇ааяа бхигкуунам̣ д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и саббахам̣сзд̇и . д̇з жа бхигкуу адтим̣ гад̇ваа манаси гад̇ваа саб̣б̣ажзд̇асаа саманнаахарид̇ваа охид̇асод̇аа д̇хаммам̣ сун̣анд̇и. яам̣нуунаахам̣ язна саман̣о г̇од̇амо д̇знубасан̇гамзяяам̣ вижагкугаммааяаа’’д̇и. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇авад̇о авид̣̇уурз маханд̇ам̣ бхаяабхзравам̣ сад̣̇д̣̇амагааси, абиссуд̣̇ам̣ бат̇авий ман̃н̃з унд̣̇рийяад̇и 1. ат̇а ко ан̃н̃ад̇аро бхигку ан̃н̃ад̇арам̣ бхигкум̣ зд̇ад̣̇авожа – ‘‘бхигку, бхигку, зсаа бат̇авий ман̃н̃з унд̣̇рийяад̇ий’’д̇и. звам̣ вуд̇д̇з, бхаг̇аваа д̇ам̣ бхигкум̣ зд̇ад̣̇авожа – ‘‘нзсаа бхигку бат̇авий унд̣̇рийяад̇и. мааро зсо баабимаа д̇умхаагам̣ вижагкугаммааяа ааг̇ад̇о’’д̇и. ат̇а ко бхаг̇аваа ‘‘мааро аяам̣ баабимаа’’ ид̇и вид̣̇ид̇ваа маарам̣ баабиманд̇ам̣ г̇аат̇ааяа аж̇жхабхааси –
Atha kho mārassa pāpimato etadahosi – ‘‘ayaṃ kho samaṇo gotamo channaṃ phassāyatanānaṃ upādāya bhikkhūnaṃ dhammiyā kathāya sandasseti samādapeti samuttejeti sappahaṃseti . Te ca bhikkhū aṭṭhiṃ katvā manasi katvā sabbacetasā samannāharitvā ohitasotā dhammaṃ suṇanti. Yaṃnūnāhaṃ yena samaṇo gotamo tenupasaṅkameyyaṃ vicakkhukammāyā’’ti. Atha kho māro pāpimā yena bhagavā tenupasaṅkami; upasaṅkamitvā bhagavato avidūre mahantaṃ bhayabheravaṃ saddamakāsi, apissudaṃ pathavī maññe undrīyati 2. Atha kho aññataro bhikkhu aññataraṃ bhikkhuṃ etadavoca – ‘‘bhikkhu, bhikkhu, esā pathavī maññe undrīyatī’’ti. Evaṃ vutte, bhagavā taṃ bhikkhuṃ etadavoca – ‘‘nesā bhikkhu pathavī undrīyati. Māro eso pāpimā tumhākaṃ vicakkhukammāya āgato’’ti. Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāya ajjhabhāsi –
‘‘руубаа сад̣̇д̣̇аа расаа г̇анд̇хаа, пассаа д̇хаммаа жа гзвалаа;
‘‘Rūpā saddā rasā gandhā, phassā dhammā ca kevalā;
зд̇ам̣ логаамисам̣ гхорам̣, зд̇т̇а лого вимужчид̇о.
Etaṃ lokāmisaṃ ghoraṃ, ettha loko vimucchito.
‘‘зд̇ан̃жа самад̇иггамма, сад̇о б̣уд̣̇д̇хасса сааваго;
‘‘Etañca samatikkamma, sato buddhassa sāvako;
маарад̇хзяяам̣ ад̇иггамма, аад̣̇ижжова вирожад̇ий’’д̇и.
Māradheyyaṃ atikkamma, ādiccova virocatī’’ti.
ат̇а ко мааро баабимаа…бз… д̇ад̇т̇званд̇арад̇хааяийд̇и.
Atha kho māro pāpimā…pe… tatthevantaradhāyīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. чапассааяад̇анасуд̇д̇аван̣н̣анаа • 7. Chaphassāyatanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. чапассааяад̇анасуд̇д̇аван̣н̣анаа • 7. Chaphassāyatanasuttavaṇṇanā
