| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. чаббаан̣агобамасуд̇д̇ам̣
10. Chappāṇakopamasuttaṃ
247. ‘‘сзяяат̇ааби, бхигкавз, бурисо аруг̇ад̇д̇о баггаг̇ад̇д̇о сараванам̣ бависзяяа. д̇асса гусаган̣дагаа жзва баад̣̇з виж̇жхзяяум̣, сарабад̇д̇аани жа г̇ад̇д̇аани 1 вилзкзяяум̣. зван̃хи со, бхигкавз, бурисо бхияяосомад̇д̇ааяа д̇ад̇онид̣̇аанам̣ д̣̇угкам̣ д̣̇оманассам̣ бадисам̣взд̣̇иязт̇а. звамзва ко, бхигкавз, ид̇хзгажжо бхигку г̇аамаг̇ад̇о ваа аран̃н̃аг̇ад̇о ваа лабхад̇и вад̇д̇аарам̣ – ‘аяан̃жа со 2 ааяасмаа звам̣гаарий звам̣самаажааро асужиг̇аамаган̣даго’д̇и. д̇ам̣ ган̣дагод̇и 3 ид̇и вид̣̇ид̇ваа сам̣варо жа асам̣варо жа взд̣̇ид̇аб̣б̣о.
247. ‘‘Seyyathāpi, bhikkhave, puriso arugatto pakkagatto saravanaṃ paviseyya. Tassa kusakaṇṭakā ceva pāde vijjheyyuṃ, sarapattāni ca gattāni 4 vilekheyyuṃ. Evañhi so, bhikkhave, puriso bhiyyosomattāya tatonidānaṃ dukkhaṃ domanassaṃ paṭisaṃvediyetha. Evameva kho, bhikkhave, idhekacco bhikkhu gāmagato vā araññagato vā labhati vattāraṃ – ‘ayañca so 5 āyasmā evaṃkārī evaṃsamācāro asucigāmakaṇṭako’ti. Taṃ kaṇṭakoti 6 iti viditvā saṃvaro ca asaṃvaro ca veditabbo.
‘‘гат̇ан̃жа , бхигкавз, асам̣варо ход̇и? ид̇ха, бхигкавз, бхигку жагкунаа руубам̣ д̣̇исваа бияаруубз руубз ад̇химужжад̇и, аббияаруубз руубз б̣яаабаж̇ж̇ад̇и, анубадтид̇агааяассад̇и жа вихарад̇и барид̇д̇ажзд̇асо. д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа бияаруубз д̇хаммз ад̇химужжад̇и, аббияаруубз д̇хаммз б̣яаабаж̇ж̇ад̇и, анубадтид̇агааяассад̇и жа вихарад̇и барид̇д̇ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и.
‘‘Kathañca , bhikkhave, asaṃvaro hoti? Idha, bhikkhave, bhikkhu cakkhunā rūpaṃ disvā piyarūpe rūpe adhimuccati, appiyarūpe rūpe byāpajjati, anupaṭṭhitakāyassati ca viharati parittacetaso. Tañca cetovimuttiṃ paññāvimuttiṃ yathābhūtaṃ nappajānāti, yatthassa te uppannā pāpakā akusalā dhammā aparisesā nirujjhanti. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya piyarūpe dhamme adhimuccati, appiyarūpe dhamme byāpajjati, anupaṭṭhitakāyassati ca viharati parittacetaso, tañca cetovimuttiṃ paññāvimuttiṃ yathābhūtaṃ nappajānāti, yatthassa te uppannā pāpakā akusalā dhammā aparisesā nirujjhanti.
