| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
7. ඡඵස්‌සායතනසුත්‌තවණ්‌ණනා
7. Chaphassāyatanasuttavaṇṇanā
153. සඤ්‌ජායති එතස්‌මාති සඤ්‌ජාති, සො එව සම්‌පයුත්‌තධම්‌මො සමොසරති එත්‌ථාති සමොසරණං, සො එව අත්‌ථො, තෙන සඤ්‌ජාතිසමොසරණට්‌ඨෙන. භයභෙරවං සද්‌දන්‌ති භායති එතස්‌මාති භයං, තදෙව යස්‌ස කස්‌සචි භෙරවාවහත්‌තා භෙරවං, දෙවාදිසද්‌දන්‌ති අත්‌ථො. විගතවලාහකෙ දෙවෙ උප්‌පාතවසෙන උප්‌පජ්‌ජනකසද්‌දො දෙවදුන්‌දුභි. අසනිපාතාදිසද්‌දො අසනිපාතසද්‌දො. උන්‌ද්‍රීයතීති විපරිවත්‌තති. ලොකො අධිමුච්‌ඡිතොති අතිථද්‌ධකායො විය මුච්‌ඡං ආපන්‌නො. මාරස්‌සාති කිලෙසමාරස්‌ස. ඨානභූතන්‌ති පවත්‌තිට්‌ඨානභූතං.
153. Sañjāyati etasmāti sañjāti, so eva sampayuttadhammo samosarati etthāti samosaraṇaṃ, so eva attho, tena sañjātisamosaraṇaṭṭhena. Bhayabheravaṃ saddanti bhāyati etasmāti bhayaṃ, tadeva yassa kassaci bheravāvahattā bheravaṃ, devādisaddanti attho. Vigatavalāhake deve uppātavasena uppajjanakasaddo devadundubhi. Asanipātādisaddo asanipātasaddo. Undrīyatīti viparivattati. Loko adhimucchitoti atithaddhakāyo viya mucchaṃ āpanno. Mārassāti kilesamārassa. Ṭhānabhūtanti pavattiṭṭhānabhūtaṃ.
ඡඵස්‌සායතනසුත්‌තවණ්‌ණනා නිට්‌ඨිතා.
Chaphassāyatanasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 7. ඡඵස්‌සායතනසුත්‌තං • 7. Chaphassāyatanasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7. ඡඵස්‌සායතනසුත්‌තවණ්‌ණනා • 7. Chaphassāyatanasuttavaṇṇanā
