| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
७. छफस्सायतनसुत्तवण्णना
7. Chaphassāyatanasuttavaṇṇanā
१५३. सत्तमे फस्सायतनानन्ति सञ्जातिसमोसरणट्ठेन छद्वारिकस्स फस्सस्स आयतनानं। भयभेरवं सद्दन्ति मेघदुन्दुभिअसनिपातसद्दसदिसं भयजनकं सद्दं। पथवी मञ्ञे उन्द्रीयतीति अयं महापथवी पटपटसद्दं कुरुमाना विय अहोसि। एत्थ लोको विमुच्छितोति एतेसु छसु आरम्मणेसु लोको अधिमुच्छितो। मारधेय्यन्ति मारस्स ठानभूतं तेभूमकवट्टं। सत्तमं।
153. Sattame phassāyatanānanti sañjātisamosaraṇaṭṭhena chadvārikassa phassassa āyatanānaṃ. Bhayabheravaṃ saddanti meghadundubhiasanipātasaddasadisaṃ bhayajanakaṃ saddaṃ. Pathavī maññe undrīyatīti ayaṃ mahāpathavī paṭapaṭasaddaṃ kurumānā viya ahosi. Ettha loko vimucchitoti etesu chasu ārammaṇesu loko adhimucchito. Māradheyyanti mārassa ṭhānabhūtaṃ tebhūmakavaṭṭaṃ. Sattamaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ७. छफस्सायतनसुत्तं • 7. Chaphassāyatanasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ७. छफस्सायतनसुत्तवण्णना • 7. Chaphassāyatanasuttavaṇṇanā