‘‘сзяяат̇ааби, бхигкавз, бурисо чаббаан̣агз г̇ахзд̇ваа наанаависаяз наанааг̇ожарз д̣̇ал̣хааяа раж̇ж̇уяаа б̣анд̇хзяяа. ахим̣ г̇ахзд̇ваа д̣̇ал̣хааяа раж̇ж̇уяаа б̣анд̇хзяяа. сусумаарам̣ 7 г̇ахзд̇ваа д̣̇ал̣хааяа раж̇ж̇уяаа б̣анд̇хзяяа. багким̣ г̇ахзд̇ваа д̣̇ал̣хааяа раж̇ж̇уяаа б̣анд̇хзяяа. гуггурам̣ г̇ахзд̇ваа д̣̇ал̣хааяа раж̇ж̇уяаа б̣анд̇хзяяа . син̇г̇аалам̣ г̇ахзд̇ваа д̣̇ал̣хааяа раж̇ж̇уяаа б̣анд̇хзяяа. маггадам̣ г̇ахзд̇ваа д̣̇ал̣хааяа раж̇ж̇уяаа б̣анд̇хзяяа. д̣̇ал̣хааяа раж̇ж̇уяаа б̣анд̇хид̇ваа маж̇жхз г̇ан̣тим̣ гарид̇ваа оссаж̇ж̇зяяа. ат̇а ко, д̇з, бхигкавз , чаббаан̣агаа наанаависаяаа наанааг̇ожараа сагам̣ сагам̣ г̇ожарависаяам̣ аавин̃чзяяум̣ 8 – ахи аавин̃чзяяа ‘ваммигам̣ бавзгкаамий’д̇и, сусумааро аавин̃чзяяа ‘уд̣̇агам̣ бавзгкаамий’д̇и, багкий аавин̃чзяяа ‘аагаасам̣ д̣зссаамий’д̇и, гуггуро аавин̃чзяяа ‘г̇аамам̣ бавзгкаамий’д̇и, син̇г̇аало аавин̃чзяяа ‘сийват̇игам̣ 9 бавзгкаамий’д̇и, маггадо аавин̃чзяяа ‘ванам̣ бавзгкаамий’д̇и. яад̣̇аа ко д̇з, бхигкавз, чаббаан̣агаа жхад̇д̇аа ассу гиланд̇аа, ат̇а ко яо нзсам̣ баан̣агаанам̣ б̣алавад̇аро асса д̇асса д̇з анувад̇д̇зяяум̣, анувид̇хааязяяум̣ васам̣ г̇ажчзяяум̣. звамзва ко, бхигкавз, яасса гассажи бхигкуно гааяаг̇ад̇аасад̇и абхаавид̇аа аб̣ахулийгад̇аа, д̇ам̣ жагку аавин̃чад̇и манаабиязсу руубзсу, аманаабияаа руубаа бадигуулаа хонд̇и…бз… мано аавин̃чад̇и манаабиязсу д̇хаммзсу, аманаабияаа д̇хаммаа бадигуулаа хонд̇и. звам̣ ко, бхигкавз, асам̣варо ход̇и.
‘‘Seyyathāpi, bhikkhave, puriso chappāṇake gahetvā nānāvisaye nānāgocare daḷhāya rajjuyā bandheyya. Ahiṃ gahetvā daḷhāya rajjuyā bandheyya. Susumāraṃ 10 gahetvā daḷhāya rajjuyā bandheyya. Pakkhiṃ gahetvā daḷhāya rajjuyā bandheyya. Kukkuraṃ gahetvā daḷhāya rajjuyā bandheyya . Siṅgālaṃ gahetvā daḷhāya rajjuyā bandheyya. Makkaṭaṃ gahetvā daḷhāya rajjuyā bandheyya. Daḷhāya rajjuyā bandhitvā majjhe gaṇṭhiṃ karitvā ossajjeyya. Atha kho, te, bhikkhave , chappāṇakā nānāvisayā nānāgocarā sakaṃ sakaṃ gocaravisayaṃ āviñcheyyuṃ 11 – ahi āviñcheyya ‘vammikaṃ pavekkhāmī’ti, susumāro āviñcheyya ‘udakaṃ pavekkhāmī’ti, pakkhī āviñcheyya ‘ākāsaṃ ḍessāmī’ti, kukkuro āviñcheyya ‘gāmaṃ pavekkhāmī’ti, siṅgālo āviñcheyya ‘sīvathikaṃ 12 pavekkhāmī’ti, makkaṭo āviñcheyya ‘vanaṃ pavekkhāmī’ti. Yadā kho te, bhikkhave, chappāṇakā jhattā assu kilantā, atha kho yo nesaṃ pāṇakānaṃ balavataro assa tassa te anuvatteyyuṃ, anuvidhāyeyyuṃ vasaṃ gaccheyyuṃ. Evameva kho, bhikkhave, yassa kassaci bhikkhuno kāyagatāsati abhāvitā abahulīkatā, taṃ cakkhu āviñchati manāpiyesu rūpesu, amanāpiyā rūpā paṭikūlā honti…pe… mano āviñchati manāpiyesu dhammesu, amanāpiyā dhammā paṭikūlā honti. Evaṃ kho, bhikkhave, asaṃvaro hoti.
‘‘гат̇ан̃жа, бхигкавз, сам̣варо ход̇и? ид̇ха, бхигкавз, бхигку жагкунаа руубам̣ д̣̇исваа бияаруубз руубз наад̇химужжад̇и, аббияаруубз руубз на б̣яаабаж̇ж̇ад̇и, убадтид̇агааяассад̇и жа вихарад̇и аббамаан̣ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и…бз… ж̇ивхаа расам̣ сааяид̇ваа…бз… манасаа д̇хаммам̣ вин̃н̃ааяа бияаруубз д̇хаммз наад̇химужжад̇и, аббияаруубз д̇хаммз на б̣яаабаж̇ж̇ад̇и, убадтид̇агааяассад̇и жа вихарад̇и аббамаан̣ажзд̇асо, д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и.
‘‘Kathañca, bhikkhave, saṃvaro hoti? Idha, bhikkhave, bhikkhu cakkhunā rūpaṃ disvā piyarūpe rūpe nādhimuccati, appiyarūpe rūpe na byāpajjati, upaṭṭhitakāyassati ca viharati appamāṇacetaso, tañca cetovimuttiṃ paññāvimuttiṃ yathābhūtaṃ pajānāti, yatthassa te uppannā pāpakā akusalā dhammā aparisesā nirujjhanti…pe… jivhā rasaṃ sāyitvā…pe… manasā dhammaṃ viññāya piyarūpe dhamme nādhimuccati, appiyarūpe dhamme na byāpajjati, upaṭṭhitakāyassati ca viharati appamāṇacetaso, tañca cetovimuttiṃ paññāvimuttiṃ yathābhūtaṃ pajānāti yatthassa te uppannā pāpakā akusalā dhammā aparisesā nirujjhanti.
‘‘сзяяат̇ааби, бхигкавз, бурисо чаббаан̣агз г̇ахзд̇ваа наанаависаяз наанааг̇ожарз д̣̇ал̣хааяа раж̇ж̇уяаа б̣анд̇хзяяа. ахим̣ г̇ахзд̇ваа д̣̇ал̣хааяа раж̇ж̇уяаа б̣анд̇хзяяа. сусумаарам̣ г̇ахзд̇ваа д̣̇ал̣хааяа раж̇ж̇уяаа б̣анд̇хзяяа. багким̣ г̇ахзд̇ваа…бз… гуггурам̣ г̇ахзд̇ваа… син̇г̇аалам̣ г̇ахзд̇ваа… маггадам̣ г̇ахзд̇ваа д̣̇ал̣хааяа раж̇ж̇уяаа б̣анд̇хзяяа. д̣̇ал̣хааяа раж̇ж̇уяаа б̣анд̇хид̇ваа д̣̇ал̣хз кийлз ваа т̇амбхз ваа убаниб̣анд̇хзяяа. ат̇а ко д̇з, бхигкавз, чаббаан̣агаа наанаависаяаа наанааг̇ожараа сагам̣ сагам̣ г̇ожарависаяам̣ аавин̃чзяяум̣ – ахи аавин̃чзяяа ‘ваммигам̣ бавзгкаамий’д̇и, сусумааро аавин̃чзяяа ‘уд̣̇агам̣ бавзгкаамий’д̇и, багкий аавин̃чзяяа ‘аагаасам̣ д̣зссаамий’д̇и, гуггуро аавин̃чзяяа ‘г̇аамам̣ бавзгкаамий’д̇и, син̇г̇аало аавин̃чзяяа ‘сийват̇игам̣ бавзгкаамий’д̇и, маггадо аавин̃чзяяа ‘ванам̣ бавзгкаамий’д̇и . яад̣̇аа ко д̇з, бхигкавз, чаббаан̣агаа жхад̇д̇аа ассу гиланд̇аа , ат̇а д̇амзва кийлам̣ ваа т̇амбхам̣ ваа убад̇идтзяяум̣, убанисийд̣̇зяяум̣, убанибаж̇ж̇зяяум̣. звамзва ко, бхигкавз, яасса гассажи бхигкуно гааяаг̇ад̇аасад̇и бхаавид̇аа б̣ахулийгад̇аа, д̇ам̣ жагку наавин̃чад̇и манаабиязсу руубзсу, аманаабияаа руубаа наббадигуулаа хонд̇и…бз… ж̇ивхаа наавин̃чад̇и манаабиязсу расзсу…бз… мано наавин̃чад̇и манаабиязсу д̇хаммзсу, аманаабияаа д̇хаммаа наббадигуулаа хонд̇и. звам̣ ко, бхигкавз, сам̣варо ход̇и.
‘‘Seyyathāpi, bhikkhave, puriso chappāṇake gahetvā nānāvisaye nānāgocare daḷhāya rajjuyā bandheyya. Ahiṃ gahetvā daḷhāya rajjuyā bandheyya. Susumāraṃ gahetvā daḷhāya rajjuyā bandheyya. Pakkhiṃ gahetvā…pe… kukkuraṃ gahetvā… siṅgālaṃ gahetvā… makkaṭaṃ gahetvā daḷhāya rajjuyā bandheyya. Daḷhāya rajjuyā bandhitvā daḷhe khīle vā thambhe vā upanibandheyya. Atha kho te, bhikkhave, chappāṇakā nānāvisayā nānāgocarā sakaṃ sakaṃ gocaravisayaṃ āviñcheyyuṃ – ahi āviñcheyya ‘vammikaṃ pavekkhāmī’ti, susumāro āviñcheyya ‘udakaṃ pavekkhāmī’ti, pakkhī āviñcheyya ‘ākāsaṃ ḍessāmī’ti, kukkuro āviñcheyya ‘gāmaṃ pavekkhāmī’ti, siṅgālo āviñcheyya ‘sīvathikaṃ pavekkhāmī’ti, makkaṭo āviñcheyya ‘vanaṃ pavekkhāmī’ti . Yadā kho te, bhikkhave, chappāṇakā jhattā assu kilantā , atha tameva khīlaṃ vā thambhaṃ vā upatiṭṭheyyuṃ, upanisīdeyyuṃ, upanipajjeyyuṃ. Evameva kho, bhikkhave, yassa kassaci bhikkhuno kāyagatāsati bhāvitā bahulīkatā, taṃ cakkhu nāviñchati manāpiyesu rūpesu, amanāpiyā rūpā nappaṭikūlā honti…pe… jivhā nāviñchati manāpiyesu rasesu…pe… mano nāviñchati manāpiyesu dhammesu, amanāpiyā dhammā nappaṭikūlā honti. Evaṃ kho, bhikkhave, saṃvaro hoti.
‘‘‘д̣̇ал̣хз кийлз ваа т̇амбхз ваа’д̇и ко, бхигкавз, гааяаг̇ад̇ааяа сад̇ияаа зд̇ам̣ ад̇хиважанам̣. д̇асмаад̇иха во, бхигкавз, звам̣ сигкид̇аб̣б̣ам̣ – ‘гааяаг̇ад̇аа но сад̇и бхаавид̇аа бхависсад̇и б̣ахулийгад̇аа яаанийгад̇аа вад̇т̇угад̇аа анудтид̇аа барижид̇аа сусамаарад̣̇д̇хаа’д̇и. зван̃хи ко, бхигкавз, сигкид̇аб̣б̣а’’нд̇и. д̣̇асамам̣.
‘‘‘Daḷhe khīle vā thambhe vā’ti kho, bhikkhave, kāyagatāya satiyā etaṃ adhivacanaṃ. Tasmātiha vo, bhikkhave, evaṃ sikkhitabbaṃ – ‘kāyagatā no sati bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi kho, bhikkhave, sikkhitabba’’nti. Dasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. чаббаан̣агобамасуд̇д̇аван̣н̣анаа • 10. Chappāṇakopamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. чаббаан̣агобамасуд̇д̇аван̣н̣анаа • 10. Chappāṇakopamasuttavaṇṇanā
